لـَہ مَنزلـّن بآلحّيْل مَرمؤوقّ، وسّط آإلحشآإ بإقصّى آلضمْـآيآإ . .

16

البارت الـ 16 والاخيــــــــــــر

عويش تلحقها : مهووووووووور . .
بس مهره ركبت السياره وراحت ..
حصوه : ايلس وين بتروح . . .
ام سيف تي صوبهم من شافت سيف واقف : شعندك واقف . . ايلس فضحتنا
حصوه تامه بوسواس وخايفه . .
سيف يطالع حصوه : محد يكرهج فالدنيا كثري . .
و ودرها وطلع . . . !
تمت حصوه مصدومه فالبدايه ويوم شافت انه صدق قام من الكوشه وراح . . قامت وراه وهيه تصيح . . الناس مستغربه .!!! محد مستوعب شو الي يصير . . هاي مسرحيه ولا شسالفه بالضضضضضضبط . . .
الكل يسال والكل يررمس ليش المعرس قام وليش العروس قاعده تصيح وماسكه ايده تترجاه . . الحوار ما كان يسمعه الا حصوه وسيف لان صوت الاغاني عالي . .
حصوه : دخيلك لا ترووووووح . . دخيلك " ماسكه ايده وهو عاطنها الظهر " انا ماقدر اعيش بدونك سواف لاتروووووووح الله يخليك . . . والله راااااضيه راضيه عيش معايه بدون ما تحبني لكن لا تخليييييييييييييييييييييييييييييييييييييييييني . . .دخيييييييييلك . .
ام سيف تقربت ويالسه تسمع . .
سيف من غير ما يشوفها : هدي ايديييييييييييي احسنلج . . " وهد ايدها بقوة "
جان اطيح حصوه ع الارض وتسير صوب ريله . . كل شي فيها صار اسود . . الاسود مطاير ع ويهها من الصياح . .
حصوه : لا تخليني انا احبك . . شووووووووووو تحب فيها اصلا . . ليش تحبها وماتحبني ليش . . .؟؟؟؟ حرام عليك . انا ما احبها لانها تحببببببببك . . اكرهههها لانك تحبها . . انا ميته فيك . . انا ماسويت شي غلط . . انا حبيت ولد خالتي . . حرام تكون لي حرام ؟ انا ما فرقتكم والله لكننننننننننن بغيتك تكون لييي . . " سيف يصد ويطالعها ع الارض وماسكه ريله وتصيح والناس كلها تطالع " انا بس حبيتك . . بس بغيتك لي . . عمري ما جرحت مهره ولا اذيتها . . انا بس غيرتي عليك لانك كنت معاها خلتني اقول لـ خالوه . . ولا تذذذذذذذكر اني مره طريت لخالوه شيي . . كنت استفزها ما انكرررر . . بس عمري ما اذيتها . . شـ غلطتي سيف شـ غلطتي ؟ اني حبيييييييتك . . شفت فيك شي ما شفته في حد . . اسلوبك . . كلامك . . حناااانك لـ مهره من البدايه خلاني انجذذذذذذب لك . . طريقت كلامك معاها تذبحني وخلتني اتخبل عليك . . والله ما غلطت في شي . . بس حبيتك . . بس بغيتك تكون لي . . انا مااا ابا اأذي مهره بعد ولا ابا اجرحها . . هي ماضرتني بشي . .بالعكسسسس تحملتني " تنزل دموعها " واللله ما بتعرض لها ولا برمسها بس لا تخليني . . تشوف هالفشله واالفضيحه هذي الي صارت ؟ والناسسسسسسسسس كلها الي يالسه تطالع ؟؟ انا مستعده انساها ااذا بترد معايه الكوشه . . دخيلك . . لاتخلي الناس يتشمتون فيني . . " تصيح من قلبها " انا بس حبيتك والله . . بس عشقت كل شي فيك . . .
سيف : اسف . . انا قلبي لوحده بس . . وانا بكبري ما انفع الا لـ وحده .. اسمحيلي . .
حصوه تصارخ : لا تروووووووووووووووح . . "ماسك ريله بقوة " دخيلك لا تروح
سيف بقوة اكثر تحرك وخلاها بهالحاله جدام كل الناسسسس ! وطلع . .
.
.
.
