ثأرهم وبنات المسيحية

بارت هديه
البارت 32

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

بيان::واكفين اباب المدرسه وبطه يمنا اجه الخط مالتها وراحت بقينا احنا على نفس الوكفه وبدت كل البنات تروح وطالبات الدوام الثاني يجن

بان::استغفرالله وين صارو..اني شلون نسيت الرقم
-هسه بلكي يجون خلي ننتظر والله كريم ..صاح علينا الحارس الباب المدرسه ..تردن اتصل على اهلجن كناله ناسين الرقم بلبيت ..كال تعالن بويه اوكفن هنا..لان صارت طلعت مدرسة الولد ويمرون من يم مدرستنا. رجعنا واكفين يمه واحس عيوني كلساع مغوشات

بان::باوعت على بيان كلساع تفتح عينها وتسدهن بقوه لو تفرك حواجبهاا..شبيج بيان
جلبت بيدي دايخه.صخام. بياااان...الحارس كال كعديها كعديهاا كعدتها بمكانه..واريدها بس تحاجيني الرجال راح جابلها لبن ...اتوسل بيها تشرب

-مااريد لعبانه نفسي
-بس شوويه حبابه بيان لاتخبليني بس شويه..شربت شويه كالت مبيه شي اكدر. اكوم

-ليش مادكللهم ابوكت طلعتجن بويه انا لو اكدر جا وديتجن للبيت
بيان::ابتسمتله تسلم عمو هسه نروح مشي

-منين انتن ياهم اهلجن
- بنات ال جاسم رفع حواجبه يتمتم
-ااعارفهم اعارفهم جا شيوصلجن بعيد تاكلجن الجلاب

بان::عمو مدام تعرفهم ماعندك رقم واحد من الولد تخابرهم النا
-لا والله يابويه ماعندي

بيان::هاي هيه عمو مشكور احنا نمشي. جريت بان من ايدها. والدنيا تفتر بيه.وهيه طاير كلبها وين نروح خاف نضيع مانندل

-يمعوده بس اسكتي اني اندل..نمشي. والسيارات تفوت من يمنا ..ومن نشوف جلاب حتى لو بعيدات منعدنا ..احسهن راح يركضن ورانا ونتحضر لشرده

بان::اذا ركضن ورانا الجلاب اعوفج وشرد انتي دايخه مادكدرين تركضين
-انجبي لاتركضين حتى مايركضن ورانا

-اركض والله اخاف
-اريد اركز افتح عيوني ماكو..غواش عبالك ضباب بشاارع..بان عفيه كعديني ماكدر امشي بعد

-اكعددي كله منج كتلج خليني نبقى اباب المدرسه الحد مايجون ..كعدتها بصف عمود كهرباء ..بشارع ...جان محد يحاجينا ..هسه اليفوت

يدكلنا هورن مو يتحارشون بس يسئلون. محتاجات شي يابه بيجن شي تردن شي يبنيات ..بس اهز براسي لا يعوفونا ويمشون .

.بيان حبابه لاتتخربطين شسووي
طبكت سياره كدامنا. وكفت اباوعلله نزل طاير كلبه اجه علينا متخبل يصيح

حمزه::شمكعدددجن بنص الشارع
-حمززه عفيه بيان تخربطت والولد ماجونا...رجع السيارته جاب بطل ماي كعد مقابيل بيان

-افتحيي ايدج بيان بس غسلي وجهج
-غسلت وجهي ساكته احس اذا احجي راح اتقيى وعيوني حيل مغوشات ..صاح كوومن يله خلوصلج ..جلبت ابان. وكفت ...لا روح احنا نروح مشي...بقى يباوعلي مصدوم