" شَارع طويل "
بقلمي انا " رقية فراس " ♡︎
- مرني چذبة
مرني عيد بلا ضفيرة
لو حلم مغشوش مرني
وانتَ تدري ركضة المحروك
ركضتها السنين
كل بسامير التوابيت اشتهتني !
وهل متت موتت غريب
بلايه بچيه ، بلايه ابوي ،
بلايه انتَ ، بلا ونين
وهل بعدها عيوني مفتوحه
اعلهَ طولك
ردلي بَس سرگيلي عين ؛
يَ الحنين المو حنين .
__________________________
بغداد
ساحة التحرير
2019/10/20
ثورة تشرين
اني وامي نغسل بملابس المتضاهرين اغسل ويتقطع گلبي عليهم واباوعلهم واشوف ضحكتهم الحلوة كلما اشوف واحد يضحك بجه
فرقان:- يمه هذولي شباب والبنات مو خطية ليش هيج مجروحين ودم ، ليش ميرجعون الاهلهم مو احسللهم ؟.
شهرزاد:- فرقاني لو يرجعون نبقه على نفس الفساد وانتي متعيشين حياتج مثل الدول المتقدمه .
فرقان:- بس هم يموتون لو ينجرحون خطيه انقهر عليهم .
شهرزاد:- خلي اسولفلج ما دام تردين البلد ينهار ، الحسين لمن طلع يدافع عن شنو؟
فرقان:- يدافع يدافع ، عليمن يدافع؟
شهرزاد:- تحلف بي ومتعرفه استغفر الله ، طلع يدافع عن الحرية الحسين ما راد الفساد بس احنه جبناه حتى يحررنه من الضلم والفساد وقتلناه .
فرقان:- ليش قتلناه مو احنه الجبناه ؟.
شهرزاد:- محد طلع وي الحسين يدافع بس هو بساحة المعركة و من اهل البيت عليهم أفضل الصلاة والسلام .
اجه صفاء جر طبلة وكعد يمنه .
صفاء:- هلا عمه شونج؟
شهرزاد:- بخير دامك بخير وليدي .
صفاء:- فرقان شبيه معبسه؟
شهرزاد:- اندري اسأله .
صفاء:- شبيج احد مضوجج؟
فرقان:- لا كلهم طيبين وحبابين
صفاء:- چا شبيج؟
فرقان:- مقهورة على الشباب الماتت والشباب التصوبت حيل مقهورة .
تنهد وكال ، مو بس انتي حتى احنه مقهورين على نفسنه ، يلا اني رايح محتاجين شي .
فرقان:- سلامتك .
شهرزاد:- استودعتك الله .
راح صفاء وضلينه نغسل الملابس ، درت وجهي اشوف سبب صريخ البنات والولد اشوف المنضر الي ما حسبتله حساب .........
♡︎♡︎♡︎♡︎♡︎♡︎♡︎♡︎♡︎♡︎♡︎
المقتطف " 2 "
دموعي نشفن من البجي اتمشى عل الجسر سيارات تروح بيه شهداء وسيارات تجي تريد تستشهد علمود هاذا الوطن ، تعبت من المشي وكعدت كبال النهر مديت رجلي على بطني وصافنة ، اني شراح يصير بيه؟ هم راح استشهد وعمر اهدعش معقولة ؟! ، درت وجهي اسمع الولد يصيحون صفاء استشهد صفاء استشهد ، رجعت ابجي ماعندي غير هاذا الحل ، اجه رجال كعد بصفي اباوعله صافن على النهر واني صافنه عليه .
- محتاجه شي .
- سلامتك .
- ليش كاعده هنا وحدج؟
- لو سمحت ما احب احجي .
- على راحتج ، تردين تروحين وياي للبيت؟
- عمو انت شدتحجي يا بيت اني ماعرفك اصلا؟
- هههه لا عمو اني مزوج وعدي بنات بكدج لا يروح بالج بعيد .
- ممم لا شكراً .
- فكري .
فكرت بالموضوع صفنت عليه رجال حباب مبتسم بوجهي .
- ******
قريباً ♥️
أنت تقرأ
" شَارع طويل "
Teen Fictionدخلت للغرفة مو نفسه الي اشوفه بالواتباد لا بيه اصفر لا أحمر لا اسود من سود الله وجهك إن شاء الله . فُرقان:- هسه كون يطلع صاگ نفس مهيمن عمي نفس داغر راضية والحسين . - منو صاگ . ارتعبت كبل كلت ، - خالتي - اممم خالتج اي تمام . - اجكم - عفواً آنستي . ...