مهره فالسياره تصيح منهاره . . تمشي وماتعرف وين تروح . . تمت تصيح وتصيح وتصيح لين ما وقفت السياره صوب البحر . .
عقب 10 دقايق
اتصل فيها سيف وعلى طول من شافت رقمه ردت عليه . .
مهره : يا حقييييييييييييييير . . يا حقيييير . . كيف كيييييييف تاخذ غيررررررررررري . . اانا لك وانت لييييييييييييييييييي . . انت حقي بروحي كيف تستجررررررررررررأ وتششششششوف وحده بفسسسسسستان ابيض عاااااااااااااااااااري . . تشوف وحده لابسسسسسه فستان ابيضضضضض وكاشختتتتتتتتتتتتتتتتتتتتتتتتتتلك . . واانااا سيفو وانااااااااا . . اناا الي اونك تترياني بالفستان من 3 سنيييييييييييييييييييييين . . كيييييييف قدرت يا حقير كييييييييف
سيف كان داقلها من الايفون . . وعلى طول طلع موقعها : لا تتحركين من مكانج . .
مهره : خاايسسسسسسس شتبي فيني . . رووووووووووووووووح لها روووووووح . . حاااقرني اسبووووووووووووووووعييييييييييين لانك تتزهب . . تتزهب يا معرسسسسسسسسسسسسس . . تتزهب وانا احترق اترررررررررررررقبك . . احترق اباا ابشرك اني اتخرجت بامتيازززززززز وانت يالخايس ماخذ غييييييييريييي . . لابس بشت اسود حق اكره انسسانه في حياتتتتتتتتتتتتتتتتتتتتتتتيييييييييييييي . .
تمت يسمعها وهيه تصيح وهيه تنوح وهيه تتشكا وهيه تنحرق . . وقلبه وفواده يتقطع على حالها بس ما يقدر يقول شي . .يسوق بسرعه يبغي يوصلها بسرعه ويشرحلها كل شي ما يقدر يتحمل اكثر . . .
دقايق وووصل عندها . .
بطل الباب عليها : انزلي
مهره تصارخ : خوز عني ولا بلم عليك الناس كلها . .
سيف يسحبها وينزلها من السياره ويحظنها . . تم يصيح بهدوء وهيه تنووح بصوت مسموع . .
سيف : انا لج انتي وبس . . لج انتي مش لـ غيرج . .
مهره تصيح وتضرب صدره : ليش تحظني قوم عني . .
سيف يرص عليها بالقو : انتي ما بتصيحين الا اهني . . عندي انا وفحظني انا . .
مهره : ليش خذتها ليشششششششش . . . حرام عليك حراااام . . كيف تشوفها جيه وهيه مش متغطيه عنننننننننك . . متعدلتلك . . " تصارخ " كيف تبوس راسها كيييييف . . انا حرمتك مش هي انااااااا . . انا الي كنت تبا تشوفني فالفسسسسسستان وتروح تشوف غيري سيفوه . . " تضرب جتفه " خاايييين خاااااااااااايييييييين
سيف يمسك جتفها بقوه ويخليها تشوفه : لا حبيبي لا . . انا مش خاين . . والله مش خاين . . انا لما بحبها ولما برمسها بأرادتي ولما باخذها من قلبي اهني سميني خاين . . لكن والله صار الموقف اجباري . . غصب عني . .
مهره بعيون ضيجه وتنزل دموعها : ذاك اليوم يوم يييت عندي البيت . . كنت تحس انك متلوم مني وكاسره خاطرك فـ ييييت تقص علي بكلمتين وترقدني عشان ما افكر صح وما ازخك . .
سيف : لا حبيبي والله لا
مهره تقاطعه : جب جذاااااااب . . "تصيح " قصيت علي وخليتني مصخره عندك . .
سيف : حياتي والله انتي فاهمه غلط قسم بالله
مهره تطالعه : بسالك سؤال . . وجاوبني بصراحه . . وربي ياخذ روحي الحين لو جذبت علي بحرف
سيف : . .
مهره : اليوم الي قلتلي ما بشوفج فيه . . " دموعها متجمعه في عيونها " كنت معاها صح . .
سيف غمض عينه على طول ونزلت ايده من ع جتفها . .
مهره بذهول : كنت عندها . .
سيف نزل راسه . .
