زانيا

الحلقة [1]

#زانيا
الحلقة{1}
#بقلم:(J___🦇___A)
(فصل الشتاء)
شهر (ديسمبر 12)
(الساعة4 العصر)
وادي الربيع....
استراحة احد روس المليشيات ...
استراحة كبيرة هلبا فها حوض سباحة كبير وفها بركيدجو لي السيارات فها تنين مصفاحة بيض وحدة سوده وتنين سيارات مليشيات بيج وفي جها معشبة فها طاولة وكراسي وجها زي القفص عصافير وحجر فرعوني ونفورة كبيرة استراحة تاخد العقل خلفيت الحوش كلها مرش اطل علي برا الحوض والجردينة وجو صقع والمطر خفيفة
الدخل في الحوش ...
.....................
في غرفة النوم ...
كانت كلها علي البيض الورغان رصاصي علي الارض قفطان سهرة احمر ملوح وصندلي فضي وروب رصاصي وكبوط روب محطوط علي كمدينو الدنيا حايسة شويا كانت
مسك /موليد89راقدت علي اسرير وكانت متغطية وكاتفه عريانة ومش لبسه شي وكان شعرها اسود احرير مفتوح علي المخده ورقدة علي بطنها كانت تلفون يرن علي الكامدينو جنبه رن الايفون فاقت شوية طلعة يده جبدت تلفون تشوف من هو حولت شعرها من علي وجها الخلف فتحت الخط والمايك
صوت راجل/صباح الخير يا وردة
مسك/ردت بصوت مبحوح وناعم...ها صباح الخير يافندي ...وحطت جبهت راسها علي المخدة
الافندي/خيرك مريضه
مسك/لالا رقبتي مصكرة بس
الافندي/خديتي دوه عاينتي
مسك/لا ماعينت بس خدية دوه
الافندي/اي نسينا انك دكتورة من غير معاينة تكلي في دوة هههه
مسك/اي هه
الافندي/خلاص ماله ساعة 9نبيك دجي عندي
مسك/تمام ان شاء الله سلام...صكرت الخط قامة راسها تشوف لي خلفية التلفون كان فها صورة جنين ابيض واسود قاعدة تتفرج علها حطت راسها علي تلفون غمضة عيونه شويا وقامة راسه بسة شاشة التلفون وحطات علي اسرير ناضة قعمزة علي ركابه وكانت عريانة جبدة كبوط الروب بس لبساته وناضة وقفة تلبس في بلغة ريش سوده وتربط في احزام الروب لبسته علي الحم جسمها كله باين بتفصيل طلعة شعرها من الكبوط وكانو عيونه رصاصي طبيعي وجسمه متناسق جميل وبيوضية الحلوة من صقع ايديها حمر وخشمه وخدودها شوربه منفخات حمر ربي عطها جمال من كل شي خدت الولعة من الكمدينو ...وين باكو الدخان ...ودور وتفشت في سرير وفي دار صوت برا ضحك فتحت باب الدار طلعة لي اصالة كان فها بنت ولد مقعمزين متكيا البنت علي الولد وهو حضنها ويتفرجه ...عبدو ماشفت دخاني وين ...وتقيم في شعرها من علي وجها
عبدو/لا تبي دخان من دخاني
مسك/لا منور
صفاء/كانت لبسه توب وشورط متكيا علي عبدو ...حبي شفيه في سيارتك
مسك/.ماشية جهت باب الصالة فتحت المرش وطلعة برا ماشية لي جهت سيارته سوده عاليه والمطر تصب فتحت الباب جبدت باكو الدخان متعه نسائي وصكرت الباب وماشية جهت باب الصالة وقفت في الباب متكيا علي الخد برا ولعة دخان ووتتفرج علي المطر ودخن
