آكاد (مملكة عشق)

البارت الاول

تسير بخطي شارده تنظر للبحر من امامها كم هو رائع  عند انعكاس تلك الاشعه الجميله التي تاتي من تلك القطعه الصفراء المعلقه بالسماء تنعكس عليه لتجعله اكثر من رائع  كم تعشق البحر وترتاح عند رؤيته ظلت تسير حتي انتهت عند تلك الصخور فجلست علي واحده منهم ومازال نظرها مسلط علي البحر لتقول له محدثه: عارف انا بحبك اوي بشوف انك تشبهني صافي وجميل لكن الناس مش بتقدر كدا 😔💔
ثم اطلقت تنهيده مريره لما تعنيه وانطلقت لتكمل حديثها اذا بالصخره تهتز بشده من تحتها لتقف بخوف وفضول في آن واحد ثم اخذت تنظر اسفلها وقبل اي تعبير وجه وجدت نفسها تسحب بدوامه لعالم  لا تعلم عنه شيء(فماذا سيحدث يا تري)
لنقف قليلا... بطلتنا القمر دي اسمها الورا 20سنه.. اقسم لو راها احد ليسحر من جمالها الاخاذ بيضاء كاللبن عيناها باللون الرمادي يلفت الانظار شعرها الملون بلون القهوه الذي يصل لنهايه ظهرها تمتلك ملامح طفله بريئه وانثي طاغيه الجمال
♡:::::::::::::::::::::::::::::::::::::::::::::::::::::::::::::::::: ♡
في مكان اخر بالاسكندرية ايضا اذا بتلك الجميله نائمه لتصل لها رساله معلنه لنا علي استيقاظها فيعلو ثغرها ابتسامه فور قراءة تلك الرساله فكان مضمونها
(صباح العسل منتظرك تحت يا ملكه ومالكه قلبي.... بحبك )
‏لتقفز مسرعه حتي لا تتاخر علي حبيب ومالك قلبها وبعد انتهائها خرجت لتقبل والدها : بااح الخير يا عم الناس
‏: جاهزه كدا ورايحه فين
‏: خارجه مع محمد
‏: عادي كدا من غير متقوليلي
‏: ههههه والله سهيت ثم اقتربت منه وهيا تحضنه متزعلش يا عبدو المره الجايه هقولك
‏عبدو وهو يمسد علي شعرها بحنان: عمري م ازعل منك يا لوجي
‏لوجي بمرح: ياريتك كنت محمد  شيخ
‏عبدو بضحك: ههههه طب روحي للراجل اللي واقف بره دا الا يزعل
‏بالاسفل
‏محمد: اطلعلها دي ولا اعمل اي
‏لوجي: لا يخويا جيت اهو
‏محمد بيئس بردو اخويا طب اطلعي يختي اطلعي
‏احم احم دي لوجينا عبدالرحمن الدسوقي 20سنه تمتلك عيون باللون الاسود القاتم وشعر باللون ذاته بشرتها بيضاء لكن كما يقال بالعاميه الحلو ميكملش تتصرف مثل الرجال جذابه من بعيد لكن عندما تقترت تجد رجل ليس انثى تحب محمد كثيرا علي الرغم من معرفتها بسفاله امه  ‏꧁:::::::::::::::::::::::::::::::::::::::::::::::::::::::::::::: ꧁
‏: يااااااه هفضل افكر ف الخروجه دي طووول الاسبوع
‏: ههههه مجنونه يا كرن
‏كرن وهيا تنظر للفراغ بنظره اشمئزاز: وف الاخر ابا الحاج مش هيوافق ولو وافق هيجي قبل الخروجه بتلت ساعه يقولي يااا جهاااد اقوله نعممم يااا سلاامه يقولي اقعدي انا خايف عليكي
‏: ههه عليا انا بردو. دا انا رحمه والاجر علي الله
‏كرن بضحك: اما نشوف ثم شردت وهيا تقول: تفتكري هشوفه
‏رحمه بستهزاء مصطنع:يادي امير احلامك ثم دفعتها بيدها من وجهها بقرف: يا شيخه غوري
‏كري بغضب طفيف : نينينيني طيب هتشوفي انا متاكده انه حقيقي
‏رحمه بضحك: ومالو نشوف
‏كرن بتفكير: عاوزين نكتب تعهد عشان لما الاقيه
‏رحمه باستفهام: مش فاهمه
‏كرن بابتسامه: استني.. ثم تناولت ورقه من المكتب امامها وناولتها لرحمه
‏كرن: اكتبي اللي هقولك عليه
‏وبالفعل اخذت رحمه الورقه وبدءت بتسجيل ما تقوله صديقتها المجنونه
‏كرن: اكتبي!. اتعهد انا رحمه اسماعيل فخرري ان اقدم إلي صديقتي واختي ونبضي وشرياني وروحي ونن عيني و...
‏رحمه بمقاطعه: وكبدي وفشتي.. اخلصي يا نزار قولي عاوزه اي
‏كرن بأصطناع الغضب: بت متقطعنيش واكتبي اللي اقولك عليه
‏رحمه بملل: ها كملي يا اخره صبري
‏كرن بإبتسامة: وعشقي فاصله أن ا.
