رهائن الميتم

'33'

الحلقه الثالثة والثلاثون 🦋💙

انتَ عالم انتَ كون
انتَ وحدك بلعّيوُن.

''

ضليت صافنه عليه اباوعله من المرايه
مبتسم ويبوس برگبتي
درت وجهي اباوع بعيونه بلعت ريگي

- ليـش عقدت عليها اذا ما رايدها
شنو تضحك على مشاعرها
هسه تمام اني ماحب اشاركك بأحد
بـس مـو والله علمود تضوجني وتقهرني
رحت عقدت عليها شراح يگولون
العالم عليك ابوها اهلها الولد مُصعب
ميصير هيج هيه بنيه وتعرف سمعه
البنيه بـ مجتمعنه شنو
راح يطلعون ميه الف عيب بيها

- ڪلامج عين العقل گملي

- هسه انتَ طلگتها وعادي عندك
بس هيه راح تدمر نفسيتها
ومن وره گلام الناس واهلها ونضرات
اقاربها وكلامهم راح تفگر تنتحر
هاي النماذج جنت اشوفها بالميتم
مُصعب لا تضحك على مشاعر بنيه
ماحب هاي السالفه

احجي ولا منتبه الي يباوع على حلگي
شلون احجي ويهز براسه عود منتبه
من سكتت

- گملي
- شـنو مُصعب احجي ويه الحايط

- لا حبيبتي وياج
- شگلت اني هسه

تقرب مني رجعت على الميز حط
ايده منا ومنا على الميز
عض شفته

- گلتي اني احبنك هواااااااي
- جذاب شوگت گلت هيج

باوع لشفايفي بلعت ريگي قرب
وجهه اگثر خليت ايدي على صدره
ادفعه وگفه باوعليه
حرگ خشمه على خشمي غمضت عيوني
عصرت قميصه بأيدي ارچف

- صايره تخدرين بسرعه
بگل مره تعبيني البارحه ماتعبتيني
صح ما جنتي تبادلين بس جنتي
مطيعه شسوي ساكته

رفعت حاچبي حته ماذكر
هوَ ضحك وگال والله ماجذب
عگدت حواچبي مستغربه ولا اتذڪر

- شني يابه نسيتي البارحه
- شنو

- لا يربج جنتي خدرانه
كلشي ماتدرين

- شكو

- البارحه شگلج تگولين تأمر
وشسوي قابله

- جذاب

- وابوفاضل
- دخيل ابوفاضل لا تحلف جذب

- ههههه مامجذب والحسن
- ماذڪر

- تذگرين شگلتي بالمستشفى لبارحه
گلتي اكره لمساتك واكرهك
بكم ساعه صرتي انتِ تردين لمساتي
هاا ههخهههههههخههه بووويه

ضل يكح ويضحك ضربته على صدره
وخر مني يضحك
نرفزني كل شويه وضحك
راد يطلع لزمته

- شنو سالفه رقيـه صدك
طلگتها لو تضحك عليه

- اي طلگتها وبعدين اني
اكلج السالفه كامله
هسه الولد منتضريني

باس خدي وطلع طلعت وره
رحت للمطبخ شافتني قُربان ضحكت
وحطت ايدها على حلكها عود تهلهل
بسكوت وجمانه كاعده عيونها تعبانه يتهامسن
ويتغامزن هيه وعلياء باوعت الهن مستغربه