سلك الـ شجى

سِّـلْـك الـسـابـع

- سِّلْك الـ شَجًى 🔗🔥🖤
- لـ نانا الـ علي
- البارت السابع

لا تنسون التصويت + التعليق بين الفقرات
+ متابعه الحسابي 🖤

أَسوء أنواع القَتِل:
أن يَڪون السِلاح في يَدي ، والعَدو "نَفسي"،
ولستُ أمتَلِكُ القُوة لِضَغِط الزِناد .

قرائة ممتعة....

"عسل"

فزيت من صوته رديت
واني اسد لباب:- وعليكم سلام .

اجيت امشي وكفني صوته:- بس شوي .

درت عليه ذبيت گصايبي على ضهري:- نعم!

بلع ريكه مسح جيبنه وكال:- وين بيت
تميم محمود ؟

عقدت حواجبي:- هذا .

بتسم بطرف شفته فتح عيونه مصدوم
وهمس:- أنتِ عسل!

رفعت راسي بسرعه:- اي .

- أنا سَيد صديق تميم .

- هسه اصيلحه .

رجعت فتحت لباب ودخلت
صار كبالي تميم :- رجعتي .

- هذا واحد برا يكول هو صديقك .

- صديقي منيلي صديق أنا !!

- اسمه سَيد .

بهتت ملامحه فتح عيونه بصدمه
ذب تلفون من ايده وطلع ركض طلعت وراء
شفته حاضن هذا حيل .

- سَييييد !!

- تميم والله مجاي اصدك شفتك والله .

ضليت اباوعلهم ثنينهم عيونهم مدمعه

بعده تميم منه اخذ وجها بين اديه يبوس براسه
وهذا يبجي نفس طفل بحضن تميم .

- كافي بس لا تبجي شجابك ولك .

- اجيت وحدي .

- مذكرني سَـيد ما نسيتني مو مذكريني يا عزيزي !!

- ما نسيتك ما نسيتك حتى اذكرك تميمي .

- تعال فوت .

دارو عليه وشافوني واكفه تحمحمت
وطلعت كدامهم .

تميم:- لا تتأخرين عسل .

عسل:- لا هسه اجي .

ركضت لبيتهم وهما دخلو للبيت
جبت تحاضير .

ورجعت للبيت فتحت لباب ودخلت
شفتهم كاعدين بالصاله عبرت للمطبخ:- لبونه .

لُبنا:- ها حبيبي .

- منو هذا؟

- سَيد صديق تميم مــِن جانو بالبصره .

- لعد شجابه هنا .

- اجه يشوف اخوج .

رحت وكفت يمها حضرت ضيافة
واخذتهم لبونه الهم رحت كعدت
يم لباب اسمع حديثهم .