"Syair BugisKu"

"Tobarani"

Eeeeeeee sininna toripakaraja... Tabeee...
Assipulunganna ana appota, tammakka riona papolei assele resota...

Na resse paga nyawana takkalupa pole risinna reso temmangngingita...
Tettongka ritana ajajingetta marillau adappengeng maraja pole risinna gau-gau takkalupana ana appota...
(Stap 1 ..........)

Ada'na neneta riolo, ipakaraja, Nabbokori 4 osulapa, Napahangnge neneta.
Sipakatau, sipakainga, sipakalabbi, sipakamase-mase.
Angkani saisa mancaji pappaseng.
Macaji sulo ko ri padammu rupatau.
Makkatanni massa ko lao ri pangngadatta.
Mali siparapa, topada si pakainga.
Pada idi pada elo, topada sipakatau si pakalabbi...

Idi Manaha...
Siddi papparenta jajiangngi siagae egana papparenta makuakuae.
Seddi papparenta malampu jajiangngi siagae egana papparenta malampu makuakuae.
Paleteang tana ajajinganna, Wanua nonroi tettong nasaba abaraninganna, Wanua nonroi tettong nasaba alampuranna, Wanua nonroi tettong gangka dara tammitti, gangka buku tappolo, gangka oli tassape, gangka nyawa sileppasang sibawa wujuna...
Alena tomatoatta tobaraninna tana Paleteang, tana penrang, tana Sulawesi, tana Nusantara...
(Stap 2 ...........)

Nade'na gaga misseng ii makkada pekkogi, tegani, nannia sininna gau-gau purae napapole...
Eeeee Puang maraja akkamase, maraja addampangang, pattike'i simata pattugangkangngi tomatoatta tobaraniee, nasaba Alena mi namakkule ki nyamangi ininnawa sinnina inyamangiee rilalenna iyyewe wattue...

Eeeee Puang pusalamaki mannang ana appona pada toha tapusalamakang ii sininna toriolona...

Nappasangengi Lao ri idi wijanna,
Tottongang ii alampurammu.
Ala pammasei asisumpulolongammu.
Patottongngi tongangnge pada tottonna mata assoe.
Ala suloi ripattangnge nasaba kedo-kedo
tongang...

Pada pakkiada'i adatta, pada siamaseiki pole risinna sewwa-sewwae...
(Stap 3............)

Soroka atturu nannia mabboko silillong wija-wijatta...
Mappatabe... Mappakaraja...
Umarillau amasei, asseangngi nyawa, sininna wija-wijatta...

Tabe maraja...

Cambang Makarukka, Pinrang, 17-Agustus-2022