جمرة تَعلِن ألحريق(مکتمله)

بارت التاسع

بارت التاسع:

أنا متعلم عليك هواي..
ياسولت سكتي..
ويا طواريك من الظلمه تجيني..
چانن ثيابي علي غربه گبل جیتك......!
...............💔
شلون عايفني احترك ؟
من اگابل صورتك امنيتي ادخن ،
بس اعرفك ، تختنك
ما كسرت عيونك وگفتي وياك ؟
من عافوك كلهم و اني ضليت !

..............

فزیت باید تضرب بخفه علا چتفی
گمت من مکانی بنعاس متقاطع و افرک بعیونی
اشوف امانی گبالی و جاعده تشکل الکانونه الجنان :
صباح الخیر
_صباح الخیرات گوم غسل و تریگ
_شلونه؟
_والله بعدهی علا وضعه
_یمته یجی الدکتور و يشوف وضعه
_ما اعرف هسه اتصل علیه و اشوف اذا یگدر یجی بلفرصه مالته بلیل لو العصر
_طلعت من الغرفه بدون لا ارد عليه و رحت الغرفتی اول مافتحته کفختنی ريحه طیبه و الغرفه بیه بروده من كولر(تبريد) اخذتلی ملابس ورحت للحمام سبحت بسرعه و طلعت وگفت گدام المرایه و افکار اکلت عقلي والندم ترس راسي
انشف بشعري وصافن عله الی حصل قبل سنه فزیت من صفنتی برنت موبایل :
الو
_جمر وینک اتصل مترد
_خیرک
_تعال بسرعه مسوين اجتماع لازم وجودک ضروری
_خوش أبدل و اجي
گطعت الخط و لبست ملابسي و طلعت من الغرفه نزلت للمطبخ اشوف امانی مجهزه الریوگ مثل کل مره صبیتلی کوب چای و اشرب بی علا الواگف طلعتلی جگاره و صرت ادخن :
_من صباح الله دخن
_اخذتلی رشفه من الجگاره و وراه رشفت چای و انی اگله:
النار متطفه بهذنی بس تهدی حرگته شوی و تسكنه
_ههه خلیته مثل الجثه و هسه جای تگول عله النار والله مسخره(ضحک)
__ما جاوبته خليت الکوب علا الطاوله و رحت الغرفته فتحت الباب و اشوفه بعیونی بعدهی علا نفس نومته تقربت علیه و اني اخلی لمست شفايفي علا جبینه اخذت نفس بحسره و طلعت من الغرفه بسرعه رکبت سیارتی و طلعت للجتماع....!

_واگفه اغسل بلماعین و اصفن لحضات و ارجع علا واقعی بين صفناتی الموقته دگ موبایلی ترکت الماعین و نشفت ايديه و شفت رقم الدکتور جاوبته بسرعه و بدون مقدمات:
الو هله دکتور مؤید شلونک
_هله امانی شلونچ شخبارچ متصله عليه
_الحمدالله
ء ء دکتور بلازحمه
_اسمعچ
_یمته تگدر تجی تشوف وضع جنان مو انهد حیلنه والله
و جمر حيل تعب هل فتره
_شوفی جنان اجی اشوف وضعه تمام
بس ترا اهی الضربه قويه یعنی ما اکدلچ انو تصحه هسه و بعدهي مامعلوم يمته تصحى اصلا و اذا متاخرین لحضه چان هسه انتم تگرون اله الفاتحه بلنجف بس ربچ ستر
_اعرف والله اعرف بس هسه و بلکت الله تگعد الله مینسی عبده و كلشي بيد الله
_ونعم بالله تمام انشالله العصر اجی
_تمام شکرا تعبناک ویانه
_تعبکم راحه اهل الاهواز
_ابتسمت بهدوء و رد گال بهمس:
_انتی شلونچ
_تمام انته شلونک
_زین من اسمع صوتچ
_احم ما ازاحمک اکثر انشالله نتلاگه العصر

عرف جاعده اتهرب ترخص و سد الخط خليت الموبايل علا الطاوله و رجعت اکمل غسل ..!

_جمر شنو رئیک
_ما اعرف کیفکم
_شنو کیفنه جمر شنو رئیک
_شوف اهی زینه بس حاس بیه خطوره واید علا جماعتنه بلاهواز
_خطوره اکید بیه قابل علکی بس تعرف لازمه
_اخذت نفس من الجگاره :
امممم صح
رد علیه حسام:
_جمر بیک شی
_لا
_ما صحت البت
_التفتت علیه و خزرته :
منو قصدک