مهره تنزل دموعها بغزره : ما طعت تيني انا عشششششان تروحلها . . قلتلي عندك شغل فالشارجه وانت رحت تهيت معاها . . قصيت علي عشانها . . .حبيبي انا مهاري تقص علي وطلعت مع غيري . . .
سيف : عطيني مجال اتكلم
مهره : تتكلم . . .شـ بتقول .؟ بتقول عن الحقراااااااااااااااااااااااااااااااااااااااان ؟؟ بتقول عن الاسابيع الي ودرتني فيها وماترد علي فيها . . بتقول كيف عانيت اناااااا من غيابك وكيف عانيت وصرت شرات المياااانننننننننين بس اسال وافكر شفيك وشصارلك والف وسواس فينييييييييييييييي . . " تصارخ " طلقننننننننننننننننننننننننننننننننني
سيف انصعق : انتي شو تقولين
مهره تصارخ : طلقني خلاص مابيك . . مابيييييييك وروح كمل العرسسس . . روح يتريونك المعازيم . . روووووووووووووووووووووووووووح " تضربه وتشرمخ ويهه باضافرها " ككككككلب . . خاين . . خخخخخخخخخخخايس . . قصيت علي . . خليتني اصدقك واحببببببببببك وانت تلععععععععععععب فينيييييييييي . . كيف هنت عليك كييييييييييييييف . . ليش تاخذني وانت ما تبيني ليششششششششششششش
سيف : انا ؟ انا اطلقج ؟؟ " يدق راسها بخفيف " انتي مافيج مخ ولا مافيج عقل . . انا ما اعيش بدونج اصلا . . انتي نظر عيني . . انتي غناتي . . انتي قلبي . . انتي الي ملكتي رووووووووووووووووحي . . انتي اول عشق واخر عشششششق . . انتي ماشي قبلج حد ولا عقبج حد . . "يمسك ايدها " حتى لو قلتي الي قلتيه عاذرنج . . وعاطنج الليت الاخضر قولي الي تبينه . . ما بزعل عليج ولا بشيل فخاطري . . والله من حقج كل شي تقولينه . . بس خليني ارمس . . عطيني مجال ارمس . .
مهره تمشي عنه بشويش صوب البحر وتقعد عالرمل . . راح صوبها وجابلها وقعد . .
سيف : صح . . هاك اليوم قلبي كان معورني . . وكنتي وايد ضيقانه وكنتي وايد حاسه انه في شي . . انا بعد . . امي فاجئتني وكنت مجتاجلج . . محتاج اشوفج واتم معاج واقولج الي صار وندور حل . . بس صدقيني كان الشي بدون حل . . علشان جي ما قلتلج . . وانتي ماكنتي بحالتج تذكريين . . وايد خايفه وانا ابا اطمنج قد ما اقدر وماقدرت اطمنج بالفون .. اضطريت ايييج وارقدج بين ايدي عشان ترتاحين وعشان تطمنين اني معاج . . وسبحان الله دومه قلبج يحس . . امي اتوعدت انها تتبرى ولسانها ما ينطق لي بـ ولا حرف لو ماخذت حصوه . . وقالتلي لو ما خذتها ما برضى طول عمممممممممممممري . . كان راسها يابسسسسس حبيبي والله ترمس باسلوب وايد اقوى عن كل مره والي فراسها بتسويه بتسويه . . ماقدرت اقول لاء حبيبي هاي امي . . ماقدر اعصيها . . ماقدر اطلع وهي شاله علي . . سكت ماعرفت شقول . . تعبت والله تعبت نفسسسسسسسسسسسسج . . ماتتصورين شكثر كنت اعاني انا فغيابج . . والله العظيم بس مطيح في بيت عويش واتذكر كل زاويه شفتج فيها . . كيف تقولين اني ماحبج . . حرام عليج انا اعشقج والله اعشقج . . اكتشفت فهالفتره اني ماستغني عنج ابدا . . وان كان رضيت بهالزواج ترى بس عشان امي . . والله لا حبا في حصوه ولا في الي خلفوها . .
مهره تمت تنزل دموعها . .
سيف : وعن اليوم الي رحت فيه الشارجه . . انا خفت اشوفج ولساني وانتي تطالعيني يخوني . . بيقولج على طول الصصصدق . . بيقولج اني رايح املج فالمحكمه . . خفت تشوفين بعد نظرات التعب والحزن الي فيني وبتكشفيني وبتحسين على طول . . والله هالاسباب ماشي غيرها . .
