الانتقام هو دائما أعنف من العنف ذاته
أفضل انتقام هو ألا تكون مثل من جار عليك
إذا كان لا مفر من أذية أحد فلتؤذه بقسوة تجعلك لا تخاف من انتقامه
لكن عندما يدخل الثأر من الباب، تخرج العدالة من المدخنة. عندما يتزوج الغضب من الثأر ينجبان الشراسة. الطموح...
جنون بـداء باعـتلائي اضطرابـات كـادت تلامسني غـموض قـد احـتلتني جـــرائم بـداء بـلحاقي خطوات نحو المجهـول ومسافات نحو الـسجن
ما أسوأ أن تبقى حيـاً والأرض بقايا أموات بين الأنقاض ... وخفايا الأموات ها انا هنا تجدني اكتب اسـطر لاحـقت شتات حـياتي من أنــا !!! (سُدَف في ظلام قَتام).
بــ قلمي تـرانيم هـادي .
-•-•-•-•-•-•-•-•-•-•-•-•-•-
:-كمت اخذت المفتاح وفتحت الباب عاينت بالممر ماكو أحد وسواد قاتم ماكو غير ضوى خفيف منور الممر امشي واتلفت خايفه يشوفني احد واروح بيها سمعت أصوات مكتومه,اتتبعت مسمعها كان الصوت بالحديقه مشيت بخطوات بطيئه,هادئه حتى لاحد يحس عليه ضميت نفسي ورى السندانات مال زرع عاينتلهم كان مجموعه واكفين ملثمين وواحد مشفته زين منطيني ظهره لابس بنطرون وفالينه تعلاكه وأيده كلها دم بس طوله وضخامته تخوف سواد قاتم وماكو غير ضوى القمر يضوي وضوى خافت موجه على شخص مستلقي عالارض ،وجهت نظري الـه كان واكف ويشرب بجكارته والمسدس بأيده
همه يحجون وهوه يبتسم بشر وخبث اعرف نظراته ويستحيل افكر على شنو ناوي دنك جر الرجال الي كان مستلقي على ركبه وأيديه مربطات الدم ماخذ مجراه على كل معالم وجهه مامبين ولالمحه من شكله الخوف سيطر عليه وكهربا سرت بجسمي خليت أيدي على حلكي احبس صوت تنفسي الي باد يُعلى وشهقاتي الي اخترقت قلبي
