خفـوت اللـيـل

الحـلقـة العاشـرة💙.

الحـلقـة العاشـرة💙.
للـكاتبه fatima_Hadi
عثرتُ عَليكِ ك جَوهرة في حي الفُقراء ♡
*************************
هـز راسـه وسكـت ،انتبـهتله شنو لابـس كـان لابس زي مال ضباط وعلى كتفـه 3نجـوم ونـسر ماعـرفت رتبته لان ماعرف بالرتب العسـكريـةوعيـونه شهل ومخنـزر مدري هوَ هيج لو صـدك مخنزر شعليهه هسه اني وادقق بيه؟
فتح موبايل وضل يطقطق وعبـالك كاعد يراسل انداريت وطلع صـح لان جان يحَـرك اصابـعه بعدين كام يفتر بالغرفه فره اكثـر من مرتين سطرني سطر انوب استحي اكلهه دخـت اكعد ..لان فشـلة

كـام وفتح باب الغرفـة وطلع شويـه ودخل بس جان عصبـي كلش كعد وضل يهز برجله باعصاب وينهت ونهت
شويـه واتصلـو عليه وكان الطرف المقابل صوته عالي لان هم صايـر اعصاب
-: انتَ شبيك كاعد اكلـك صار ويايه حادثثثثثثثثث متفهم ؟

الطرف المقابـل: واذا حادث انتَ موو وصلتهه ، وخلصت تعال عوفهه انتَ سويت العليك وكافي .
-: اذا اختك دعمـوه وذبوه بالمستشفى وعافوه تقبل؟
هااااااااا شووو سكتتت اسمععع لـِك اتكلهم صار ويا حادث هسـه شويهه ويجي فهمتتتتتتت؟
-: تمام فهمت اهدأ شبيكك عصبي شكتلك اني ؟ يلامع السلامه ولاتتاخـر
-:الله ويـاك
شافني صافنـه عليهه هوَ هم صفن بعدين خله ودار وجهه اني هم درت وجهي سمعـت صوته عبالي كاعد يخابـر طلع ويايه
:-يبـنيه يبـنيه يمعوده ؟
ريتـاج : ويايه ؟
دار بعيونـه يدور بالغرفـه : اكو غيرج بنيه هنا ؟
باوعتله بطرف عيني : لا ، تفضل رايد شي
تنهـد وكال : انتِ شنو اسمج، وين بيتكم ؟
-:اسمي ريتـاج ، بيتنه بالـ(........)
همـس : اهلاً وسهلاً بريتاج
ابتسـمت : اهلاً وسهلاً بيك شكراً، وانتَ شنو اسمك ؟
دنك وابتسم: البُـراق .
ضحكـت مستغربه الاسم : براق ؟ اول مره اسمع بهالاسم للولد يعني، بس حلو
هز راسه ضاحـك : آي حلو وانتِ اسمج هم حلو
ابتمست : شكراً
-: ليـش جنت معصب ؟
-: اني
-: لعد اني، اكو غيـرك هنا جان معصب وخابص روحه؟
ضحك: اعصـابج عمي شكنالج ، عصبت لان صديقي وترني وخلاني اتنرفز
-:ها ، زين ممكن تسأل الدكتور شوكت اطلع اكره المستشفى اني حباب اسأله ...
ابتسم على توسلـي: اروح احاجي وهسه يطلعج لو شنوو بيج بكلمه وحدةبس تطلعين بس قبلهه لازم تكوليلي ليش جنتِ مامركزه وبينج وبين السياره شويه وانتِ ماحسيتِ