مهره غمضت عينها بهدوء وتمت تصيييح بدون صوت . .
عقب ثواني بسيطه
مهره تطالعه بتعب : انا وايد تعبانه . . والله العظيم وايد تعبانه . . انا من اسبوعين ما طاح في بطني غير مااااي وبسكوت كل يوم وبندول نايت عشان ارقد . . هاي حالتي انا والله . .
سيف : وانا وايد تعبان كنت لاني ماشوفج ولا اسمع صوتج ولا حتى اطمن عليج . . .حياتي بدونج ما تسوى حبيبي والله ما تسوى . .
مهره تتقرب منه وتحظنه وتصيييح باقوى طاقه عندها . . .
وهو بس يربت ع جتفها من غير ما يرمس . .
سيف : طلعي كل الي في خاطرج . . صيحي . . اضربي . . سبي . .لكن لا تخليني . .
مهره بصوت مبحوح : انا ماقدر اخليك اصلا
سيف يغمض عينه : ابوي انا . . فديت الي صوته راح من الصياح . .
مهره تقوم عنه : كيف يييت اهني . .
سيف : ماقدرت . . من طاحت عيني بعينج ما تحملت طلعت على طول وماسويت سالفه لحد . .
مهره : وامك . .
سيف :مادري . . ماعرف . . ماتوقعت اصلا اني بهالقوه اطلع واخلي الناس بحاله دهشة . .
مهره : كل هذا عشاني . .
سيف يمسك ويهها : عشانج انتي . .
مهره تبتسم بتعب . .
سيف : حرام عليج والله ويهج ذوى . . حتى خدودج اختفت . . ليش جي سويتي
مهره : مش بايدي .. كيف يهنالي اكل وانت محد عندي كيف ؟
سيف : ياعمري انتي .... " يبتسم " فديتج والله
مهره : لاتخليني مره ثانية . . الله يخليك . .
سيف : ما بخليج طول العمر بإذن الله
مهره : ان شاء الله . .
سيف فاج عينه : تخرجتي
مهره تهز راسها بمعنى هيه . .
سيف يقومها : صدق صدق اتخرجتي . .
مهره : هييييه
سيف : وبامتياز ؟
مهره : هيه . .
سيف يبوس خدها : الف مبروك . . والله بيضتي الويه .
مهره تنزل راسها بحيا . .
سيف : اويه مالح . .
مهره : شو المالح . .
سيف : شربت دموعج . . والطعم مالج . . " يبتسم "
مهره ابتسمت بتعب . .
سيف : خلاص يعني بنعرس
مهره : اتمنى
سيف : بنعرس بعد شو . . خلاص ابوج ماله رمسه الحينه
مهره تبتسم . .
سيف : متى تبين حبيبي . . "يبتسم"
مهره : والله لو اليوم راضيه . . بلا حفله بلا خرابيط . . تعقدت خلاص مابي فستان ابيض . .
سيف : صدق . .
مهره : والله صدق . .
سيف : من باجر نعرس . .
مهره : من الصبح بعد
سيف يمسك ويهها بحنان : لهالدرحه تبيني . .
مهره تنخش في صدره : لهالدرجه مابي اخسرك ومابيك تروح عني وابي احتويك وماتروح ولا تشوف غيري . . .
.
.
.
يزوي : احلفففف
حمود : والله عويش خبرتني انه مارد العرس بعد من عقب ماودرها
يزوي تحط ايدها ع قلبها : الحممممدلله . .
حمود : . ..
يزوي : استانست صح ؟
حمود : لا . . بالعكس ماحسيت بشي ولا افتكرت فالموضوع اصلا . .
يزوي: غريبه
حمود : هيه والله
يزوي : كيف ماتحس بشي وهي عذبتك وصيحتك
حمود : مادري .. ماعرف والله
يزوي : مممممممم
حمود : اقولج ويت دقيقه ع الخط
وماعطاها المجال ترمس رد ع الخط
يزوي : اول مره يسسسسسسسسسسسويها .. من عرفته عمره ما سواااهااا ورد ع الخط وانا اكلمممه . . لا والساعه 2 بعد !!!! انا بوريك
اندق الباب . . فرت الفون بسرعه ومسكت الريموت
بو مهره : انتي ليش للحين واعيه ؟؟
يزوي : اجازه ابويه وانا ملانه . .