عمار/من الشباب جسمه عادي لهو عريض ولا ضعيف شعره عادي اسود دير لحية مبسمه حلو بس شخصيته حلوة جاي من خلف الحوش لبس توتا سوده تب وسروال وشبشب شافه وصل فها وكان صوته مبحوح ... ياعمري صقع خيرنه هكي خشي لبستي علي الحم ...حط يده جنبها قريب منها
مسك/لالا مش صقانه صوتك مبحوح ..ودخن
عمار/عادي شويا وتمشي
مسك/حطت يده علي لحيته...افتح فمك
عمار/افتح فمه
مسك/ حولة يده...عندك التهاب حلق شويا بنطلع توا نخدلك دوه خوده بنضام
عمار/حاضر سلمه دكتورتنا خايفه علينا ومش خايفه علي روحها شنو بندير من بعدك اني بس قليلي ياعمري ...وبسه منه خده ...هيا خشي وغلوتي عندك
مسك/عمار ماتعشش وراسك نبي نتنفس شويا
عمار/خدي منها ادخان...خلاص بروحك صدرك علي الخوي هكي ..جي بيدخن
مسك/خدت منه الدخان ...انت مدخنش اليومين هدم فوته شويا هدا مش قوي
عمار/لا وين نفوته هه ان شاء الله ان شاء الله ياعمري.... شاف في يده تخبشة شد يدها ...مني هدي امس قصدك..وشبح لي عيونه
مسك/لالا حشيت الزرف خبشني
عمار/قام شعرها وراء ودنها ... تعبتك امس معاي ...وبتسم كنت غجري شويا والله ماتحملة حلوتك
مسك/شبحتله بتسمة بتسامة مش من قلبه...لا عادي معملتك حلوة كانت
عمار/بتسم ...طمتني قلت توا تبدا تتهرب مني ههه
مسك/ههه لالا عادي
عمار/راك وعتيني بروحي اليوم بتمشي معاي
مسك/لا كلمني المعلم عندي موعد معه ساعة 9
عمار/تكنطه...هي علينا وعلي المعلم اهو كرهت امه شويا شويا يبيك تي بنقتل امه اني راهو
مسك/دفاته بعيد علي الباب وصكرتله فمه...اسكت يسمعك حد يقتلك خيرك خوك هدا شنو بتقتله
عمار/حول يدها ....تي خلي يقتلني قصدي بيخه راهو قتلك نمشي اني نخدك نهرب بيك لي تونس وينا متبي نمشو نحبك يامسك علاش اديري فيا هكي وربي العظيم نحبك نقسملك بالله ارحمني تربحي ...ويشبح لي عيونه ...نموت فيك وربي نموت فيك...وبسه من راسها
مسك/عمار الف مرة نقولك فوت الموضوع اهو طلعه من راسك خود بنت ناس تمشي معاك انت عارف اني منو وشن صاير معاي وتعرف خوك مش حيرحمك فا الله يربحك خلاص معاش تفتح الموضوع اهو تاني
عمار/خوي فوتيه واني عارف موضوعك وعارف شنو صاير معاك منكش متع وموضيع هدي مهوش ليك اجو هدا وربي انتي كلام وعسل وجميلة ودكتورة كل شي فيك هو الي نتمنا اني
مسك/بترضه بيي نضرت صاحبك الي شايفني بكل المناضر خوك الي الي لمسني قبلك خيرك وين عقلك
عمار/نقتلهم كلهم علي خاطرك نهربه من البلاد ندير المستحيل علي خاطرك وربي ندير كل شي غير قولي ياسويدي معاك اني بس وشوفي انتي تعرفني قد كلمتي
مسك/منبعدك علي ماليك اني وخوك لو فصين يجبنا فا عمار تربحه انت مش فاهم ولا عارف شنو بدير انت لي انك تحبني بس تشوف فيا اني بس بعدين كل شي يتغير ونضرتك حتفكر في هلبا حاجات البدايات ديما حلوة فكر في مستقبلك اني خليني بعيد عليك وفوتك من اسلاطه الي بديرها
