آل بيت النبوة ♡

زواج النورين (عليهم السلام) 🤍

بسم الله الرحمن الرحيم .
اللهم صلِ على محمد وآل محمد ✨.

لم يكن الزواج الذى جمع بين الإمام علي بن أبي طالب والسيدة فاطمة الزهراء، زواجا عاديا، على الرغم من كونه متوقعا، فـ علي عليه السلام، قد تربى على ايد  النبي، عليه الصلاة والسلام، ولكن هذا الزواج الذى أنجب سيدى شباب أهل الجنة (الحسن والحسين) كانت له كواليس سنعرفها.

بعمر تسع سنوات صارت الهجره للمدينه إلى عمر عشر سنوات ورة سنه ضبط ضلت الناس تخطب فاطمه الزهراء عليها السلام ،، هوواي اجوهه ناس حسب ونسب تجار وحكماء لكن النبي محمد (ص) مجان يقبل ويرفض اي واحد يجيها وماشاء الله جانت مولاتنا امرأه كامله خلق واخلاق وقوة المهم لحد ما النبي كلش مل وكعد بالجامع وكل للناس بعد اليخطب من عندي فاطمه اشكوه إلى الله سبحانه وتعالى ....

بينما الإمام علي (عليه السلام )كان يكبره بعده سنوات وكان رجل شجاع رغم صغر سنه وقمه بالعلم والمعرفه لأن تربه على ايد ابن عمه الرسول صلى الله عليه وسلم
كان عنده بستان يشتغل بي وعايش من عنده وحالاته الماديه مو كلش قويه يعني بسيط 🤍

في يوم من الايام اجو أصحاب الإمام علي عليه السلام
وكالوله يا أبا الحسن انتَ ليش متخطب فاطمه الزهراء كاللهم الإمام علي مسمعتو النبي صلى الله عليه وسلم يكول اليخطبه اشكوه إلى الله واني ماريد اخرب وي النبي ،،
كلوله انتَ روح وجرب ونشالله النبي يحبك وميردك اخطبه وشوف شمنتظر انتَ ،
كلهم اني معندي يعني حالتي الماديه اقل من العاديه وبنت النبي يعني اكيد ميليق بيهه هيج (تمنعني من ذالك قله ذات اليد)
كلوله تره النبي ميدور ماديات هوة يريد رجال يأمنه عليه
المهم راح الإمام علي عليه السلام لخطبة الريحانه فاطمه 🤍
دخل الإمام علي عليه السلام وجان متوتر وخجلان النبي كله شبيك يا علي اراك متوتر كاله الإمام يا محمد انا ابن عمك وانتَ تعرفني كلش زين وشاركت وياك بعض المعارك بمعركه بدر وأحد كله ونمت بدالك واني تربيت على ايدك كله النبي (ص) نعم بس شنو الموضوع شصاير هاي الأمور كله ادري بيه وذن بيهن او بدونهن اني احبك وانتَ كلش زين تعرف حبي الك كله اتفضل أمرني شنو الي تريده
كاله الإمام علي والله مستحي
كله لا كول
كله والله اجيت اخطب فاطمه الزهراء من عندك (طبعا داحس فراشات بكلبي واني داكتب 🦋🦋🦋)
كله النبي محمد بس؟ الله اكبر
كله الإمام علي شنو؟
كله قبل شوي جان عندي جبرائيل وأمرني بأمر من الله سبحانه وتعالى أنو ازوج النور بالنور 🤍.
كاله الإمام علي ومنو النور
كله النور الأول فاطمه الزهراء والنور الثاني انتَ علي ابن أبي طالب (صلاوات الله عليهم)
فَجيب المهر واني انطيتك ريحانتي ،،
كله اني معندي بس سيفي والدرع والناضح (الجمل)
كله لا الناضح تشتغل بي لرزقك والسيف تقاتل أعدائك
بس الدرع شلك بي انتَ منو يتقربلك حته تلبس درع
فَ المهر درع
راح الإمام علي لسوك وباع الدرع ب ٤٨٠ درهم وجاب الفلوس للنبي كله هذني الفلوس
فَ النبي انطى فلوس للأمام علي كله هذنِ جيب بيهن جربايه وغراض اثاث
وانطى فلوس لبلال كله جيبلهه عطور وهيج امور
وصاح ع ام سلمه كله جهزي غرفتج الفاطمه راح ازوجه العلي المهم وره شهر كال النبي للأمام علي ليش متأخذ زوجتك يا علي كاله والله اني رايد بس استحيت اكلك كله لتستحي روح وحضر وليمه الاهلك وباجر العرس
المهم صار العرس وحضرو التجهيزات والكل فرحان صار المغرب صلا النبي واخذ فاطمه الزهراء عليها السلام على الجمل مالته وزفه البيت علي بن أبي طالب وصلو وراحت الناس وخلصت الهوسه هههههه اجه النبي محمد وجاب ايد فاطمه وخلاه بيد علي عليهم السلام وكال النبي (ص) اللهم كما باركت ال عمران بارك على ال محمد وأخرج منهم النسل الطاهر ،،، وكال للأمام علي هذه أمانه عندك 🤍.
وتزوجو احلى ثنين وانجبو شباب أهل الجنة وجبل الصبر زينب الحوراء وكتبو للتاريخ أعظم نطفه خرجت من ال بيت محمد 🥺✨.

مصادر القصه
-كتاب الفصول المهمه في معرفه الائمه
-كتاب المنتظم في تاريخ الملوك والأمم
-كتاب صفه الصفوة
-كتاب الاصابه في تمييز الصحابه
-كتاب فضائل الصحابه
-كتاب الطبقات الكبرى