لكاتبه (عسوله الحوله)
أحداث من البارت السابق
فهد: ماشي بويه هيه وين هسه كلي هناك بذيج الغرفه اشرلي ورحت وفتت للغرفه وياريتني مافتتت مو بنيهه ايه من الجمال ملاك ومعلكيلهه مغذي الشفايف حمره والخدود تفاحات ضليت اباوع عليهه شلون نايمن جنهه طفل دمعتهه على جدهه وحلكهه مبرطم ضليت صافن جان اجه ابوي وكلي امشي نطلهه
فهد: بويه شلون نطلعهه غير نايمه على القل بس تصحه
ابو فهد: لالا لا يوليدي معناهه ندفع فلوس امشي نروح ناخذه بلكرسي المحرك
فهد: اكفر هسه اني ادف....
ــــــــــــــــــــــــــــــــــــــــــــــــــــــــــــــ❤❤✨
فهد: اكفر هسه اني ادفع شبيك بويه متكلي
ابو فهد: مو قصت افلوس بويه بس هناك محد اكو وحنه ما جبنه مره ويانه تبقه يمهه وهناك بس امير واخوك احمد كاعدين
فهد: عوفهه هسه أخابر احمد يجيب رند ويجي وحنه نرجع واني كاعد احجي ويه ابويه اجه واحد شكله مارتاحيتله ابد اجه يحجي ويكول ابو فهد جنت احجي ويه المره تسأل على عهد اني كلت انته منو
الرجال: اني رجل خالت عهد
فهد: ابد مارتاحيتله رحت خابرت احمد وكتله يجي هوه ورند شويه واجه احمد وكلت الابوي يلا يابه نروح وصيح ذاكه الزقج ومشينه احمد ورند يبقون يمهه
ابو فهد: ماشي بويه وعيب تحجي على الرجال
فهد: قبل لا اطلع رحت شفتهه بعدهه نايمه شكد حلوه عفت يمهه رند واحمد وطلعت وصيت احمد عليهه رحت للسياره واني افكر عود ليش ابد ماجوي ولا سألو علينه وافكر زين بس هيه لو عدهه خوات اخوان ابوي وصفلي بيت عمي مو بعيد حيل من الديره مالتنه
وصلنه نزلت وسألت ابوي
فهد: بويه سؤال
ابو فهد: اسأل ياوليدي
فهد: بويه عهد عدهه اخوان خوات وزين ليش ماجوي تعرفو علينه ابد
ابو فهد: لا يوليدي عهد وحيده ماعدهه لا اخ ولا اخت والله يابويه سالفه طويلهه حيللللل وصارت بعد
فهد: انقهرت عليهه لين كال وحيده يعني جان بس امهه الهه وراحت ماشي بويه
ابو فهد: خو ماكو شي
فهد: لا لا لا ماكو شي بس هيج حبيت اسأل وره تقريبن ثلاث ساعات خابرني احمد وكال راح يرجع عهد كعدت وتريد ترجعع كتلت ماشي شويه وصل احمد بس اني واكف يم الزلم ماكدرت اروح اباوع عليهم من فاتو ضلين واكف لليل واجوي من الدفنه بنص اليللل
وحنه واكفين ننتضرهم اجوي وسلمت عليهم فات عمي للبيت وشويه ونصهم راحو بقيت اني واحمد ولد عمي وعمامي واكفين بلحوش شويه شويه راحو لين الوكت حيل متاخر جان وبقينه اني وابوي واحمد وامير وعمي عباس وعلي ابن عمي واكفين بلحوش واسمع صوط عياط وصريخ عفتهم وفتت وجان تتلكاني رند وتكلي الحك عهد
