# رواية_ لمة العيله💙

المقدمة

بسم الله الرحمن الرحيم

السلام عليكم:

# رواية_ لمة العيله💙
# المقدمة

الكاتبه "اميرة اغسطس ✍🏻

طبعا هذي أول تجربة ليا في كتابات الروايات
انشاء الله تنال اعجابكم حبايب قلبي 🥺❤️

حنتي قمريه: شنو بطيبو مع الكسكسي غدوه
منى : بنديرو ثلاث انواع موالح
سجاده : حتى زوز ساد معاهم عصبان راه
جمانة: حقا حتى زوز ساد واني بندير سلايط
سماح : واني بندير بوريك الجبده
اني : بندير بيتزه في خاطري عشان ايوب يحبها
________________________

نعرفكم على نفسي
اسمي قمريه : عمري 20 سنة طبعا اسمي على حنتي عارفه الاسم قديم لكن عاجبني شخصيتي قويه واثقه من نفسي هلبا مزاجيه نحب نلبس ع الموضه موصفاتي بيضه شعري قهوي فمي صغير جسمي متنسق مع طولي بنت وحيده ما عنديش خوات ولا خوت نعرفكم على عائلتي
جدي اسمه رجب عمره 79سنة ربي يحفظه
وحنتي اسمها قمرية عمرها 75سنة ربي يحفظها
عمي اسمه سليم عمره 65 سنة اكبر من بابا
ومرته اسمها منى عمرها 63 سنة وعندها زوز صغار
بنتها اسمها ساجده عمرها 23سنة بنت هاديه وطيبه تقرأ اقتصاد مزال عام وتتخرج سعدودها الفرخه
ولدها اسمه سند عمره 19 سنة اصغر مني بسنة ديما نتعاركو لما نتلاقو بارد وشين مش سمح بكل
سند : فكينا تو بتقولي الحق ولا نعجنك طريحه
قمريه : لالا بنقول خلاص 😂😂
سمح بكل وعند لحيه خفيفه تهبل زيادة شخصيه ويلعب في نادي رياضية يعني عند عضلات وتافه لكن يعتمد عليه وقت الشدة علاقتنا زي الخوت
بابا اسمه محمود عمره 66سنة يخدم في الكوشه طبعا الخدمه مش عيب العيب تقعد راقد في الحوش ولا تمد يدك وتطلب وانت بصحتك ترجي في حد يسلفك ولا يعطيك قريشن صدق لوجه الله..
متواضع وشخصيته طيب وناس كله اتحبه محبوب
ماما اسمها جمانة عمرها 55سنة ربت منزل حنونه واتحبني لأن بنتها الوحيده دلوعة هلي من الاخير

نعرفكم على عماتي زوز
عمتي الكبيرة اسمها ضحى عمرها 55سنة متزوجه
راجلها اسمه حسام عمره 60سنة ويسكنوا في غريان
عندهم ثلاث اولاد بس
الكبير اسمه ايوب طبعا هذا حبيبي السمح❤️
ايوب: عارف روحي سمح 😌
قمريه: لكن مش احلى مني اسسس خلي نكمل🙂
ايوب عمره 25 سنة يخدم مع بوه في معرض السيارات ويخدم بشهادته في عيادة خاصه
موصفاته نقشه رقيق وحاد عيونه ملونات ولحيته خفيفه تجنن جسمه حلو انيق مهتم بنفسه وطبعه واعر اشوي عصبي ونفس الوقت قلبه طيب يحب يساعد ناس وكلهم يحبو بس اني نغار 🙂
الوسطي اسمه ايمن عمره 24 سنة على رؤس بعضهم جابتهم عمتي وبعدين خديت دواء منع وبعد خمسه سنين جابت اياد عمره 19 سنة
وعمتي الصغيره اسمها سماح عمرها 45سنة عزباء
________________________

ملاحظة
نحنا عايشين في مصراته وعمتي ضحى عايشه في غريان مع راجلها جدي وحنتي يسكنوا مع عمي سليم نفس الحوش ونحنا حوش بروحنا لكن قريب على حوش العيله واني وقفت قريتي بعد خديت شهادة الثانوي مع الاسف بسبب تعرفو بعدين..