جميلتي العراقية .

- 6.

مهدي : عكيفك ابو الغيره
زهراء : عجبني التيشيرت ولبسته.
انتبهت ع شمس تاشرلي بعيونها لوراي وكأنو اكو احد وراي درت وجهي وشفت عَلي وگال ...

عَلي : ماطول عجبچ اخذي الچ.
زهراء : انصدمت ودرت وجهي بخجل وكلهم يباوعون عليه.
شمس : احححم.
مهدي : وسم وزقن..
شمس : قاطعته وكفخته.
مهدي : نعلعله شيبج ليش تكفخييين كاعده من صباحية الله تكفخين بالناس.
شمس : دكَل خر* وانچب.
الكل : هههههههههه
مهدي : انسدت نفسي
ابتعد شوي ورجع ياكل.
عَلي : مو نسدت نفسك.
مهدي : عوذا حاط عينك عليه.
عَلي : اشاقة طايح الحظ
باوع علينا وگال يلا اني رايح للشغل.
الكل : الله وياك.

At Ali's

طلعت من البيت واني اضحك ع تصرفات زهراء
دخلت السيارة وشغلها وتوجهت للمركز.
وصلت ودخلت دگولي التحية.
دخلت للمكتب.
بديت اشتغل.
اندگ الباب
عَلي : منو ادخل
احمد : سَيدي اجت بنية تريد تشوفك.
عَلي : خليها تتفضل.
احمد :تفضلي الزيارة 10 دقايق وتخلص.
دخلت اول ما باوعت عليها حلوة بس مو ذاك الجمال. ملاك : السلام عليكم
عَلي : وعليكم السلام تفضلي شنو قضيتچ
اخذت نفس طويل وگالت..

ملاك : اني بنية عمري 22 اسمي ملاك تعرفت ع شاب اسمة حسن بدت تقوة علاقتنه بعدين ضل يگلي خل نتقابل ودزيلي صورتچ اني ما رفضتله طلب دزيتله صورتي وضل يتغزل وبعدها بكم يوم تقابلنا وضل يتقرب عليه بس ماسمحتله وعفته ورحت رجعت للبيت لگيته دازلي رساله يگولي
صورچ كلهن عندي امشي وياي عدل احسلچ بديت اخاف لان اهلي اذا دروا يذبحوني فَقررت اجيك لان انتَ الوحيد الي ح تنقذني من هلسالفة.

عَلي : ح اسألچ اسأله وجاوبيني عليها.
طلعت دفتر القضيات وقلم.
ملاك : تمام.
عَلي : شوكت تعرفتي عليه؟
ملاك : بشهر 10 يوم 28
عَلي : عدچ صور اله صحيح؟
ملاك : اي عندي.
طلعت كارت بي رقمي وطيته الها.
عَلي : هذا الكارت بي رقمي اريد ترسليلي كل الصور مالاته.
ملاك : تمام.
عَلي : هوه من وين؟
ملاك : من بغداد.
عَلي : مم، ع اي برنامج تتواصلون؟
ملاك : رقمة عندي ونتواصل ع الانستا.
عَلي : اريد اليوزر ورقمة.
ملاك : سجل يمك *****0774 ويوزره ***tv.
عَلي : تمام عيني كلشي يگولچ گوليله حاضر.
رفعت السماعة وگلت.
الرجاء الرجاء يجب التوجه إلى مكتب الضابط.
دخلوا وألقوا التحية.
الكل : هل من مُساعدة سَيدي.
عَلي : اريد اليوم الفجر نتوجه لبغداد ع الساعه 2:00.
الكل : حاضر سَيدي.
وطلعوا.
عَلي : لا تاكلين هم خليها عليه.
ملاك : الله يحفظك النه والله ماعرف شلون اشكرك
عَلي : هذا واجبنه ماله داعي للشكر.
ابتسمت وبادلتها الابتسامة وطلعت.
ورجعت افكر بَزهراء.
خلصت شغلي ورجعت للبيت.
لگيت الأخت وجهة ما يگصه السيف،

