معاناة فتاة سمينة

الثامن

الحلقة 8
في المساء
بعد ما فرح و اخوها ذهبوا الي المنزل دخلت فرح غرفتها وكانت في منتها السعادة اول مره حد يغزلها غير اخوها وابوها اول مره تحس انها بنت كامله اول مره متحسش بتشوه بتاعها
اما مالك ذهب تجاه مكتب والده واخبره بما حدث وكان الاب فرحان لكن مش مبين وقال....  انا عارف عمران الحديدي اسمه مسمع اكبر شركه اعلانات بس مش عارف لو كان ابنه جاد في الموضوع علي العموم كله هيبان
مالك....  وانت هتوافق علي المجنون ده
محمد.....  وموافقش ليه شاب محترم ابن ناس محترمين بيشتغل وعنده مكان يعيش فيه ايه اللي يخلني ارفض
مالك ببعض عصبية.....  فرح لسه صغيره
محمد...  مهو مش هتتجوز دلوقتي يعني على الاقل سنتين تكون تتمت 18
مالك اضايق وقال....  براحتك بعد اذنك
😡😡😡😡😡😡😡😡😡😡😡😡😡😡
في بيت اول مره نروحه في بيت عمران الحديدي
دخل حازم يجري علي مكتب والده وكانت داخل المكتب والدته كمان
دخل بسرعه بدون حتي ما يدق الباب
حازم....  بابا يا بابا
عمران ونهي بفزع....  في اييييه
حازم بفرح....  لقيتها لقيتها
عمران بخضه....  هي ايه دي يا ابن الكلب
حازم بضحك...  متشتمش نفسك يا حاج لقيت فتاه احلامي وعاوز اتجوز خلاص انا قررت ادخل عش الزوجه برجلي
عمران بصله نظره حاده.....  بقي انت داخل زي اللي ميتله ميت ومنغير متخبط علي الباب وتفزعني انا و مامتك علشان كده
نهي فرحت جدا ومهتمتش بكلام عمران وراحت لحازم وقالت بجد يا حبيبي مين حلوه ها
حازم بهيام.....  قمر قمر ولله قمر
نهي...  بنت مين انا ميهمنيش حالتهم المادية عامله ازاي المهم الاخلاق وبس
حازم بهيام.....  بنت محمد الشرقاوي صاحب اكبر شركه استراد وتصدير في العالم
عمران بصله وقاله.....  بنت محمد بس دي صغيره يا حازم وبعدين انا مشفتش البنت دي خالص وفي ناس بتقول انها مشوها
حازم بجديه.....  هي مش مشوها اولا هي بس عندها وحمه وخده حته من وشها لكن هي جميله جدا جدا جدا ومش صغيره هي في حدود 16 او 17 سنه
نهي....  وحمه مش مهم المهم انها عجابتك ولا ايه يا عمران
عمران اتنهد....  هو اختياره انا مليش دعوه هو اللي اختار
حازم بجديه.....  طيب كلمه بقي وقاله هنروح امتي
عمران....  طيب استني يومين تلاته
حازم بجديه....  لا دلوقتي كلمه دلوقتي
عمران اتنهد بهدوء....  وطلع موبيله واتصل علي محمد الشرقاوي
اللي اول ما شاف الرقم عرف ان الموضوع جد
محمد رد بثقه وقال.....  ازيك يا عمران عاش من شافك يا راجل
عمران ضحك....  وانت اللي مقطع السكه عندي مش كده
محمد ضحك....  مفيش فايده فيك يا عمران عامل ايه
عمران....  بخير انت عامل ايه
محمد.....  بخير الحمدلله يا تري ايه اللي فكر عمران بيه بيا
عمران ابتسم وقال.....  عاوز اجاي اشرب معاك الشاي
محمد ابتسم بفرح لكن مبنش في صوته....  تنور
عمران...  ها اجاي امتي اشرب شاي
محمد....  في اي وقت يا عم البيت مفتوح
عمران ابتسم....  لا انا عاوز معاد يا محمد
محمد...  خلاص نخليها اخر الاسبوع يوم الخميس بليل لاني مشغول الفتره دي
عمران.....  خلاص علي سابعه كويس
محمد....  كويس
عمران خلاص علي معادنا مع السلامه
محمد...  مع السلامه
قفل وهو فرحان جدا وطلع لمالك اللي كان بيذاكر
وخبط علي الباب
مالك....  اتفضل
محمد...  ولا يا مالك الموضوع طلع بجد هيجوا اخر الاسبوع علشان يشربوا الشاي
مالك....  انت بتتكلم جدا.