عمار/مايهمني شن بصير المهم معاك نبيك نبيك افهميني افهميني انحبك وربي انحبك نموت عليك نجن لما المعلم يطلبك تحسبني راضي بشي الي ديري فيه والمكان الي انتي فيه بس انتي مصكرة راسك اسمعي كلامي بس وشوفي شن ندير تربحي وراسك وراسك ياعمري هيا هيا قولي باهي قولي ...بسها من خدودها من راسها
مسك/عمار خلاص موضوع صكره ولا معاش تشوفني راهو
عمار/لالا متحرمنيش منك بالله عليك خلاص راضي بلي تبيه ...وحضنه بقوة
صفاء/طلعة من داخل جايبة مق قهوة...خربت عليكم الحضات الجميلة ههه
عمار/ههه لالا عادي ..بعد علها شويا
مسك/خدت منها المق ... سلم ايديك صفوفة
صفاء/ولو دكتورتنا ادللي حبي ...وخشت
عمار/شنو مافيش اني قهوة ولا نمشي نقراء طب حتا اني ههه
مسك/كلها ليك غير ماتزعل ههه
عمار/شرب منها شويا ...مرة علاش الطف نقصة الحياة هيا
مسك/نحبه هكي تعرفني ..وتشرب في القهوة ...تشوف لي الحوض... خاطري خاطري في غتصة في البحر توا
عمار/خاطرك في عينك هي نخشو هي
مسك/مدت المق ليه ...هي ...ولوحة الدخان من يده
عمار/كيف خاش من الباب
مسك/ وراه ماخشت قاعده سلبت البلغة طلعة تجري لي الحوض نقزت فيه والمطر تصب
عمار/اسمع صوت المية الحوض تلفت بسرعة ....مسسك ...وطلع يجري لي الحوض وطيح المق كيف بنقزلها
مسك/ طلعة راسها من الميه تشبحله...لالا عمار بنطلع ها بنطلع وراسك
عمار/يعيط علها...باهي علاش هكي علاش ديري هكي تي تبي تموتي انتي بتهبلنيييي
علي وصفاء/واقفين وراه
مسك/خلاص قتلك خاطري فها...ومشت بتطلع من السلوم
عمار/شبح لي علي
علي/تمام خونا... تلفت خش من الباب
صفاء/خشت وراء وتطلعة جايبه منشف عطاته لي عمار وخشت
مسك/طلعة الكبوط لصق علها تقطر مع بعضه
عمار/لف علها الفوطه...وربي بنموت اني من حراكاتك اهما تمرضي نهارك احرف اليوم
مسك/متخافش مايصرلي شي ...وخشو داخل ماشية لي دار
عمار/علاش كاتينا حديد انتي
مسك/ههه اي مصفحه
عمار/ ااه ياربي وخلاص ..فتحله حمام في الغرفة ...خودي دوش سخون بعدين نتفهم معاك ولو سالك علي خبشت الي في يدك ياكدابه قليلا ان ازرف معاش تكذبي عليا لي ان نعرف شن درت اني امس
مسك/كنت مصحصح يعني انت
عمار/اي صاحيلك انتي الوحيدة الي نحب كل شي معاك مصحصح ميه في المية
مسك/تمام ...خشت لي الحمام بتصكر الباب
عمار/برني اني خاليه مفتوح
مسك/لا دخلاني هههه نبي نصكره خاطري في دحية مقلية درهلي عموري لبين ماخديت دوش من يديك حلو
عمار/حاضر غير دوشي هي
مسك/واقفه شاد باب الحمام...خيتي سلمه ...وخشت صكرت الباب
عمار/طلع من الغرف
مسك/حولت الكبوط شغلة امية الحوض سخونه وقفت تحتها حطت يديها علي الحيط مطبسا راسه وتبكي وتتكلم في دخلها....امتا بيكمل الي اني فيه بس وتبكي من غير صوت
..............