بو مهره : ماشي اجازه ما اجازه . . بندي الليت ويا الله ارقدي اشوف
يزوي : ان شاء الله
بو مهره : اختج وييين
يزوي : . . .
بو مهره بصوت عالي : وينها ما تسمعيني
يزوي : عويش دقت وقالتلي انهم كانو يتناقشون عن العرس وعقب مهور من التعب غفلت
بو مهره : استغفر الله . . هالبنت بتشيب لي راسي اكثر من ما هو شايب
يزوي : بيت عويش ماعليها خوف ابويه
بو مهره: ماعليه دواها عندي اول ما ترد . . وانتي يلا اشوف ارقدي وسكري ليتات الغرفه
يزوي : ان شاء الله . .
ومن طلع سكرت الليتات وانخشت فالسرير وشلت الفون : الوه
حمود : عندي لج بشاره
يزوي : شووه
حمود : نسبتج 70 . . انتي ناجححه . .
يزوي تصارخ : شووووووووووووووووووو
حمود : اششششششششش ابوج بييييييييج الحين . .
يزوي تربع وتطلع من الغرفه . .
بو مهره : بلاااااااج
يزوي : نجحتتتتتتتتتتتت ابوي نجححححححححححت . . يبت 70 . .
بو مهره حظنها : الف مبروووووووووووووووووووووووووووك واخيرا . . الحمدلله يارب الحمممممممدلله . .
يزوي : شفت قلتلك بنججججججح
بو مهره : مع انج كل سنه تقولينها بس اهم شي سويتيها . . " يبتسم " تستاهلين بنيتي تستاهلين . . تبين تشوفين تلفزيون برايج لا ترقدين . . دامج ناجحه الي تبينه سويه
يزوي : هههههههه فديتك يا ابويه . .
بو مهره يبتسم : عقبال الجامعه ان شاء الله
يزوي : ليش السالفه فيها جامعه ابويه
بو مهره : هيه عيل شو . . ماشي عرس لين ماتخلصين الجامعه . .
يزوي : ايوووا . . " نحج راسها " يالله ابوي تصبح ع خير . .
بو مهره : وانتي من اهله . .
يزوي ترد للفون: سوري بس ماتحملت ما اخبر ابوي. .
حمود .: . .
يزوي : حمود انت كم يبت ؟؟؟
حمود يبتسم : رسبت طبعا . . شرات كل مره . .
يزوي : جذاب
حمود : والله العظيم
يزوي : . .
حمود : اني نجحت ويبت 77.5
يزوي : هااااااااااااااااااااااه
حمود : شفتتتتتتتتتتتتي كيف . . مواهب مكنونه اصلا
( مكنونة: يعني مستور او مخفي من الاعين )
يزوي : الف الف الف مبروووووووك . . الحمدلله والله استانست انننننننننننننننا . . تستاهل حمود والله
حمود : وانتي تستاهلين . . فرح ابوج ؟
يزوي : وايد
حمود : الحمدلله
يزوي : تخيل يقولي ماشي عرس لين ماتخلصين جامعه هههههههههههه ما يراعي مشاعري بالقو مخلصه مدرسه
حمود : ليش مستعيله وتبين تعرسين ان شاء الله . . حد في بالج ؟ تبين حد ؟؟؟
يزوي : بسم الله كليتني . . لا محد بس اقول يعني مافيني ع الدراسه
حمود : لاللالا فيج . . خل عنج يلا . . كملي دراسه ع الاقل المعرس يكون نفسه فهالفتره
يزوي : اي معرس
حمود : يعني معرس المستقبل
يزوي : اها . .
حمود : يزووويــــــو
يزوي : هاه . .
حمود ينسدح ع السرير : احس اني .. . .
يزوي قلبها يدق موت . .
حمود : احبج
يزوي انصعقت وسكتت . . : شوه
حمود : احس اني احبج
يزوي " شكثثثثثثثر اتمنيييت اسمعها . . شكثثثثثثثثر عانيت يا حمود شكثثثثثثثر . . شكثرررررر تحمممممممممملت وشكثر صبببببرت . .والله مش مصدقه والله "
حمود : ما بكابر اكثر عن جي .. .الي احسه من صوبج ما احسه اخوه او شي عادي ..
يزوي : . .
حمود : قولي . .