محمد بفرح....  جد جد كمان
مالك...  مبروك
محمد....  انا هروح افرح فرح
مالك....  متستني لا ميجوش ويغيروا رايهم
محمد بجدية....  ليه هنلعب ولا ايه ابوه بنفسه مكلمني
مالك ابتسم 😊....  خلاص تعال اما نقولها سوا
وخبطوا وكانت قاعده بترسم اول ما شفتهم دارت الرسمه بسرعه وقالت....  بابا في حاجه ولا ايه
محمد بجدية.....  الشاب بتاع النهارده اللي اسمه حازم
فرح قلبها بيدق..  ماله
محمد...  والده كلمني وخد معاد علشان يشربوا الشاي
فرح باستغراب.....  وايه المشكله مش عندهم شاي في بيتهم هيجوا يشربوا الشاي هنا
مالك بصلها وقال....  يشربوا الشاي يعني يتقدم ليكي يا ناصحه
فرح بصتله بصدمه وقلبها دق جامد جدا وقالت.....  ايه
محمد بجدية.....  لو انتي مش عايزه قولي بكره يجلك واحد احسن منه ولو مش عاوزه تتجوزي او تتخطبي دلوقتي يبقي قبل اما يجوا اقول ليهم
فرح بسرعه.....  لا لا خليه يجي
محمد ابتسم ومالك اتغاظ وكان غيران علي اخته اللي عمر ما كان في راجل في حياتها غيره هو وابوه
فرح اتكسفت من تسرعها وقالت....  قصدي اللي تشوفه يا بابا
محمد.....  انا اللي شايفه انه هو مش مناسب ليكي شاكله شاب طايش
فرح بدموع....  لا مش طايش
محمد....  وانتي ايه اللي عرفك
فرح بدموع....  لو طايش مكنش كلم باباه علشان يجي يتقدم
محمد اخدها في حضنه وقال......  انا عارف انه كويس وموافق عليه بس لو انتي رافضه انا هرفضه وشكلك بيقول انك موافقه
فرح حضنته بسعاده باينه علي ملامحها
هل السعاده هتدق باب فرح ولا لسه في حزن تاني
❤❤❤❤❤❤❤❤❤❤❤❤❤❤
في بيت بنت اسمها نور شاكر في كليه تجاره
كان قاعد عاصم ومامته مع والد نور واخوها اسامه ومامتها يسرا  ونور
عاصم ابتسم وقال.....  انا يشرفني يا عمي اني اطلب ايد بنت حضرتك نور
شاكر بجديه....... انت بتشتغل ايه
عاصم ابتسم....  انا شغال في شركه محاسب
شاكر..... مرتبك تقدر بنتي تعيش حياه مرتاحه
عاصم..... ايوه يا عمي مرتب يكفي لاتنين لسه بتبداء حياتهم
شاكر....  عندك شقه
عاصم.....  انا عندي شقه قاعد فيها انا وماما واتكلمت انا ونور واتفقنا نقعد مع ماما
شاكر بصله كده.... اتفقتوا
عاصم ابتداء يتوتر.....  ايوه اتفقنا
شاكر....  طيب بما انكوا اتفقتوا انا عاوز مهر 100000 الف جنيه والاجهزه الكهربائية والخشب واوضه النوم عليكم ومأخر صدقه عاوز نصف مليون جنية وعاوز دهب قد المهر 100000
عاصم لسه هيتكلك مامته اتكلمت.....  ولما ابني عليه كل ده انتوا عليكوا ايه بقي
شاكر ببرود... هدوم بنتي
مامته......  الكلام ده مينفعش ومأخر نص مليون ليه تكونش بنتك دي مارلين مونرو ايه يا استاذ لا الكلام ده مش هيمشي معانا احنا يا هنجيب الاجهزه الاجهزه الكهربائية يا هنجيب الخشب والخشب مع اوضه النوم والمهر خمسين الف ده اللي احنا عاملين حسابنا عليه ام الدهب ده بقي هما 20000 الف جنيه والمأخر.....  60000 الف جنيه ده اللي احنا هنجيبه لكن الكلام ده مينفعش  هدوم بنتك نجيبهلها  بل المره لو مش موافقين علي الكلام ده يا كل شئ قسمه ونصيب
عاصم سكت لانه فعلا حاس انهم بيستغله
شاكر ببرود.....  وانا مش موافق علي الكلام ده
مامته ببرود.....  خلاص بلاها دي جوزه انا هروح اجوزه ست الستات وهتوافق وهيكونوا كتير كمان يلا يا عاصم
عاصم...  يلا يا ماما
مامته لفت لشاكر وقالت.....  في فرق بين واحد بيجوز بنته و يجهزها من مجميعوا وفي فرق بين اب بيبيع بنته بعد اذنك
ونزلوا وعاصم حط راسه علي الدركسيون العربية
مامته بحب.....  اوع يا عاصم تسمح لحد يستغلك بطريقه دي يابني
عاصم قال بحزن...   بس انا بحبها
مامته....  الحب مش كل حاجه هي لو عايزك هتقنع اهلها انهم يوافقوا علي طلبتنا علشان احنا علي حق لكن هما علي باطل بس خليك تقيل واسمع كلام امك ولو كلمتك خليك تقيل معها فاهم يا قلب امك
عاصم حضنها...  فاهم يا ماما
واخدها ورواحوا البيت
🤔🤔🤔🤔🤔🤔🤔🤔🤔🤔🤔🤔🤔🤔
هل اللي عاملته ماما عاصم صح ✅ولا غلط
وهنا خلصت حلقتنا النهارده