إحتويني

𝐏𝐀𝐑𝐓 21

":لم تكون اول حب ، كُنت اول حياة ♥️"

البـارت الـ 21

إحتويني للڪاتبـة منـاࢪ

لاتنسون التصويت عُمرʊ̤ ❤️‍🔥🫀.

*****

مُهـا : ماعرُف واللـة ماخليت شي ماسويتة متروح هاي الريحة ؟

ـ ريحـة تلعب النفس

ـ ماعرُف؟

ـ راح انزل اسبح جوة

ـ تمام انزل اجيب ملابسك واجي نزل علـــي اخذت ملابس ومنشفة ونزلت انطيتهيا ورحت يم خالــة كعدت :- خالـة اكو ريحة بغُرفتي كُلش محلوة تلعب النفس

خولـــة : خاف اكو شي وصخ هدم

ـ لا واللـة خالة نضفتها كلها حتئ الملابس قطعة قطعة شميتهن

ـ واللة مادري يبعد امج العصر اصعد اشوفها

ـ تمام كعدت ساكتة مالي خلك نفسي لعبانة وروحي طالعة اجة علـــي كعد يم خالــة باسها بࢪاسها ويسولف وياها ببس ميباوعلي ابــد ولا كأنُ مُوجودة

عبالي زعلان علية لو مسوية شي وضاج لأنُ ميسوي هيج ويتجاهلني بهل طريقة شبي؟
رحت وي البنات صبينة غدة وكعدو يتغدون
ماشتهي عفتهم وكمت طلعت بـرة كعدت

ع مرجوحة مدري شبية بس علــي ليش ماكلي اكلي ليش ميباوعلي شمسوية انـا؟؟
ضليت احجي وي روحي شوية وطبيت خلصو غدة غسلت الاماعين ونورس صبت جاي
خلصت كعدت يم علي
تقربت يم اذنة وهمست حتئ محد يسمع :- ليش زعلان مني شسويت؟

باوعلي وبكل هدوء كال:- مازعلان منو كال زعلان؟

ـ شوف حتئ ماتباوع بوجهي؟

ـ لا مازعلان بس تعبان ومالي خلك

ـ ضجت من كلامة وحتئ من يحجي مامهتم عبالك بس يريد يخلص حجي وياي :- براحتك
عفتهم وصعدت بغرفة نورس نمت كعدت العصر روحي مقبوضة ونفسي لعبانة طبيت للحمام غسلت

وجهي باوعت للمراية صفنت شوية
وعضيت شفتي :- عععاا عزا بس لا حامل؟
ضليت صافنة غسلت وطلعت كلت لـ خالـة فرحت وكال خلي علـــي ياخذ تحللين
سكتت بعدين رحت يم علـــي
ماردت احاجي بس مجبورة اريــد اعرُف خاف حاملَ:- علــي اريد اسوي تحليل حمل تاخذني؟
باوعلي وردت علية بطريقة تمنيت من اللة ماطلع حامل