جمرة تَعلِن ألحريق(مکتمله)

بارت الاول

بارت الأول:

_حطی کلشی تحتاجینه ترا مو تنسین شی
_خوش
حطیت ملابسي و اغراضي الی احتاجهن بلجنطه رتبتهن و سدیته ، خليته علا جنب
رحت للحمام غسلت وجهي و طلعت ،رحت للغرفه گابلت المرایه و امسح بوجهی بلخاولیه نضفت وجهي زین و بعدین خلیتله مرطب و صرت اسوي ماساژ علا کیف ، فتحت شعري علا طول اتمایلت گدام المرایه اشوف شعري الی اتجارأت و گصیته بسبب عصبيه لحد وین واصل اتلمسته علا کیف جبت المشط و صرت امشط بی شوی شوی اشوف وی کل جره یتساقط اشوفه فقد حیویته مثل صاحبته فقدة طعم الحیاة خلیته ورا اذانی ،جبت المعطر و رشیت علا عنقي خلیته علا الميز بهدوء عاينت النفسي و عاينت للي صایر بیه،
تحت عیونی سواد خفيف و التعب مبين عليه بس رغم کل هل ضروف متحمسه لسفرتی متحمسه اشوفه رغم بُعده
ارید افتحله دفتر حیاتی اریده يشوف حالتی رغم الضروف
ضعفت بلحضته انوجعت بدون حدث،
نزلت دمعتی مره ثانیه خانت نفسه مره ثانیه خانت صديقته و بينت ضعفه گدام نفسه مسحت دمعتی بچف ايدي ، اخذت نفس و مثلت النسیان طفیت الضوه و رحت اتمددت بفراشی
رافعه راسي و اعاين للظلام اعاین وجهته من حياتي
نزلن ادموع الاشتیاق مره ثانیه وجع فضیع طاقی علا کل روحي احسه داتصارع اجبار عنه داتصارع بس عشان ضحکته دا تمثل النسیان عشان فرحته الظاهریه
غمضت عيوني و عسی انام ولو للحضات عشان ابعد عن واقعی الظالم .

الساعه رابعه صباحاً:
جنان
جناننن
_امممم
_گومی وکت روحتنه بسرعه
_خوش
_یالا مو تردین تنامین
_اممم اوک
گمت من مکانی رتبت فراشي و رحت غسلت وجهي بسرعه بسرعه طلعت من الحمام رحت للغرفه طلعت ملابسي و بسرعه البس بیهن و صوت امي ورای :
_مو تتاخرین یالا ابوچ منتظرنه بره
_خوش یمه هسه لحضه
لبست ملابسي و رحت گبال المرایه لميت شعري و جبت الچفیه و سويت حجاب لبنانی عدلته و اعاين زین خاف شعري مبين عدلته و بعدین عدلت حواجبي و خليت واقی و رطبت ايديه رحت للکنتور طلعت عباتی و گابلت مرایتی الچبیره ، لبست العبایه و عدلته زینه الکلام الی اگوله کل وقت :
انتی جمیله یا جنان انتی جمیله بلحجاب و لایهم کلام الناس المهم کلا الله
اخذت نفس و طلعت من الغرفه شفت امی منتظرتنی باب الصاله :
_وینچ شنهی عروسسس
_خلصت بس البس الحذاء و اجیچ
_یالا بسع هاذه حذائچ طلعته الچ البسی بسرعه
_تمام
لبسته بسرعه بسرعه و رحت رکبت بلسیاره
حرکت السیاره و دقايق و وصلنه المکانه المنتظر بس چان الخایفه منه
اقاربنه کله چانت تقریبا
اکره وجودهم ناس بس تبسمر:
اگلچ يما
_ها
_های شنهی کله اهنا چا مو گلتی بس خالاتچ
_ ای و اذا چانو شنو يعني شدخلنه بیهم
_خوش
نزلنه من السیاره و بابا نزل الجنط ویا تقرب منی و گلی:
_عینچ علا روحچ زین مو تیهین من امچ
_انشالله
_یالا ام حسان عینچ علا روحچ زین حبیبتی و عینچ علا البنیه لا تضیع
_من عیونی اکید عینک علا البیت ‌و علا الفروخ(الجهال)
_سلمناکم
_الله یسلمک بامان الله
_شلنه الجنظ و رحنه یم اقاربهم کله متجمعه فد مکان سلمت عادی و رحت وگفت جنب بعید عنهم اشوی
وگفنه قریب الساعه منتظرین الباص و بعدهو مجای تعبت من الوگفه گعدت بمکانی علا الرصیف خليت ايدي علا خدي و اعاين للناس ، اعاين للاجواء الی چنت متمنیته من زمان
اشوف من بعید بنات خالاتی یجن باتجاهی:
_هلو جنه شلونچ
_هله الحمدالله انتي شلونچ
_بخیر
_بس گالن هل کلمات و سکتن شفتهن یتلون مثل الي بحلگهن حچی و بس یردن یگولنه گلت الهن:
ای خیر شصایر
_اگلچ صدگ عود انتی عندچ علاقه وی ......!

جزء بسیط من الروایه انشالله عجبکم گلیباتی ربی یسعدکم
و اکید تابعونی اینستگرام
@Koko_hossine
Love♥️