Boyfriend Corp.

Chapter 27

Chapter 27

"Bato bato pik!"

"Bato bato pik!"

"Bato bato pik! Ahh! Ang daya naman e!" Napanguso akong wala sa oras. Humalumbaba lang si Gatorade sa lamesa at pasimpleng ngumiti. Aish. Ito nanaman ang pacool boy attitude niya.

"I win."

"Madaya ka!"

"At pano ako naging madaya?"

"Eh! Basta! Binabasa mo ang utak ko! Psh"

"Ewan ko sayo." mataray niyang sabi pero di pa rin niyang mapigilang mapangiti. Nakakainis! "Sige na. Hugas na."

"Psh." Padabog akong tumayo sa upuan at kinuha ang pinagkainan naming dalawa.

Ano bang ginawa namin? Naglaban ng bato bato pik para malaman kung sinong maghuhugas. Pareho kasi kaming tinatamad. Haaay. Friday morning at ito kami, parehong tinatamad.

"Atlast! Natapos din kayo sa pagtatalo niyo." sabi ni bebs pagkababa, bagong ligo. Bago kasi siya pumasok sa kwarto, naglalaban na kami ng bato bato pik. Sinipag kaming maglaro pero tinamad kaming maghugas ng pinggan. Ang labo naming dalawa ano?

"Bilis malelate tayo!" sigaw ni Gatorade nung papuntang living room.

"Ikaw kaya maghugas!"

"Di naman ako ang natalo e."

Psh! Whatever.

Hinugasan ko na 'yung pinagkainan namin ng mabilisan. Magpabili nalang kaya ako ng dishwasher kay Papa? Para mabilis diba? Mabawasan man lang ang kayamanan nila. Chos! Pagkatapos maghugas, dumiretso ako ng kwarto para magsuot ng PE Pants. Pagkalabas ko, nakita ko si Gatorade na nakaupo sa sofa hawak ang rubber shoes ko.

"Bagal e. Tss." He said with his poker face.

Inirapan ko lang siya at tumabi sa kanya sa sofa. Inagaw ko sa kanya 'yung sapatos ko at sinuot 'yun. Pero nagulat ako nung bigla siyang tumayo at lumuhod sa harap ko.