The Life of A Jamaican Highschooler

Chapter 2

Benz Man POV

I heard my phone ringing.

Mi look pan the screen and see say a me catty a call me.

I hissed.

Cya bother wid she enuh.

Always a call dun man phone like she nuh have nutn fi do.

"Ypree." I answered.

"Hi babe, where are you?" She asked.

" Mi deh pan the road."

Me nuh ina no long talking wid deh catty yah enuh.

"I was wondering if you and I could maybe get together tonight?" I could hear the sexual tone in her voice.

"Me busy yah now soon link yuh." I hung up without waiting for a reply.

Me bout fi go pick up me likkle sister from skl ina lucea an go negril side.

Me woulda make she take bus but true me a go that side me jus oh pick har up.

Me jump ina eh benz an speed of heading to Lucea.

So me a gwan smoke two spliff and a medz two chune.

Boom! Reach a lucea now high as fuck deh go ina the park go pick up me sister.

This ruseas browning step out ina the road like a mad gal make me almost bounce har me affi slam down pan the breaks fi nuh lick har.

She look shock say the car nearly lick har.

Me jump outta the car fi go check pan har.

"Yuh good?" Me ask har

She replied "Ya ediyat, suppose yuh kill mi a while aguh?"

"Wah yuh deh behave suh fa? Mi not even bounce yuh." I hissed

I grumbled if a nay one thing me jus drive of an nuh business.

"Yuh nearly bounce mi, mi nuh muss behave suh?" She kiss har teeth an walk of.

Me nuh know a wah mek di b deh behave Suh enu Jah know dvn deh go medz dat now.

But nah tell no lie tho deh catty deh look good still

Me go back ina the car an park ah call me sister. Me ring me sista phone and tell har fi fawud.

Afta waiting fi awhile mi spot har deh walk stush come. Shaking mi head mi blow the horn impatiently. Mi nuh use to wait pan nobody enu Kmt.

" Yuh hungry?" I asked my sister Mikayla

" Yes me hungry a wah yah buy me food?" She replied looking ina me eye them.

"Me ask u a question my girl all u affi do a jus ansa me an nuh ask no question, wah yah go eat?" I asked her

" Me want Burger King" she replied

" Ah nuh seh 40 mi sista" I said

Mi give har wah look Suh she know fi fling on har Seatbelt. Mi know mi drive hard and nuh want a ting do mi likkle sista.

After she put it on mi drive off outta park wid Valiant Dunce cheque on replay. Di artist song dem tuff yf  mi get one next glimpse adi pretty browning and mi really did deh medz seh she stay good and shape out inna har likkle tight uniform. Thinking to my self seh she muss deh mad off e likkle school boy dem.

After getting Kayla something to eat mi drop har off up a mi mada yard and go link mi First Lady.

Wen I went inside she let out a scream and run come hug mi up. Boy mommy extra bad. Mi big man come out adi room and seh "Janet wah mek u deh scream" Mommy rolled har eyes and ansa him sassily "You nuh see mi Son come look Fimi yk seh him hardly deh a Jamaica Shawn" Dem ppl ya deh talk like mi nuh deh right yasso. Did deh a Miami deh deal wid sum business and mi fwd inna e place yesterday and just deh reach ami ppl dem foot.

Daddy come and buss off mi fist " y pree mi big son?"  Mi laugh and ansa him "mi a u only son mi don"

We sidung and chat and medz the match wid France and Morocco till mommy share two plate a food carry cum we eat and then mi tell dem mi deh cut.

"Be safe baby" mi mada seh and kissing my cheeks. Jah Jah u affi Yandastan seh a Suh mi mada show har love. Mi nuh too love e affectionate ting but ami First Lady.

Jumping in my White Mercedes Benz AG mi tek up di phone fi link mi dawqs dem and see wah di man dem deh pon.

***************
Sorry for the long wait, this chapter isn't edited so ignore my mistakes. I hope you enjoy. I'll post another chapter tomorrow to make up to you guys.❤️