رواية جحيم الوحش بقلم دينا محمد

رواية جحيم الوحش الحلقة الثانية

مكنتش مصدقة اي حاجة بتحصل حواليا ....و يعني اي ان ممكن انسان مننا تصيبه لعنة زي كده و يتحول لوحش ...بعدت عن فيروزة شوية و سرحت افكر كم دقيقة و لقيت عز دخل علينا

عز _ .....فيروزة يلا ....جهزي كل حاجة علشان هاتجوز

بصيت ليه و انا عيوني فيها دموع : بس انا مش موافقة ....انا كنت مخطوبة لواحد ثاني ده مينفعش

عز داس علي سنانه : اتحركي ي فيروزة ....ولما تخلصي هاتي لها هدومها

فيروزة خرجت ومعاها عز و قفلوا عليا الباب و انا مش مستوعبة لحد دلوقتي ايه اللي حصل وبيحصل معايا ده

________

ادم كان واقف برا الفلة ب كم متر و بينده عليا و طبعا انا مش مسمعاه و ادم كان قلقان جدا عليا
ادم: يارب متكونيش دخلتي البيت دي ي نيرة .......كل حاجة هتبوظ لو كنتي دخلتي

ادم رجع بيته اللي قريب من الفلة بشوية  و فضل يستناني لحد ما ارجع بس الظاهر كده انا مش هاخرج من الخرابة دي الا بعد شهر
وفجأة جه لادم اتصال

مدحت : نيرة فين ي ادم😡

ادم: ف الحفظ و الصون ي عمي متقلقش هي بنت عمي قبل ما تبقا خطيبتي ...

مدحت : انا لما اشوفك هتندم ....رجع بنتي حالا و خليني اكلمها ...كاميليا قالت انك خطفتها

ادم : متخليهاش تقول حاجة تاني ....سلام ي عمي

وقفل ف وشه الخط

________

كنت لسه بعيط ف الاوضة و ضامة رجليا ....و فجأة فيروزة دخلت عليا

فيروزة _ لسه قاعدة ...و بتعيطي

نيرة _ ارجوكي احكيلي كل حاجة...... عايزة افهم

فيروزة اتنهدت : لو حكيت او محكتش مش هيفرق معاكي ي ....

نيرة _ انا... اسمي نيرة

فيروزة_ هاحكيلك كل حاجة

من خمس سنين لما انا و عز كان عندنا عشرين سنة كنا بنحب بعض جدا اكثر من اي حد و كان بعد اسبوع يوم خطوبتنا بس اللي حصل مكانش ف صالحنا .....ام عز اللي هي المشعوذة مليكة  كانت رافضة تماما اننا نتجوز و اني ابقا احدي اميرات القصر الملكي ...علشان كده قررت تعمل لعنة علي عز انه ميتجوزش اي بنت غير بنت ف نفس مستوي جمالي و اللعنة صابتنا احنا الاثنين للاسف
عز ساب القصر الملكي لامه هناك هي اللي تحكمه
و سافرنا احنا الاثنين امريكا و اللعنة لسه موجودة علينا للاسف  ....و جينا هنا و بندور علي بنت ف نفس مستوي جمالي و لحد دلوقتي مش لاقيين   كنت بخرج كل يوم ادور علي اي بنت ف امريكا بس انتي و انتي قدامنا ......انتي ظهرتي فجأة و هتحسني كل حاجة

نيرة _ و لو ملقتيش بنت ف خلال ثلاث شهور انتي و عز هتموتوا

فيروزة_ لو عز ما اتجوزتش بنت شهر كامل و بقت مراته رسمي .....وقتها هنموت .....ف علشان كده انا محتجاكي تساعدينا ....ارجوكي ....

نيرة_ انا موافقة ....

فيروزة _ خدي دي هدومك البسي كل حاجة و انزلي تحت علشان الترتيبات

نيرة _ فينك ي ادم😫

طبعا انا قمت لبست الفستان بصراحة كان غاية فالجمال عمري ما شفت فستان زيه ف حياتي ....و جهزت نفسي و نزلت تحت زي ما فيروزة قالتلي بس صحيح عز هيتجوزني ازاي و انا مش معايا بطاقة ولاي اي حاجة معايا 😐😐😐😐

__________

_________