{روايه مايان }
(الحلقه الاولى 1⃣🌹)
( للكاتبه نور الاسلام 🧘🏼♀)
في الماضي قبل 10 سنين تقريبآ ...♥
"عيله مايان كلها قاعده ع سفره الفطور ..
رقيه: تحكي بتليفون مع ممرضه ..لا لا ديري اكسجين بس وتوا تتحسن متخافيش علاها
الممرضه :باهي تمام يعني مافيش داعي منها التغديه
رقيه :نفخت ورفعت راسها فوق ..بصوت عالي وبعصبيه ...لاحول الله ياربي التغديييييييه فوتها قتلك ديريلها اكسجين بس باش تفهمي انتي ..وسكرت الخط
ميلاد: شبح فيها، ،بسم الله بشويه علاها
رقيه: حطت التليفون بقوه ع الطاوله.. وتحكي بعصبيه.. ماهو غبيه ماتفهمش حتي الحمار حشاك تفهمه يفهم لكن هادو لا غير انغيب دقيقه نلقاهم ملبزين الدنيا كلها
ميلاد:ضحك ههه .. ربي يعينك وخلاص خدمتك حساسه هلبا ومسؤليتها اكبيره متحملش الغلط...شبح في مايان لقاها شارده ..احمم مينو كملتي اختباراتك ولا مزال
مايان: حاطه ايدها ع خدها وتفكر ..شبحت في بوها لا لا غضوه عندي متع انحليزي والابله هادي واعره هلبا ربي يستر وخلاص
مرام : تاكل بفم مليان متاخفيش مش قتلك توا انراجعلك
مايان :🥺 باهي هيا كولي بسرعه معش في وقت
ميلاد: شبح في مرام سلم بنتي راجعيلها وساعديها ..وهوا يمسح في فمه بنمديل وعندي ليك احلا مفاجئه لو حلت مينو في الاختبار وجابت درجات كويسه
مرام : فرحت، ،هيييي حااااق ..حطت التست ومسح ايدها نقريك من توااا بسرعه قدامييي اوقفيي
ميلاد ورقيه ومايان& قعدو يضحكو😂😂
مايان :وقفت مع مرام ومشو لي الغرفه وبدو يراجعو
رقيه: شبحت في الساعه متع ايدها ..شني عندك عمل اليوم
ميلاد : عندي اي علاش تبي حاجه
رقيه: لا لا بس كنت نبيك تمشي معاي اليوم نتغدو في المطعم قداش ليك مطلعتنيش 😒
ميلاد: ضحك ومسك ايدها ههه ان شاء الله من عيوني توا نزبط اموري وقت لغدي توا نمشو نتغدو مع بعض
رقيه: سحبت يدها ، نحي توا تطلع وحده من البناويت تشبحك 😒
ميلاد: ههههه باهي ياروري استاحشناك احني 😉
رقيه: هههه خلاص عاد ضحكتك ماصدقت روحك بناتك اكبار يامودي
ميلاد:هههه ، اه راح نشاط الشباب والله وقعدت شايب خلاص شكلي
رقيه: لا لا مازلت شباب وحيويه ياسيدي 😉
ميلاد: وقف وخر الكرسي" ..ايح تضحكي ع منو انتي ..عموما اني بنمشي لشركه وقت نرن عليك وتي روحك تمام
أنت تقرأ
روايه مايان (روايات ليبية)
Romanceروايه ليبيه تحكي ع الحب والاصرار والتحدي ❤فاها هلبا تشويق ومزيج بين الحب والحزن والرمنسيه ❤
