اكستري :
تبسّمت تحاول تلطّف الجو وقتها ركزت على وجه نرجس حطت صبعها على الخدش تتلمّس فيه
هند : منين جاء هذا ؟ مازال جديد ..
حست بالحرج ونطقت بسرعة
نرجس : مانعرف يمكن خبطت فكانش حاجة بلاما نفيق فوّتت يوم طويل فالخدمة .
كان جاويد لحق وقتها مع صهيب دخلو مع بعض كل خطوة يديرها كانت تسلط عليه الضوء اكثر عندو عامين غايب حسو فالتجمعات هاذي كان يسلم على الحضور بطريقة عادية وكأنو ما يعاني من حتى عقدة
شاف مع امو وكأنو يقول راني هنا جنبك قدام الكل .
عينيه تعلقو بطيف البنت لي كانت قاعدة جنبها لابسة نفس الروب لي اختارتها امو وسلّكها هو ، دق قلبو بقوة وهو يردد في سرو
_البنت هاذي مستحيل تكون ليديا .... تشبهها ...تشبه نرجس
واخيرا ضحكت هند من قلبها و رجعتلها الروح . قربت لنرجس وهمست فوذنها بحماس .
هند : جاء ولدي البوڨوص ههههه .
ضحكت نرجس وتلفتت بسرعة تشوف بنفس الاتجاه ...دقة قوية ونفس متقطع وهدوء وصمت مطلق لثانية من الزمن بعدها رجع كلشي لأصلو ، تسمرو عينيهم على بعض لا هو قدر يبعد نظرو ولا هي فهمت واستوعبت الموقف
بلع ريقو وتشتت تفكيرو باقي يشوف معاها من بعيد
جاويد : صهيب لي قاعدة مع يما ما هيش اختك ليديا صح ؟ مانيش قاعد نهلوس ياك ؟
تبسم صهيب بخبث : لا يا صاحبي لي تشوف فيه صحيح حبيبتك نتاع اليخت راهي هنا هههه .
أنت تقرأ
طوق النّرجس
Romanceقصّة دراميّة تدور أحداثها بين شاب أعرج غارق فالسّلبية يعيش مع عقدة الذّنب بسبب أخطاء الماضي و فتاة يتيمة طموحة تسعى لفرض نفسها وسط عائلة حاقدة و متسلّطة .... هل يجتمعان معاً و يصبحان متنفّسا و أماناً لبعضهما ... 💓
