ليالي شبة النار والشتاء
ولمة الأهل مَمثلها ليالي
______________________________&&&
فتحت عيني على صوت ماما وهي تصيح
سعاد : گومي شمس راح تتأخرين على المدرسه
شمس : يوم بس شوي والله نعسانه
سعاد : هلگد ماتسهرين كم مرة اكلج نامي من وقت
شمس : اوووو كمت كمت
الجو كلش بااارد كمت غسلت وبدلت وشربت كوب حليب وطلعت للطارمه لبست حذائي صحت على ماما
شمس : امي وين بابا شو ماهوه
سعاد : اوف على ابوج خطيه طلع من الخمسه للشغل بلكي الله يرزقه هالرجال متعوب
شمس : لو يطالب بحقه جان ماعشنه احسن عيشه
سعاد : امي ابوج ميقبل يزعل خوانه وجدج مصارله هواي من متوفي
شمس : امي هذا حقه بس هوه يخاف على زعلهم وهمه مايعترفون بي
سعاد : روحي امي تأخرتي روحي
هزيت ايدي وطلعت ومريت على بيت آية صديقتي انتصرنا نروح سوه دكيت الباب ماكو دكيت حييل طلعتلي امها
شمس : صباح الخيرخاله وين ايه؟
أم احمد : هلا حبيبتي صباح النور هسه تجي تعالي تريكي وبأنه
شمس : لا خالتي الف عافيه تريكو
طلعت ايه والدموع على خدها
ايه: هلا شمس يلا امشي تأخرنا
شمس : شبي وجهج ؟
ايه : اخخخخ تعبت امشي ونحجي
شمس : يلا خاله مع السلامه
ام احمد : الله وياكم حبيباتي ايه امي لاتفكرين الله يفرجها
ايه: إنشاءالله ماما
نمشي واني بالي كله يم ايه وهيه صافنه بغير عالم والله انقهر على هالبنيه....
شمس : ايه مراح تسولفيلي شصار وياج
ايه : ولج شمس شسولف تعبت من هالحياة متحمله شغلات فوك عمري كلش راح اطك بعد شيصير بيه ابوي بخيل ويطب ويطلع يكتل بيه يموت مني وبعد وبعد مابيه احجي ودموعها كانت تنزل
شمس : اي حاسه بيج لاتبجين عفيه إنشاءالله الله يفرجها.......................
صوتوا وانطوني رأيكم
