#عشقت قمر الصعيد #ندي سامي
البارت الحادي عشر
صحيت قمر ودخلت خدت شاور وحاولت تبان انها طبيعيه وقررت تروح اوضه تالين وخرجت وراحت الاوضه اللي جمبها وفتحت الباب ودخلت وفجأه!!!
قمر بصت لاقت ان الاوضه دي مش شبه اوضه تالين ولسه هتخرج ف حد شدها ودخلها جوا وكتم نفسها لانها كانت هتصوت
الشخص: هشششش متخافيش انا باسل
صدمت قمر ولسه هتتكلم معرفتش لان باسل حاطط ايده علي بوقها
باسل شال ايده ولفها ناحيته
قمر بغضب: اي اللي انت بتعمله دا ولي شدتني ودخلتني جوا انا كنت فاكره ان دي اوضه تالين لان اوضتي جمبها معرفش ان دي اوضتك
باسل بخبث: يعني انتي مكنتيش تعرفي ان دي اوضتي وغمز
قمر بخجل: لا والله يا استاذ باسل معرفش ان دي اوضه حضرتك قالتها بتريقه
باسل بغضب: بت انتي الشغل دا ميتعملش عليا انطقي انتي مين وعايزه اي وجايه بيتنا تعملي اي والا والله هندمك ع اليوم اللي اتولدتي فيه لو حاولتي تعملي حاجه تأذي اي حد من العيله انتي فاهمه قالها بغضب وبصوت عالي قليلا
صدمت قمر مما قاله باسل والدموع تسيل من عيونها علي سوء ظنه بها وبدات في بكاء مرير
وتركت باسل وركضت بسرعه الي غرفتها
استعاد باسل وعيه وغضب من نفسه علي ما فعله لقمر وقال
باسل في نفسه: انت زعلان لي مش دا اللي انت عايز تعمله وعايز تهينها وتعرف هي جايه هنا لي زعلان لي بقا
تالين كانت خارجه من اوضتها وشافت قمر وهي بتعيط وخارجه من اوضه باسل ولسه هتسالها قمر دخلت اوضتها وقفلت الباب عليها من جوا بالمفتاح وقعدت تخبط وقمر مردتش
تالين: قمر افتحي الباب حصل اي ابيه باسل عملك حاجه زعلتك يبنتي افتحي وطمنيني عليكي
تالين لاقت ان مفيش فايده وقمر مش هتفتح الباب راحت علي اوضه باسل وفتحت الباب من غير لما تخبط
تالين: ازاي يا ابيه تزعل قمر كدا هي عملتلك اي يعني عشان كل لما تشوفها تجرحها بالشكل دا
باسل: انتي ازاي تفتحي الباب كدا من غير ما تخبطي يا تالين هو دا اللي احنا علمناه ليكي
تالين: ابيه باسل دا مش موضوعنا انت قولت لقمر اي خليتها منهاره كدا
باسل ببرود عكس ما بداخله: اظن انا حر اقول اللي انا عايزه لاي حد ولا انتي جايه تحاسبي اخوكي الكبير يا تالين هانم
تالين: انا مش قصدي يا ابيه بس انا عايزه اعرف انت بتعمل معاها كدا لي دي طيبه يا ابيه و..
لسه تالين هتتكمل قاطعها باسل
باسل: تالين انا مش عايز اسمع حاجه واتفضلي روحي علي اوضتك يلا
تالين بوجع علي حال اخوها: ماشي يا ابيه بس بكره تعرف انك غلطان
خرجت تالين وقفلت الباب وراها وكسر باسل كل حاجه قدامه ودخل باخد شاور ويروح عند شيري يمكن ينسي شويه قمر ومتجيش في باله
خبطت تالين علي قمر تاني وصممت انها تفتح
تالين: قمر عشان خاطري افتحي لو بتحبيني افتحي مش انتي قولتيلي اني اختك افتحي لاختك بقا طمنيني عليكي
قمر قامت فتحت الباب وراحت علي السرير تاني ودخلت خلفها تالين
تالين: اي يحببتي مالك قولبلي اي اللي مزعلك
قمر بتبكي ومببتكلمش
تالين: حببتي انا عارفه ان ابيه باسل هو اللي زعلك صدقيني هو عمره ما كان قاسي للدرجه دي معرفش ماله متزعليش منه هو قلبه طيب اووي
قمر من وسط دموعها: انا معرفش بيعمل معايا كدا لي انا والله معملتش اي حاجه تزعله مش ذنبي اني اتولدت فقيره ومش اوبين مايند زي ما هو عايز هو وجعني اووي يا تالين انا مش زي ما هو فاكرني كدا انا بحبكم والله ومستحيل احاول أذي حد فيكم مستحيل
تالين: انا عارفه والله يعيوني ولو بابي ومامي مش واثقين فيكي مكنوش دخلوكي الڤيلا هنا وخلوكي تعيشي معانا دا انتي اطيب واجمل بنوته يلا بقا اضحكي وامسحي دموعك وفجاه الباب خبط
تالين: ايوا مين اللي بيخبط
داده سعاد: انا سعاد يا تالين يبنتي يلا انزلوا عشان تتعشوا مع البيه والهانم تحت
تالين: ماشي يا داده نازلين
تالين: يلا يقمر بقا ننزل وحقك عليا انا متزعليش يلا يحببتي
نزلت تالين وقمر عشان يتعشوا تحت مع صالح الدمنهوري وناديه
صالح الدمنهوري: تعالوا يحبايبي اقعدوا عشان تاكلوا امال فين باسل
تالين بصت لقمر عشان تحاول تهديها وقمر لتحاول تمسك نفسها ومتعيطش عشان متجبش مشاكل لباسل برغم اللي هو بيعمله معاها
تالين: فوق يا بابي ف اوضته زمانه نازل
ناديه لقمر: مالك يحببتي انتي تعبانه
قمر: لا يا ماما انا كويسه متقلقيش
ناديه بفرحه: يقلب ماما انتي يارب دايما تكوني بخير
تالين بمرح: اي يست ماما واحنا مش هينوبنا من الحب جانب ولا اي
كلهم ضحكوا علي كلامها وبداوا يتناولوا العشاء
باسل كان واقف علي السلم وسمع قمر بتقول لناديه يا ماما حس بفرحه ميعرفش سببها اي
صالح الدمنهوري: لو سمحتي يا سعاد ممكن تنادي علي باسل عشان....
لم يكمل جملته
باسل: ملوش لازمه يا صالح بيه انا خارج اسهر مع شيري ولسه هيفتح الباب عشان يخرج
صالح الدمنهوري: استني عندك و...
هنكمل البارت الجاي شكرا للناس الجميله علي كلامهم وتشجيعهم وكومنتاتهم الجميله متنسوش تعملوا لايك وتشجعوني اكتر ♥
