ملاك بصدمه/انتي جبتي الروايه ازاي
صفيه بعصبيه /لقيته عند نوح يا استاذه
ملاك بخوف/والله العظيم ياماما انا.....
صفيه بعصبيه /انتي ايه ازاي تخرجي من غير علمي افردي مازن شافك طب بلاش افردي حصلك حاجه ازاي تروحي البيت من غير اذني
ملاك بدموع /والله ياماما مش قصدي ازعلك ولا اخبي عليكي بس انا من زمان كان نفسي اروح البيت ده ولو قولتلك مكنتيش هتوافقي
صفيه بعصبيه /وانتي بتحكمي من دماغك ليه مش يمكن كنت وافقت
ملاك بصدمه/بجد هتوافقي
صفيه ببرود/ملاك وربنا لو روحتي هناك تاني مش هيحصلك كويس
ملاك بسرعه/لا ونبي ياماما عشان خاطري خليني اروح
صفيه ببرود/ليه ان شاءلله تروحي ليه مش روحتي وشوفتيه عايزه ايه تاني
ملاك بتوتر/نوح
صفيه ببرود/ماله
ملاك بكسوف/احم مش عوزاه يبقي لوحده تاني هو مصدق لقي حد يونسه
صفيه بخبث/وانتي بقي اللي هتونسيه
ملاك بكسوف/مش اوي بس علي الاقل هعوض شويه فراغ من السنين اللي عاشها لوحده
صفيه بهدوء/ملاك
ملاك باصرار/ونبي ياماما عشان خاطري سبيني اروحله
صفيه بتنهيده/ماشي ياملاك روحي
ملاك بغباء/ايه ده بسرعه كده انا افتكرت هتعاندي
صفيه بابتسامة /انا عارفه نوح كويس وانه مش هياذيكي وانتي حابه تروحيله وفعلا هو محتاج حد يونسه فاروحيله
ملاك بتركيز/صح ياماما انتي تعرفي نوح منين
صفيه بتنهيده/مامته كانت صحبتي أنا وصباح
ملاك باستغراب/طنط صباح اللي شغاله عند مازن
صفيه بهدوء /ايوه
ملاك بتفكير/طب ليه سبتو نوح بعد موت اهله ليه مجبتيهوش مثلا هنا او راح لطنط صباح سبتوه لوحده ليه
صفيه بهدوء/احنا مسبناهوش لوحده ياملاك احنا يوميا بنروحله ونطمن عليه
ملاك باستغراب /بس برضو ده عايش في بيت متبهدل لوحده
صفيه بحزن/ده احسن ليه وكمان البيت ده امن ليه اكتر من اي حته
ملاك باستغراب /يعني ايه
صفيه بحزن/يعني نوح لو خرج من البيت ومازن شافه وعرفه هيقتله
ملاك بصدمه/ايه يقتله ليه
صفيه بحزن/انا هقولك القصه من اولها زمان ابو نوح وابو مازن كانوا من اكبر رجال البلد وكان فيه انتخابات والاتنين مشتركين فيها وابو نوح هو اللي كسب فا ابو مازن اتضايق لانه كان عاوز يكسب هو فاراح سلط حد وولع في البيت ووقتها ابو وام نوح ماتو واتبقي نوح وقت الحريقه محدش شافه في البيت لانه كان صغير فا افتكروه هرب او مات بس جثته مش باينه من الحريق
ملاك بدموع /يالهووي ياماما ايه ده معقول كده
صفيه بحزن/وانيل من كده يابنتي اومال فكرك مازن طالع قاسي كده لمين لابوه طبعا ده قتل ابوكي لمجرد انه دافع عن واحد غلبان ولما جوز خالتك اتدخل قتله هو كمان وكل ده وكان حتت عيل 18سنه
ملاك بدموع/حسبي الله ونعم الوكيل فيه
صفيه بحزن/منه لله حرمك من ابوكي بدري
ملاك بحزن/طب ياماما نوح كان ليه اخت راحت فين ماتت برضو
صفيه بتنهيده/ياريتها كانت ارتاحت
ملاك باستغراب /مش فاهمه
صفيه بهدوء /اخت نوح عايشه
