غزاله الضابط سلمان

1

غزل : كعدت الصبح و سويت روتيني و نزلت شفت بابا حالته جاي تسوء كمت ابجي
ابو غزل : بنيتي لا تبجين  اذا اموت و اوعديني تكوني قويه و اني خابرت عمج و وصيته عليج همه راح يجون لبغداد
غزل و دموعها بعينها : يمته يجون
ابو غزل : باجر الصبح همه راح يجون
غزل : منو الي راح يجي
ابو غزا : جدج. و بيبيتج و عمج و ابنه سلمان
غزل : بابا لا تحجي شوف شلون تعبت ولله لو تاخذ الدوه بابا لخاطري اخذ الدوه
ابو غزا : بنيتي اني ما اريد اخذ الدوه لئن اريد الحك امج بعد ما اتحمل افراكها
غزل هيه و تبجي : زين اني بعدك منو الي ما فكرت بيه
ابو غزل : بنيتي بيت جدج هم الي بقولج  فه اني من راح اعوفج اعوفج بمكان امن

سلمان : كعدت الصبح سبحت و لبست ملابس الشغل و نزلت صبحت على الوالده و جدي و جدتي و تريكت و رحت لدوام  و رجعت الضهر و احنه جاي ناكل كال ابويه
ابو سلمان : بويه اني باجر اروح لبغداد عندي شغله
جدي : احجي شبيه احمد ( احمد  ابو غزل ) 
ابو سلمان بتوتر  : بويه احمد
مريض بالسرطان و هاي ايامه و رايدني اعتني بغزل
جدي : اني اروح اشوف ابني و حفيدتي اجي باجر وياك سلمان انته هم تجي ويانه
سلمان : حاضر جدي
بيبي : يمه ابني راح شيخ اني هم اجي اريد اشوف ابني
ملاك : بابا منو غزل
ابو سلمان : غزل بنت عمج احمد
ملاك : ياااا لعد ليش محد يعرفها
راد يحجي ابو سلمان بس قاطعه الشيخ

ملاحظه راح اسمي جد سلمان و غزل بالشيخ و الجده بالشيخه

الشيخ : صارت مشكله و طلعو و باجر انشالله اجيبها وياي هيه و عمج احمد
سلمان : جاي يحجي جدي و قاطعنه صوت تلفوني رقم غريب استغربت و استئذنت و اريد اكوم اجاوب الرقم بس جدي كال
الشيخ : ابني سلمان جاوب على التلفون يمنه ماكو داعي تكوم
سلمان : جاوبت الرقم جان يطلعلي صوت ابنيه بس مو صوت ضيم و جانت تبجي كلشي ما فهمت

سلمان : خويه اهدي و منو انتي. و شبيج تبجين
البنت : انته سلمان ابن عمر ( ابو سلمان اسمه عمر ) سلمان : اي خيتي  بس منو انتي

البنت : اني غزل بنت عمك احمد فدوه الحكوني بابا ماتتت ( هاذ الحجي غزل تحجيه بتقطع لئن تبجي )
سلمان : كالت البنيه اسمي غزل بنت عمك احمد و كلتلي بابا مات انصدمت يا ربي شلون اكول لجدي و ابوي و بيبيتي
سلمان : انتي اهدي اني هسه راح اجي زين انتي وين
غزل هيه و تبجي بحركه : بالبيت
سلمان : خوش بس لا تطلعين زين ابقي اله اني اجي و لا تفتحين الباب لحد
غزل هيه و تبجي : تمام باي
سلمان : باي
ابو سلمان : بويه منو على الخط
سلمان : بويه عمي احمد مات لازم انروح هسه و غزل بالبيت اني وصيتها ما تطلع
ابو سلمان : الله يرحمه بنته راح اربيها حالها حال ملاك واعدت المرحوم بهاذ الشي و ما اخلي احد يلمس شعره من راسها او ايئذيها هاي بنت الغالي
الشيخ : ابني مات و اني ما شايفه 😭😭
الشيخه : ابنننننني راح مني ولك وليدي تاعل يمه اريد اشوفك 😭😭😭

تخربطت الشيخه

سلمان : كلت الهم الخبر و بيبي تخربطت و اني و جدي و ابوي رحنه لبغداد سويت الطريق 3 ساعات
و وصلنه جان ادك من تلفوني الثاني  على الرقم الي دكت منه غزل

غزل : نمت اني و اني ابجي على بابا و ما حسيت اله من دك تلفوني رقم غريب ما رديت عفته بس ضل الرقم يدك فه اطريت اجاوب. و اني خايفه

