سلسلة اسكريبتات

سكريبت(أسئلة وقت الزواج)

إيه هدفك من الجواز؟

بصلها باستغراب وجاوب: حياة مستقرة، زوجة تشاركني حياتي نقدم لبعض اللي محتاجينه، نعين بعض على طاعة الله، ونأخذ بإيد بعض للجنة

نجيب عيال ونعمر الأرض، ويكونوا لنا صدقة جارية في الدنيا بعد موتنا، يكونوا صالحين نعلمهم ديننا ويعملوا باللي أمرنا به ربنا، ويعبدوا ربنا

وكمان عشان نحفظ نفسنا من الفتن، ومن الوقوع في الزنا

هى: حلو تفكير سليم

هو: تمام إيه الأسئلة اللي عايزة تعرفي إجابتها؟

هى: هتعاملني إزاي بعد الجواز

هو: زي ما ربنا أمرنا، وزي ما رسولنا الكريم صلى الله عليه وسلم قالنا، وقت الخلاف عمري ما أقول ألفاظ سيئة، ولا أمد إيدي عليكي، كل حاجة هتبقى إن شاء الله بالعقل، أصل أنا بردوا من الناس اللي بتتحكم في عصبيتها وقت الغضب

وهعاملك بود واحترام وتفاهم، وكمان عيالنا كدا هكون ليكم الأب والصاحب وكل حاجة

هدللك ونهزر مع بعض ونضحك وكل حاجة حلوة
بقلم إسراء إبراهيم

هى بابتسامة: تمام، دورك بقى حابب تسأل عن إيه؟

هو بابتسامة: إيه مواصفات زوجك المستقبلي؟ عشان بس لو في نقطة كدا ولا كدا أبقى عارفها ومش حارمك من حاجة

هى بابتسامة: مواصفات سهلة بس صعب تلاقيها في الوقت الحالي

هو: قولي وأنا سامعك

هى: يكون بيصلي الصلاة في وقتها، وحافظ كتاب الله وبيعمل به، وشخص سوي، ومتفاهم وعاقل، وبيغض بصره وبيعرف يتعامل على حسب الموقف اللي قدامه أيا كان

هو: فعلا مواصفات سهلة، ودا اللي كنت متوقعه منك

هى: في أي أسئلة تانية؟

هو: لأ اللي كنت حابب أعرفه عرفته وكدا كويس أوي، ناقص بس موافقتك عليا وكدا هكون مبسوط أوي

دخل والدها وقال ها يا أولاد؟

بصتله بنته بكسوف وقالت: اللي تشوفه يا بابا

والدها بابتسامة: مبارك يابنتي

ووالدتها زغرطت وقرأوا الفاتحة ولبسها دبلتها بدون ما يلمس إيدها، ولبس دبلته بنفسه

#أسئلة_وقت_الزواج

#إسراء_إبراهيم