انت ليلي وسماي وقمرها

انت ليلي وسماي وقمرها B6/7

وصلو المستشفى خذوه ودخلوه غرفه العمليات مرت ساعه ساعتين ثلاث ونياف كل شوي يفز متى يطلع دكتور خويه يتطمن عليه ويهدي نفسه ويبعد الفكار السوداويه عن باله

عندها رفعت جوالها وهي تشوف انه اليوم يوم المهمه الي علمها ابوها عليها تنهدت وهي تدخل على رقم ابوها لاكن ما رد خافت وهي تدق مره ثانيه رد وهو يطمنها انه بخير ومشغول بعدين يكلمها تنهدت براحه لاكن ما دامت الراحه وهي تشوف فارس مقبل عليها عدلت جلستها ولبست حجابها وفزت بتقوم لاكن وقفها صوته وهو يقول وين رايحه جاي اسولف معك تنهدت بقله صبر منه ونطقت فيني نوم بروح انام رد بنبره ساخره نوم الحين ؟ اي يا فارس نوم الحين أي مانع ابد توكلي

انسدحت على السرير وتطقطق بجوالها دخلت عشان ترسل لشخص الي صار لها مده تكلمه ارسلت وينك مختفي غريبه بالعاده انت تبادر

ما رد مرت ساعه وساعتين وثلاث وهي تحتريه يرد . مامن رد غفت جفونها ودخلت في سبات عميق صار لها مده مو على بعضها بعد ابوها عنها وحاله امها الي كل شوي تزداد سو لاكن

في المستشفى طلع الدكتور فزو خالد ونياف سال الدكتور هاه يا دكتور طمنا عنه اردف الدكتور سوينا الي علينا والباقي على ربك لاكن ما تجاوز مرحله الخطر الاصابه تحت قلبه مباشره مما ادا الى دخوله غيبوبة مؤقتة ما ندري متى يصحى دعواتكم له نطق نياف والدمعه بطرف عينه يمديني اشوفه الحين هز راسه الدكتور بمعنى اي دخل تحت انضار خالد المصدوم مو مستوعب الي صار

B7
دخل ودموعه تسبق خطاويه ثقلت خطاه ماهو قادر يمشي وهو يشوف اعز اخويه تغطيه الاجهزه داخل غيبوبة ميدري متى يصحى منها تنهد وهو يجلس جنبه مسك يده

واردف بنبره مليانه حزن عمير ماني قوي بدونك عمير نياف يبيك انطفى ضوي يا عمير تكفى لا تخليني اصحي تدري بي ما اقوى الفراق قام وهو يمسح دموعه
بطرف كمه بس انا اوعدك اني ما اخلي حقك واجيبه بارد مبرد اوعدك اني ما اخليه واجيبه لك جثة هامده نضحك انا وياك فوقها نذر على ما اخليه مشى البيت دخل الحمام يكرم) القارئ )) اخذ شور طلع وهو لاف المنشفه على خصره وبيده ينشف شعره توجه ناحيه الدولاب طلع شورت وتي شرت بالون الاسود لونه المفضل يفضله لانه يحس حياته سوداء يحس الدنياء ليله ضلما ونورها عمير بس وين عمير وين نور ليالي نياف انطفى هالنور الي يستدل به نياف اخذ اخذ جواله وهو ينسدح على سريره لفته رساله منها محتواها دوينك مختفي غريبه بالعاده انت تبادر < رد عليها كنت مشغول وطلع وهو يسكر جواله ويحط راسه ينام هذا لعل وعسى يجيه النوم

صحت على صوت شهد وهي تصحيها عشان يروحون المول قامت خذت شور سريع لبست بنطلون واسع بالون الابيض وبلوزه بياقه جلست تجفف شعرها لمته ذيل عصان رطبت يدينها وحطت مكياج خفيف يبرز حدة ملامحها توجهت لعبايتها لبستها ونزلت وهي تلف الطرحه وتلبس نقابها

طلعت برا وهي تشوف السواق وشهد قدامها ركبت ولكن قبل يتحرك السواق جاء فارس وهو يوقفه انزل انا بوديهم ضغطت غسق على يدها وهي تحاول ما تصيح فيه نزل السواق وركب فارس وهو يلف لهم ويضحك بسخرية
مالكم فكهه منيي طنشته غسق وهي تقول طيب امشي وخلصنا تحرك وهو يمشي وقفو قدام المول وقف فارس ولف لهم ونطق بنبرة تهديد خلكم وراي ولا اشوف عيونكم تروح يمين يسار زفرت غسق بقلة صبر منه