سلمان : يدك التلفون بس ما تجاوب خفت كلت بس لامسويه شي بنفسها جان ردت بس شنو امبين من صوتها خايفه فه رئسن كلتلها اني سلمان ابن عمج لا تخافين

غزل : ارتاحيت من كال اني سلمان ابن عمج كتله ها اسفه بس هاذ مو نفس الرقم الي دكيت عليك منه
فه خفت
سلمان : اي هذاك التلفون خلص رصيده باوعي احنه وصلنه اني و جدي و ابوي وين بيتكم بيا منطقه

غزل : بمنطقه ............
سلمان : تمام قريبين احنه عليكم
وصلنه لبيت عمي بعد ما غزل دلتنه بالبيت و سئلنه كم واحد بالطريق هم
دكينه الباب و جان تطلعنه بنيه قنبله مو بنيه ضيم تجننن قليله بحقها
غزل : اندك الباب و جان اكوم افتحه لئن عرفت هذول بيت جدي
اول ما فتحت الباب جان اشوف واحد طويل حيل و معضل اني من يمي خفت و كلت رحت بيها هاذ جاي يخطفني
سلمان : اباوع عليها خايفه و جدي و ابوي ورايه فه مامبينين   كلتلها انتي غزل مو. هزت راسها اي و هيه خايفه كلتلها اني سلمان
غزل : كلي اني سلمان فه ارتاحيت وحجيت انته كلت جدو و عمو راح يجون وينهم
ابو سلمان : بنيتي شلونج
غزل و الدموع بعينها : عمو بابا راح منو الي بهاي الحياه بعد
الشيخ : تعاي بنيتي عندج اني و عمامج و ولد عمج لا تخافين

ملاحضه سلمان خابر
دفانه و كال لغزل راح يجو دفانه يدفنون ابو غزل و اخذوه

الشيخ : ابني سلمان احمد دفنوه مو
سلمان : اي شيخي
الشيخ : لعد خلينه انروح وراهم علمود غزل و اني انودع المرحوم
سلمان : تئمر جدي
رحنه للنجف و شفنه عمي همه و جاي يدفنونه و غزل بس تبجي تكسر الخاطر
بعد مرور تسبوع. و غزل ابد ما تاكل و بس تبجي خطيه و اليوم راح نرجع للبصره
جاي نطلع و اشوف هاي ما لابسه حجاب كلت
سلما : غزل راح تطلعين هيج اقصد بدون حجاب
غزل : اي اني ما محجبه
سلمان : غزل اني ما اكدر اجبرج على الحجاب لئن اريد انتي تلبسينه بارادتج بس اتمنه تلبسينه افضل
غزل :  اسفه سلمان بس ولله ما عندي حجاب علمو البسه هسه
سلمان : اذا رايده اشتريلج هسه حجاب
غزل : بس ما اعرف البسه يعني عادي البسه نفس ما لبسته بالنجف
ملاحضه ( غزل لبست حجاب من هذول الي يئجرون عبايات و حجابات ما اعرف اذا فهمتوني )
سلمان : اي لحد ما ملاك تعلمج عليه من نوصل. ها و تكدرين ما تلبسينه بالبيت لئن بي بس اني  و اخوتي اما اذا اجوي ولد عمامي تلبسين حجاب
غزل : تمام شكرا
سلمان : عليمن تشكرين
غزل : لئن جاي تنصحني بس ممكن اسئل سؤال
سلمان  بابتسامه :اي عادي
غزل : منو  ملاك
سلمان : ملاك اختي عمرها 18 سنه
غزل : اها
سلمان :  اي صدك انتي شكد عمرج
غزل : اني عمري هم  18 سنه
سلمان : مبطله دراسه ؟
غزل بخوف : لا بس حباب لا تبطلوني
سلمان : لا لا ما امبطلج حته ملوكه هم تدرس و راح انقلج بالمدرسه الي تدرس هيه بيها
غزل : تمام شكرا
الشيخ : بنتي يله تعاي وياي  اصعدي بالسياره

غزل : اي جدو
صعدو غزل و ابو سلمان و الشيخ و سلمان يصعد بالجنط

غزل : كلش فرحت من ما راح يبطلوني من الدوام و بعد طريق طويل اخيرا وصلنه البصره

كافي تعبت من الكتابه اذا عجبتكم القصه كلولي علمو انزل الجزء الثاني  + اذا اكو اخطاء املائيه فه اسفه