يزوي : اقول شو
حمود : انج اتحبيني بعد . .
يزوي : لا والله
حمود : لانج تحبيني .. فـ لاتكابرين شرات ما اكابر . . لان يوم نكون سوى ونتشاوف مشاعرنا تفضح . . انا كنت معماي قبل . . لكن يوم حسيت بمشاعري قمت احس بمشاعرج . .
يزوي : . ..
حمود : قولي انج اتحبيني ريحي بالي . .
يزوي : بيريحك بالك لو قلتلك احبك . .
حمود : وايد والله
يزوي تدمع : عيل انا احبك والله
حمود : . .,
يزوي : . ..
عقب هدوء طوووووووووووويييييييييييييييييييييييييييييييل . .
حمود : نتزوج
يزوي : ههههههههه خذوه فغلوه يعني
حمود يبتسم : اتمصخر . .
يزوي : . . .
حمود : صج صج يزوي . . ليش ما نتزوج . .
يزوي : شو نتزوج حمود شفيك اشتطيت
حمود : مع مهره وسيف . . . خلينا نعرس . . متى ما عزمو نعزم معاهم وتكون الفرحه فرتين . . دخيلج لا ترديني . .
يزوي : حمود شفيك . . توك معترفلي بمشاعرك . . خلني استوعبها قبل . .
حمود : . .
يزوي : انت اتحبني حمود صدق . .
حمود : هيه والله
يزوي : حمود . . . " عينها ادمع ع الخفيف " انا عانيت وايد . . كنت اسمعك وانت ترمس عنها وانا قلبي يحترق . . كنت اطلع لك حلول من تحت الارض عشان ترمسها . . كنت اساعدك عشان تكسب قلبها . . كنننننننت اهديك وانت تصيح ع وحده ثانية . . كنت اسوي وايد والله . . وايد سويت لاني احبكككككككك من قلبي . . اتمنالك السعاده حتى لو مش ويايه والله . .
حمود : ليش ما قلتي لي .. ليش سكتي
يزوي : شالفايده وانت غرمان في حب وحده ثانية
حمود : انا حبيت فيج كل شي والله كل شي . . حبيت فيج كل شي قبل لا اشوفج حتتتتتى . . انتي تفهميني تعرفيني تستوعبيني تسعدنيني وتحزنيني وكل شي . . شو ابا فغييييييرج اصلا . . شو حبيت فيها ؟ تصدقين ماعرف شحبيت فيها والله . .
يزوي : حمود . .
حمود : امري . .
يزوي : نتوكل على الله ونعرس معاهم " تبتسم " ابي اعيش معاك قبل لا تغير رايك
حمود : ههههههههههههههه نلعب يزوي عشان اغير راييي ؟
يزوي تبتسم . . وحمود ابتسم . . وعم الهدوء شوي وراحو فـ رقده من دون لا يحسون . .
.
.
.
بعد شهر ونص . . يزوي وحمود عرسو . . وطبعا مهره وسيف عرسو بعد . . واثنينهم فالمحكمه بدون لا دق ولا خرابيط ولا حفلات . . مجرد محكمه وكل واحد شل حرمته وتوكل . . ماسافرو لان سيف ما عطوه اجازه . . ولان حمود يادوب حصل له شغله وما بيعطونه وهو توه يديد اجازه . . . ام سيف سامحت سيف لان عويش راحت عندها وعطتها من الكلام الزين الي يقنع ويخلي الواحد يصطلب شوي ويفهم . . حصوه من عقب السالفه شلوها اهلها وياهم برا . . وهي اختارت الشي بنفسها عشان تبتعد عن سيف وعن حب سيف وماتشوفه مع مهره وتلجأ انها تخرب عليهم . . اختارت واخيرا راحته . . .
مهره تبوس راسه : احبك . .
سيف يبوس يبهتها : اموت فيج .. .
مهره تمسك ايده وتحطها ع قلبها . . : تعرف هذا . .
سيف : شفيه
مهره : لــَك مَنزلـّن فيه بآلحّيْل مَرمؤوقّ ، وسّط آإلحشآإ بإقصّى آلضمْـآيآ . .

النهــــــــــــــــــــــــــــــــــــــــــــــ ــــــــــــــــــــــــــــــــــــــــــايــــــ ــــــــــــــــــــــــــــــــــــــــــــــــــ ــــه