ملاك بسرعه /بجد طب هي فين
صفيه بتنهيده/عند مازن
ملاك باستغراب /بتعمل ايه عنده
صفيه بحزن/عنده عشان تبقي مراته
ملاك بصدمه/ايه مستحيل
صفيه بحزن/مقدرتش الحقها منه لقاها ساعه الحادثه قاعده بتعيط بره خدها ورباها مع مازن ولما كبرت شويه جوزهاله ومن ساعتها وهو بيعاملها معامله الخدم
ملاك بصدمه/انا مش مصدقه بجد ليه كل ده عشان انتخابات يقتلوا في بعض
صفيه بسخريه/واكتر وحياتك
ملاك بحزن/منهم لله
صفيه بتنهيده /يلا يابنتي قومي عشان تفطري يلا
ملاك بهدوء /حاضر ياماما
ـــــــــــــــــــــــــــــــــــــــــــــــــــــــــــــــ
علي السفره
نزلت ملاك ولقت مروه واسيا وامها وكانت اسيا متوتره اوي
ملاك باستغراب /مالك
اسيا بهمس/بصي علي امك وهتعرفي
ملاك بهدوء/مالها ماما
بصت ملاك علي امها لقتها مركزه معاهم وخصوصا مع اسيا وبتبصلها بغموض
اسيا بغباء/هي امك ناويه تبعني اعضاء ولا ايه اصل البصه ديه بصه سفاحين
ملاك بضحك/لا ده هي عشان عرفت بموضوح خروجي بليل
اسيا بغباء/اه طمنتي... ايه نهارك اسود
مروه باستغراب /في ايه يابت مالك
صفيه بخبث/سيبيها يامروه تلاقيها اندمجت شويه في الكلام ولا ايه
اسيا بخوف/ولا اه ياخالتي
ملاك بضحك/في ايه يابنتي اهدي
اسيا بخوف/انا كنت من شويه حاسه ان امك هتبعني اعضاء
ملاك بغباء/ودلوقتي
اسيا بخوف/اتاكدت
ملاك بابتسامة /متقلقيش مش هتعملك حاجه كلي بس
صفيه بخبث/نوليني السكينه ديه يامروه
شرقت اسيا اول ماسمعت صفيه وقعدت تكح
مروه بخضه/بسم الله الرحمن الرحيم اشربي يابنتي
اسيا بغباء/بتديها السكينه بعتيني في اول مطب يامروه
مروه باستغراب /انتي عبيطه يابت
ملاك بضحك/معلش ياخالتو اصل الروايه اللي بتقراها اثرت علي نفوخها
صفيه بخبث/شكل الروايه كانت المره ديه عن قتال قتله ولا سفاحين
اسيا بغباء/لا كان عن امراءه تقتل بنت اختها بسبب بنتها اللي دايره علي حل شعرها
ملاك بردح/ليه ياختي وانا رقاصه
اسيا بردح/اه رقاصه وامشي قدامي علي فوق امشي
ملاك بزهق/متزقيش طب
وطلعوا البنات علي اوضه ملاك وفضلت صفيه تضحك عليها ومروه مصدومه
مروه بصدمه/ياحول ولا قوة الا بالله يخربيت ام الروايات اللي لحست نفوخهم
صفيه بضحك/هتتعودي هتتعودي
ـــــــــــــــــــــــــــــــــــــــــــــــــــــــــــــــ
في اوضه ملاك
اسيا بخوف/امك هتقتلني وربنا
ملاك بضحك/هموت بجد شكلك يضحك
اسيا بغيظ/صدقي انتي عيله جزمه وانا غلطانه اني انقظك منها امبارح
ملاك بضحك/معلش معلش
اسيا بتفكير/صحيح هي عرفت منين باللي حصل
ملاك بهدوء/مفيش لقتها بتصحيني الصبح وهي بتزعق ورمت الكتاب في وشها وعرفت بقي انها شافته لما راحت لنوح
اسيا باستغراب/راحت لنوح وهي امك تعرف نوح
ملاك بهدوء/ايوه عارفه بصي هحكيلك
وحكت ملاك كل حاجه لاسيا وعن نوح
اسيا بصدمه/معقول كل ده حصل
ملاك بهدوء/انا اتصدمت زيك كده برضو
