سيدة التجاهل الاولي💜🦄

الحلقه السادسه💜🦄

🔹️رواية:سيدة التجاهل الاولي 🔹️
🔹️الحلقه السادسه🔹️
_____________________________
_بيبدأ البارت ب روان ونيلي وهما في المدرسه الامتحان  بدأ بقالو نص ساعه وليل لسه مجتش نيلي وروان كانوا قلقانين عليها عينيهم على باب المدرسه يمكن ليل تيجي بس مجاتش أدركت روان انها لازم تتصرف_

روان:لو سمحتي يا مس ممكن اروح الحمام

المس:هاتي ورقتك وروحي متتأخريش

روان:حاضر

_ادت ورقتها للمس وراحت على الحمام فعلآ وطلعت الموبيل اللي كانت مخبياه ورنت على ليل كتير مره ورا مره بس مفيش رد رنت على واحده جارتهم تشوفها إذا كانت نزلت من البيت ولا لاء وبعد دقايق من الانتظار كانت ردت_

روان:الو يا ام إحسان

ام إحسان:الو مين معايا

روان:لاء مش وقتك خالص اطلعي شوفي ليل في البيت ولا لاء ونبي اتأخرت على الامتحان

ام احسان:لاء منزلتش انا قاعده قدام الباب من ساعات مانزلتو محدش غيرك انتي ونيلي نزل وبعديكو ب شويه نزل عم فتحي وبنته معاه ومن دقيقه كدا ولا حاجه نزلت البت حبيبه شفتي يا اختي البت نزلت تقابل خطيبها على الصبح لاء واي بقا لابسه ال..

روان:يالهوي عليا يالهوي اطلعي شوفي ليل فوق ولا لاء الله يرضي عليكي

ام احسان:طيب خليكي معايا

روان:معاكي اهو

_طلعت ام إحسان تشوف ليل خبطت كتير على الباب ومحدش رد_

ام إحسان:مفيش حد جوه باين

روان:إزاي انتوا هتجنوني طب بصي في حديده فوق العداد حديده صغيره كدا شوفيها

ام إحسان:ااه اهي

روان:افتحي بيها الباب هيفتح

ام إحسان:طيب استني

_وحاولت ام إحسان تفتح الباب وفعلا فتح دخلت البيت وشهقت لما شافت ليل واقعه على الأرض روان كانت معاها على التيلفون وسمعاها_

روان:حصل اي يا ام إحسان ليل كويسه

_كانت ام إحسان سابت الموبيل وجريت على ليل تشوفها حاولت تفوق فيها بس بس مكنش فيه فايده رجعت مسكت التيلفون وكلمت روان_

ام إحسان:الو

روان:حصل اي قوليلي

ام إحسان:مين معايا؟

روان:يخربيت سنيني اي اللي خلاني اتصل بيكي انتي ليل يا ام إحسان ليل مالها

ام إحسان:ااااه ليل .. ليل ونهار ههههههه

روان:هعيط وآلله عظيم هعيط ركزي معايا البنت اللي معاكي في البيت مالها؟

ام إحسان:ليل.. دي مرميه على الأرض يا حبة عيني مش عارفه مالها