في المطبخ...
عمار/يدير في نص لي مسك
عبدو/عمار اني طالع اني وصفاء والشباب وصلين في نهاية الطريق
عمار/تمام...وكمل خدي صفرة فها عصير ورفعه
صفار/وقفت من البار لبسه بلطو اسود وفاتحه شعره اصفر ولبسه عدسات خضر ومكياج كامل ..اعمورة
عمار/ها...وشبحله
صفاء/مسك راجعة بعدين
عمار/لا
صفاء/اها
عمار/علاش تبي حاجة
صفاء/لالا توا نكلمه بعدين باي توا..وطلعة
__________
في دار النوم...
عمار /افتح باب الدار ...قاعد يتفرج علي مسك وشاد الباب
مسك/كانت لبسه مصلية وتصلي كملة شبحت لي الباب...خش خيرك
عمار/تقبل الله...وخش
مسك/منه ومنك من صالح الأعمال ريحتا فايحه
عمار/اي تعرفي مسك قداش ليا نعرفك سنه معمري ماشفتك ماتصليش
مسك/عارفه حياتي كله غلط ونجاسة بس صلاتي مستحيل نقطعه مش زي ياكافر ههه...وسلبة المصلية كانت لبسة شورط ليكرة بيج هادي وبدي البجامة كم ليكرة بيج لفت شعرها كوده فوق وجت خت انص وماشية لي ادولاب
عمار/ حرام عليك مش كافر مرة نصلي عشرة لا والعصير
مسك/نعديش ..فتحت ادولاب ...وشن بنلبس
عمار/علي اساس معبي ادولاب حويجك ههه
مسك/ههه في شنط في السيارة نسيت
عمار/توا نجبهه
مسك/لالا نطلع من غادي اني
عمار/متطلعيش هكي
مسك/غليضه عمار اني في اشتي مانشتي كلهم حويج صيف ...وفتحت الباب
عمار/تصكري في راسك ...وطلع وراها
مسك/مشت لي سيارتها وتشوف في سيارت خشات 4شباب كل سيارة احلا من تانية دوشة ويسلمو علي عمار
مسك/لهيا في الكافني طلع في حويجه
الشباب خشو لي الحوش
مسك/طلعة قفطان قصير وبلطو كاريميل وبوت خيوط اسود وشنطه سوده وشنطة الميك اب متعه ملابس دخلية وصكرت الكوفني شدا لبسته في يدها خشت لي الحوش لقت الشباب نصهم مقعمزين ونصهم واقف وضحك ودوشة ..السلام عليكم
كلهم/شبحوله من فوق لي لوطه ...وعليكم السلام
عمار/ترا شويا يا شباب مصكرين اساحة هه
مسك/خطمت خشت لي الغرفة متعه وتسمع في الدنيا مقلوبة برا قاعدة تلبس كملة لبسة قفطان ابيض كم وكم لا قصير مشحوط كاتفه شعرها قامته ديل احصان ومن قدام نفخة دارة مسكرة وروج احمر واحمر خدود وكسسوار علي الفضي بس لبسة البوط خيوط ولبسة البالطو جايه لي تحت ركبة ربطاته بس لبسة اشنطة وخدة صندلي الفضي متعه في يده وتلفون وطلعة من ادر لقتهم مقعمزين ويهدرزه شبحت لي عمار....عمار عن ادنك شويا ...وطلعة
عمار/شويا شباب بس ...وطلع وراها اوقف قدامه...شنو الحلاوة هدي ياعمري طالعة تهبلي ...بسه من خدها
مسك/بتسمة ...ايدك علي اي شي ..ومدت يده ليه
عمار/تبي فلوس
مسك/عمااار تبي نحولك فلوس اني تي هيا بفرا او اي شي
عمار/علااش
مسك/منقدراشي ضروري منخد حاجة منبي بوعيي
عمار/لالا فوتها البفرا جربتها المرة الي فاتت مامشت معاك نعطيك حاجة بسيطة وتخليك صاحية