اسيا بحزن/ياحرام صعبان عليا اوي بجد
ملاك بهدوء /وانا والله بس انا هعوضه عن حياته ديه واحاول املي الفراغ اللي جواه
اسيا بابتسامة /احسن حاجه تعمليها بس خالتي هتوافق
ملاك بابتسامة /هي وافقت اصلا
اسيا بضحك/هي خالتي سخنه ولا ايه
ملاك بضحك/اسكتي متنبريش لاحسن ترجع في كلامها
اسيا بضحك/ماشي ياختي
ـــــــــــــــــــــــــــــــــــــــــــــــــــــــــــــــ
عند نوح
كان قاعد عند البحيره وسرحان في ملاك
نوح بابتسامة /لطيفه اوي بس مجنونه
وفجاه افتكر الكتاب اللي جابتهوله قام بسرعه ودخل البيت وقعد يدور عليه مكان ماحطه بس ملقهوش
نوح باستغراب/انا كنت حاطه هنا راح فين
وقعد يدور عليه كتير ومش لاقيه لف البيت كله وملاقهوش برضو
نوح بتفكير/هيكون راح فين ياربي... ثانيه واحده امها كانت هنا امبارح ليكون.. يانهار اسود ديه نصيبه لو شافته وخدته
قعد يلف ويدور حوالين نفسه ومش عارف يعمل ايه وخايف تكون عملتلها حاجه
نوح بقلق/انا خايف تاذيها.. وتبعدها عني
قعد نوح في اوضه وضم رجليه وفضل سرحان بيفكر في ملاك ومستنيها تيجي عشان يطمن عليها
ـــــــــــــــــــــــــــــــــــــــــــــــــــــــــــــــ
عند عمرو
كان قاعد في مزرعه الخيل بتاعته وواقف قدام حصانه الاسود وبيكلمه
عمرو بابتسامة /يلا يابطل هنخرج نتمشي شويه
وركب عمرو حصانه وخرج يتمشي في القريه شويه وكان وقت غروب الشمس ومحدش موجود في الشارع فضل واقف بحصانه بيشوف الغروب ولمح اسيا واقفه في الشباك وهي سرحانه في الغروب
فضل واقف باصصلها ومبتسم وقرب منها بحصانه لحد مابقي تحت الشباك
عمرو بابتسامة /حلو صح
اسيا بسرحان/اوي
عمرو بضحك/عارف
اسيا بخضه/نهار اسود خضتني ياعم انت
عمرو بسخريه/سلامتك ياختي من الخضه
اسيا بغيظ/في ايه ياجدع انت هتفضل تنطلي كل شويه كده
عمرو بخبث/ليه ياختي فاكره نفسك مارلين مونرو عشان اجيلك انا كنت ماشي وشوفتك قولت ارمي السلام
اسيا بسخريه/وفين السلام اللي رميته ده
عمرو باستفزاز/قولته في سري انتي مالك
اسيا بغيظ/ده انت رخم
عمرو بضحك/عارف عارف
جت ملاك على صوت اسيا ووقفت جمبها
ملاك باستغراب/بتكلمي مين
عمرو بابتسامة /هاي
ملاك بصدمه/انت
اسيا بغيظ/ادخلي ياملاك الجو بقي خنيق اوي
وراحت زقت ملاك وقفلت الشباك وفضل عمرو يضحك عليها
عمرو بابتسامة /شرسه بس قمر
ـــــــــــــــــــــــــــــــــــــــــــــــــــــــــــــــ
في بيت مازن
كانت مني تعبانه وجابت صباح الدكتور عشان يشوفها
صباح بقلق/مالها يادكتور طمني
الدكتور/.......
صباح بصدمه/يانهار اسود......
ياتري ايه اللي حصل هنعرف في الحلقه الجايه😊
ملاكي❤
MAIILY 💘
أنت تقرأ
ملاكي || my angel ♡
Randomعندما يدفعك الفضول لاكتشاف مكان الكل يمنعك منه ولكن فضولك كان اقوي منهم ولكن لهذا الفضول كل الفضل لانه جمعك بشريك حياتك فماذا سوف يحدث 😊