At Zahraa'S

عَلي : شبيچ؟
زهراء : بطني تأذيني.
تغيرت ملامح وجهه وگال
عَلي : اني طالع شوي واجي.
زهراء : امداك، ولي. طلع وهوه مستعجل مرت ربع ساعة واندك الباب بالگوه گمت لان احس الالم سچاچين بَبطني، وطلعوا بيت عمي جايين.
أميرة : شلونچ حبوبة.
زهراء : الحمدلله، تفضلوا تفضلوا.
دخلوا واستقبلتهم خالتي وامي،رحت للمطبخ اشرب مي دافي اجاني رزاق.
رزاق : بيچ شي شو مو على بعضج؟
زهراء : مابيه شي.
رزاق : البسي خل اخذج للمُستشفى.
زهراء : ماريد كافي رزاق.
رزاق : تمام، اذا احتاجيتي شي خابريني.
راح ومرت نص ساعة واجه عَلي چنت كاعدة بالاستقبال يم الاهل واجه گعد يمي وهمسلي الحگيني للغرفة.
استغربت وراح ومرت دقيقة ورحت ورا.
دخل الغرفة لكيته يدخن ورجل فوك رجل.
واشرلي اكعد يمة رحت يمة وكعدت طلعلي علاگة چبيرة وبيها حلويات.
عَلي : اخذيها.
زهراء : ليش؟
عَلي : اشش اخذيها واسكتي.
اخذتها وفتحت العلاگه ووجهي صار احمر من الخجل.
زهراء : ليش جبتهن.
حچيتها واني اتعلثم بالكلام وحسيت لساني صار ثگيل.
عَلي : بكيفي.
زهراء : شُكراً علاوي، عادي تطلع اريد ابقه وحدي شوي.
عَلي : اشتعل عم علاوي خجل الحلو.
زهراء : يمةةة كافييي.
عَلي : صدك چذب.
زهراء : شكو؟
عَلي : وين چان هلجمال كله مضموم علية
زهراء : نعلعله اطلع برا.
عَلي :اسفين عيني شوي واجيج اطلع اسلم ع الحيايه والله مارتاحيت الهم ولا اطلعين من الغرفة.
زهراء : شني بكيفك ما اطلع.
عَلي : المفتاح عندي.
طلع وقفل الباب عليه ضليت مُبتسمة.
ورتبت شغلاتي.
نزعت التيشيرت وضليت بس بَبجامة وسمعت صوت الباب انفتح سحبت البطانيه وغطيت نفسي.
عَلي : شبيچ؟
زهراء : اطلللععععع كاااععدد ابببدددللللل
طلع وهو مطنب لبست عَسريع.
زهراء : ادخل.
دخل وراح ع الأريكة كض فونه وضل يباوع بي بدون اي كلمة
يمكن زعل لان صرخت علي خرب اني شگد غبية فوگ ما يهتم بيه اصرخ علي.
رحت يمة گتله.
زهراء : اسفة لان صرخت عليك.
عَلي : بوسيني يلا اسامحچ.
زهراء : دَنجببب!
عَلي : تمام.
بسته وهو انصدم
عَلي : شسويتي؟
زهراء : بستك.
ابتسم وگال
عَلي : سامحتچ.
زهراء : ننن.
عَلي : اني الفجر راح اطلع لبغداد وانتبهي لنفسج بنيتي.
زهراء : ليشش؟ وتعوفنيي؟
عَلي : مايهون عليه اعوفچ بس لازم اساعد البنية.
انقبض گلبي
زهراء : بنيه؟ منوهاي؟
تغيرت ملامحي.
عَلي : شبي وجهج صار الألوان؟
زهراء : مابي رايحة انام.
گمت وكض ايدي وسحبني لحضنه.
زهراء : شدسوي!!!
عَلي : شبي الحلو يغار؟
زهراء : لا.
گمت وهو يضحك.
عَلي : انطيني بوسة قبل مَ انام.
زهراء : انطمر وانتَ ساكت.
حطيت راسي ع المُخدة وضليت انگلب مثل الفارة ماگدرت انام.
صارت بَـ 2 غمضت عيوني وفتحتهن لگيت عَلي گدامي شهگت.
زهراء : وجععع فززتنننيي چنك حراامي.
عَلي : راح اطلع لبغداد ويمكن اطول، اريد ابوسچ واحضنچ واشبع من عطرچ،
حضني وباس رگبتي.
زهراء : شَكد دودكي.
عَلي : نجبيلچ.
بَست خدة وغطيت وجهي، رجع وَخر الغطة وگال.
عَلي : يمة فدوة لليخجلون.
ضربت بچتفه باوع عَساعتة وگال تأخرت، رقمي يمچ وبأي وقت تردين تخابرين خابريني.
زهراء : حاضر.
اخذ جنطه وسلاحة بجيبه.
وطلع وطلعت وراه.
عَلي : وين؟
زهراء : اوصلك.
عَلي : الجو بارد البسي شي وتعاي.
لبست روبي ورحتله.
زهراء : جيت.
عَلي : هلا بهَلي.
ابتسمت ووصلته للباب وگلت.
زهراء : انتبة لنفسك فدوة، لتعب روحك هواي ومراح اسكتلك عهاي البنيه.
عَلي : حاضر يَا جفن عيني.
راح وحسيت گلبي راح ويا.
ورحت لغرفتي حطيت راسي ع المُخدة وراساً نمت.

At Ali's

طلعت من البيت وافكر بزهراء.
عَلي : ها شباب ننطلق؟
الكل : نعم سيدي.
عَلي : يلا أمير توجه لبغداد.
أمير : تدلل.
بدة يسوق تقريبا ساعتين وماشوف الا تريلة صارت كدامنة
عَلي : ااااامممممميييييررر اوووكككككفففففف!!

يَتبع.