Ek ken 'n plek waar ek en jy kan ontmoet
'n plek waar die blou dag ons omring
met reuse, sagte wit wolke wat kom en gaan
Waar ek staan
sien ek die helderste blou
wat neersak op die verre horison.
Dis 'n plek waar ek en jy kan ontmoet
sommer onder die wilger met voete in die stroom
Ek ken 'n plek waar ek en jy kan ontmoet
'n plek waar die lug van blou dag verander
na kleure van geel,rooi en soms pers
Waar ek staan
sien ek die glinsterende hemel
wat ver en hoog oor ons koppe strek
Dit is 'n plek waar ons die sterre kan tel
En hul name leer ken:
Ou bekendes soos die Suiderkruis en die Drie Susters
Die liefdesverhaal van Altari en Vega
wat geskei is deur die Melkweg
En my helder somerster, Canis Majoris
Ek ken 'n plek waar ek en jy kan ontmoet
'n plek waar die blou lug ons omring deur die dag
en die sterre hemel snags.
Die Vrystaatse vlaktes.
YOU ARE READING
Vrystaatse Vlaktes in die Somer (Afrikaans)
PoetryEk is gebore in die Vrystaat. En het nogsteeds (nadat ons Pretoria toe getrek het) 'n liefde vir dié oop vlaktes. Hierdie gedig is deel van 'n famliebundel wat in 2012 bymekaar gesit is. Afrikaans : 12964227 (Wattpad app) English : 12964422 (Wattpad...