مسك/تمام هي
عمار/نعطيك ادخني احشيش ههه محلاك فيه وربي تقيمي في جو كله ههه
مسك/هههه هيا بلا بارده عطني سقدني
عمار/لالا الحشيش خليه معاي اني بس هههه ونعطيك حاجة متخدهاش الا لو يبي ايدير معاك شي فهما لي اخر لحضه يعني لي ان حتمال ينفخلك راسك علي بضلاته ويهدرز ليا يخده النوم وبس
مسك/تمام حفظاته سقدني
عمار/لحضه...ماشي لي سيارته
مسك/وراه
خشو زوز سيارة من البوابة فتحلهم واحد من الشباب فيهم زوز بنات
مسك/اول مرة تشوفهم شبحت لي عمار...منو هدم
عمار/مدمات يعرفهم الشباب...مدله نوم من المخدرات
مسك/اهاا رجلتهم زعما وين...وتحط فيه في الشنطت
عمار/اشبح وين يا يتفرجه علي كورة يا في القهوة مكسدين مع صحابهم ياعالم وين يدورو
مسك/وهما امتا بيروحه ولا بيتين زي بنات امس
عمار/لالا مروحين لي المغرب بس تشطيب علي الخفيف وانتي علاش تسألي مش راجعه اهني
مسك/بنسال بكفيفي عمورة ...ومشت لي سيارته ركبت ولعة السيارة كان في الكرسي لي جنبه في زوز تلفونات واحد سامسونج وحد ايفون و وبنهم لاسلكي ومسدس حطت فوقهم الصندلي وفتحة اغنية وتغني معها ولعة السيارة ..او حويجي...فتحت الباب ونزلة خشت لي الحوش دنيا مقلوب ضحك
عمار/واقف في الصالة...لالا فكنا ياراجل ههه..وشاف جنب اشبح مسك ..خيرك وليتي
مسك/نسيت احويجي ...وخشت تشبح في مدام لبسة روب اسود في حضن واحد من اشباب متكية وماشية جهت ادر
عمار/ماشي وراها بسرعة..اسمعييي فهااا
مسك/فتحة باب ادر لقت المدام لبسه روب احمر متكيا علي اسرير وجنبها واحد من الشباب
الولد/قاعد يشبحله
عمار/شبح لي الولد...سمحنا ياصحيب ههه
ولد/ولا ايهمك ياغالي مدور شي مش براني انت ههه
مسك/ولا كان شافتهم خشت قامة الروب والقفطان متعه وملابسه لمتهم في يده وطلعة
عمار/مسك مسك نكلم فيك
مسك/طلعة تلفتت ليه...انعم
عمار/خيرك خشيتي علي الولد تقول شرطة الاداب ههه خلعتيه
مسك/متخافش عليه مش حينقطع من الخلف شغال مشاءالله ...وتلفتت ومشت لي سيارته
عمار/هههه تلفت وخش
مسك/ حطت الحاجات في الكوفني وركبت طلعة بسيارة علة في المسجل
____________
قدام محل ملابس ....
مسك/وقفت السيارة بعيد اشويا وقاعدة تشبح لي المحل من وراء المرش
ولد/طلع من المحل واقف قدام الباب ويتفرج علي الشارع والناس
مسك/من وراء المرش تتفرج عليه ...اوخيي الغالي استحشتك خيرك ضاعف هكي ولحية هملها ...عيونها تعبو دموع .... والله مضلومة اوخييتك اني ...حطا يده علي صدرها...والله مضلومة والله مضلومة يا اوخيي حسبي الله ونعم الوكيل فلي كان اسبب حسبي الله ونعم الوكيل حسبي الله ...دمعته نزلة ومشت بسيارة
.........._________..........________...........
.........._________..........________...........
J___🦇___A
✍ܓܛܟJu