‏رحمه بضحك: ههههه انتي بتديني قطعة إملي يا كرن ي حبيبتي
‏كرن: بت مش قولت مقاطعه لأ؟  يلا كملي ان اقدم لما 200جنيه ورقه واحده مش خمسينات عوزاها ورقه واحده
‏رحمه بفزع: اي اي اي اي اي
‏كرن بضحك: انتي علقتي ولا اي ههههه المهم وافطرها واغديها واعشيها
‏رحمه: لا والله؟ مش عاوزه احميكي وانيمك بالمره
‏كرن بضحك: لا كدا كفايه وامضي تحت بقا كدا
‏رحمه وهيا تقف بهدوء ما قبل العاصفه: شوفي يا كرن يا حبيبتي ثم تحول هدوئها لغضب وهيا تلقي الورقه بوجهها: بليها واشربي ميتها كاتك القرف قال اي 200جنيه دا انا يوم م يبقا معايا ربع جني مخروم بشوف نفسي محمد رمضان
‏كرن بضحك: ههههه انتي حره يبقا نو كرن نو رحله
‏رحمه وهيا تبتلع ريقها بتراجع وتاخذ الورقه: خلاص يختي عبو منظرك
‏ـــــــــــــــــــــــــــــــــــــــ
‏كرن علي عبد النور ليست بالطويله ولا القصيره 19عام تملك عينان لون السماء في صفائها وشعر اسود قاتم مرحه وطفله مشاغبه ذات افكار جنونيه مولعه بالروايات تحلم أحيانا بشخص مجهول سمته الامير الخفي لدرجه انها احبته من كثره ما كانت تتخيل وجوده لدرجه انها كانت تحتاج له في ايامها الشاقه لكن اصدقائها ظنو انها جنت من كثره قرائتها لروايات الحب والخيال ما عدا صديقتها رحمه والتي تعتبرها اخت لها
‏.........................
‏رحمه اسماعيل فخري 20عام اختارت الحاكمات بدلا عن الثانويه لكن تراجعت وهيا ف السنه الثانيه وتم تحويلها ف اصبحت صديقه كرن وهيا تكبرها بعام بل واصبحت اختا لها وام ايضا فكانت كرن ذات افكار جنونيه مما يجعلها تقع ف المشاكل وكانت دائماً رحمه عونا لها بعد الله رحمه تمتلك من المرح ما يكفي طيبه القلب لكن لديها لسان اطول من برج ايفل وايد طويله بردو متنمره بشكل مش طبيعي تمتلك عينان ايه ف الجمال باللون الازرق وشعر بني يصل لرقبتها
‏♕♕♕♕♕♕♕♕♕♕♕♕♕♕♕♕♕♕♕♕♕♕♕
♕♕♕♕♕♕♕♕♕♕♕♕♕♕♕♕♕♕♕♕♕♕♕
‏: الله يخربيت القمر اكيد دي هتبقا الكبل بتاعي
‏: ممكن تخرس.. استني شكلها فاقت
‏: ا. اه. يا دماغي يابا اه انا مين. قصدي انتو مين
‏: انا بالصلا ع النبي مروان واخوكي اللي جنبي دا ازر
‏ازر: انتي كويسه
‏: هو اي اللي بيحصل دا وا واي المكان دا فكان المكان حولها عباره عن فيلا جدرانها لا لا يوجد جدار بل زجاج مااذا؟ زجااج وما ما هذا محيط لا تري لها بدايه ولا نهايه ما هذا المكان انه قمه ف الخيال والرائعيه
‏مروان بمقاطعه لتاملها: انتي اسمك اي يا قمر
‏وهيا تكاد تتحدث اذا بصوت  يقاطعها صوت ياتي من مجهول: اسمها الينا
‏الينا بتعجب: لا غلطان ف العنوان حضرتك
‏المجهول بضحك: زي م قولت لاصحابك حياتك تنسيها تماما انتي حاليا موجوده ف لعبه اسمها كتاب عشق او مملكه عشق اللي لسانك يحبه
‏الينا وهيا تنظر لازر وتشير للفراغ بهمس يسمعه ازر فقط كما اعتقدت: شكله دمه خفيف
‏المجهول بضحك: هنا التنفس اللي بتتنفسيه بسمعه اي كلمه هتقوليها هكون عارفها لذلك اكرر ما قلته من قبل انتي هنا ف حياه تانيه كل اللي فات حاجه واللي انتي فيه حاجه ولو حد عرف اي حاجه من حياتك سابقا اعرفي انك هتختفي من العالم دا والعالم بتاعك كمان
‏الينا بعدم فهم: انا مش فاهمه حاجه.. بس هو انت فين يابا الحج مش سامعه غير حسك يعني
‏المجهول بضحك: دائما ظريفه الينا
‏الينا: طيب هترجعنا عالمنا امتا كانت تنتظر اجابه لكن لم تجد اي رد فنظرت ببلاهه للفراغ: افهم اي من اللي حصل دا
‏////////////////////////////////////////////////////////////
هل ستجد كرن من تبحث عنه؟ هل سيوافق والدها من الاساس
ما هذا المكان الذي تواجدته به الورا(الينا)؟
من ذلك المجهول؟ هل سيظل مجهول يا تري؟

‏
‏