'တစ်ချိန်က သူအရမ်းချစ်ခဲ့မိသည့် အကို။'
'သူ ရူးရူးမူးမူးစွဲလန်းမိခဲ့ဖူးသည့် အကို။'
'တစ်ချိန်က သူ့ကိုလျစ်လျူရှု့ခဲ့ဖူးသည့် အကို။'
~~
'အခုနောက်ပိုင်း သူ့ကိုအရမ်းချစ်လာနေသည့် အကို။'
'သူ့ကို ရူးရူးမူးမူးစွဲလန်းလာသည့် အကို။'
'အခုနောက်ပိုင်း သူ့ကိုအများကြီးဂရုစိုက်လာသည့် အကို။'
အကိုဟာ သိပ်ကိုခန့်မှန်းရခက်တဲ့လူတစ်ယောက်ပင်။
"၀န်းငယ်.. ထတော့လေ။ ဒီနေ့အတန်းစောစောတတ်ဖို့ရှိတယ်မဟုတ်လား"
မနက်ခင်းအစဟာ အကို့ရဲ့နူးညံ့သာယာနေတဲ့အသံနဲ့ကြည်နူးစရာအတိခင်းသည်။ အကိုဟာ သူ့အဆောင်ကိုမနက်တိုင်းရောက်ရောက်လာကာ သူ့ကိုအစစအရာအရာဂရုစိုက်ပြင်ဆင်ပေးတတ်သည်။
အဲ့လိုဆိုတိုင်း သူဟာအလယ်တန်းကျောင်းသားလည်းဟုတ်မနေပါ။ ဆယ်ကျော်သက်လည်းဟုတ်မနေခဲ့ပါ။
သူဟာ အသက်၂၁နှစ်အရွယ် ၊ တက္ကသိုလ်ကျောင်းသားတစ်ဦးဖြစ်ပြီး အကိုကတော့ အသက်၂၄နှစ်အရွယ် တက္ကသိုလ်ကျောင်းပြီးခါနီး စီနီယာတန်းကျောင်းသားတစ်ဦးသာဖြစ်သည်။ ထို့အတူ သူတို့နှစ်ယောက်ဟာလည်း တွဲတာနှစ်ချီနေခဲ့ပြီဖြစ်တဲ့ couple တစ်ခုသာ။
"အကို..ကျွန်တော်ပြီးပြီ ၊ သွားကြရအောင်လေ"
"အင်း ၀န်းငယ်။"
ကျောင်းထဲရောက်တော့ အကို့ရဲ့လက်သွယ်သွယ်တွေဟာ သူ့လက်တွေထဲသို့ရောယှက်ဆုပ်ကိုင်လာတယ်။ ဒါဟာပုံမှန်ပဲဖြစ်သည်မို့ အသင့်အတင့်နေနေပေးခဲ့ရင်း ထုံးစံအတိုင်းသူ့ကိုအတန်းရှေ့ထိလိုက်ပို့ပေးသွားတဲ့အကို့ကိုနှုတ်ဆက်ပြီး အထဲကို၀င်လိုက်တယ်။အတန်းတွေပြီး ၊ နေ့လည်စာစားတော့လည်း ဒီလိုပါပဲ။ အကိုဟာသူ့အတန်းရှေ့ထိလာကြိုပေး ၊ ကန်တင်းမှာအတူတူစားဖို့ နေ့လည်စာတွေကိုလည်းကိုယ်တိုင်ထယူပေးတတ်သည်။ အကိုဟာသူ့ကိုအဲ့လိုမျိုးအသေးအမွှားတွေကအစ သိပ်ကိုဂရုစိုက်ပေးတတ်တဲ့သူတစ်ယောက်ပါ။ ထိုအချိန်တွေတိုင်း သူဟာလည်းဘာကိုခံစားမနေမိ။
![](https://img.wattpad.com/cover/324901113-288-k427249.jpg)