صفـنت عليه اجاوبه او لا اذا مجاوبه وخاف ماطلع يلا خلي ارد عليه : مو كتلـك جنتَ حلمانه بحلم تمام فـ آي حلمي جان غريب شوي استئذنـت من بابا وطلعت رحت لجيرانه مفسره وفسرتـه الي ودخت بيه وبس..
-: ممكن اعرف شنوَ هوَ الحلم ؟
ضحكت :مبين هواي فضـولي
هـز راسـه بـلا اكثر من مره : لاصدكِ اني مو فضولي ،، بسس اذا حطيـت شيء براسي اسوي يعني اسوي ..
-:حلو عندك صبر للحصول على غايـتك
-:طبعاً هيَ الحياه هيج تريد
: تمام راح اكلك شـوف اني حلمت امشي ببستان تقريباً مملوء بالخضار والورد البنفسـجي جان المكان يجنن واكو طريق طويـل امشي بي وميـخلص تعبت وقررت ارجع للبـدايه حسيت احد ورايه وكلي لترجـعين وضليت مستمره تقدمت وصار كبالي شخص ضخم وطويل ماعرفته ولاعرفـت افسره للحلم فـ رحت لجيرانه تفسـره وبس ، بعد ترا تعبـت مابيه حيل احجي بعد؟
ضحـك : هههههههه حقـج عمي تعبتج وانتِ هسه صاحيـه ، زين شكلـتلج جيـرانكم ...
هستوني اريد ارد ودخـل الدكتور وحسيته رحـمة واجتنـي لان تعبت وهذا كاعد يحقق ويـايه ...
الدكتور : الحمدلله مابيج شيء وكلشي سليم وهسه تكدرين اطلعين بس مثل متعرفين راسج ملفوف لان تأذى شويه فـ راح اطيج علاج التزمتي بي ، ماشي بنتي؟؟
-: ماشـي شكراً دكتور تعبتـك وياي..
-: هذا واجبي عدج العافيـة
الله يعافيك
طلع وطلع ويا بُـراق واني كمت حتى البس حذائـي واطلع لان اكره المستشفـى وماطيقهه من ورا وفـاة امـي
كمـت بالكوه عدلت ملابسي وكذا وهو دخـل ضل يبارعلي بعدين التفت كال : كملتي موو؟
-:آي كملت نكدر نطلع هسه لو بعد
:يلا امشي نطلع
هزيت راسي ومشينه اباوع لـطوله يمكن اوصل لبـطنه هوَ ضخامـه وطول وانـي قصيـره وناعمـه بالنسبه اله
طلعنه وصلنه لبـاب المستشـفى كتله: شكراً جزيلاً تعبتـك ويايه واخرتك على دوامك وهم عصبت من ورايه
ضحك وكال: هههههه لايـابه انتِ شعليـج ولاشكر على واجب هـذا واجبي
-:فرصه سـعيده
ابتسـم: اني الاسعد
:باي
فتح عيونه وصاحح: هاي شنووو وين ؟ شنوو بويه بس لاناويه ترجعين لبيتكم وحدج؟
-: آي ليـشَ بيهه اشكال ؟
: آي طبعاً لعد اني شنو هنا واكف طرطور ، وبعـدين شلون اخليج اصعدين ويا ولد متعرفين اصله ولاهـوَ شنو؟
صفنت : يعني عساس هسه اني اعرفك ؟
-: صح متعرفيني ولا اني اعرفج بـسَ تكدرين تأمنين واصعدين ماأكل بشر لتخـافين
ضحكـت : ههه مو على تأكلني بس انتَ عندك انشغالات وراح تتأخر بسببي ، اني افضل انتَ روح واني اخذ تكسي او اتمشى عادي
خنـزر بوجهي يمهه هذا شبي: كاعد اكلج امشي كدامي وفضيني واذا خايفه عليه لااتاخر امشي صعدي وصيري حبابه ، خوش يشطوره
: بس شلون ؟
-: لاشلون ولا لون امشي فضيني لتخليني اجرج واصعدچ غصباً عنج وبعد كيفج
تنهدت مستسلمه مبين ماراح يعوفني الا اصعد ويا : ماشي يلا..
هز راسه برضا ومشى كدامي ردت اصعد ليوره وصاحني : شنو بويـه سايق عندچ انه ومادري؟
صفنـت على الانه : لاحشاك وهاي جايه ليكدام ادلل وضحكت لان نرفزتـه ..
تقـدمت وفتحـت الباب وصعـدت كعـدت ليكـدام ..
المسـافـة من المستشفـى بعيـدة لان مستشـفى اهلي وسألتـه : ليـش جبتني لهاي المستشفـى موبعيـدة ؟
-: خفـت ليصيـر بيـج ويكـولون جابه لمستشفى مو زين
-:خوش تفكير ، حبيت
ضحك وهز راسـه وعلك اغنـيه من التراث القـديـم جانتَ كلش حلـوه واول مره اسمعـه :
ياام عيـون السود ماجوزن انا ..
خـدج الكيمـر انا اتريق منـة ...

لابسـة الفستـان وقالـت لي انا ....
حلوه مشيتها دتمشي برهدنـه ...

لو تحـب خادم خادمهه انا...
ولعـوف الدوله والسلطنه ....

واقفـة بالباب تصرخ يالطيـف...
لاني مجنون ولاعقـلي خفيف ...

تناوشنـي من ورا التنور تناوشنـي الرغيـف ....
يارغـيف الحلوه يكفيني سنـة...

لـون خمري لاسمـار ولابياض ...
مثل تام واشرف ع الـرياض ...

ضـل يدندنهه ومبتسم واني ابـاوع على الشوراع وكلـبي يدك على سريع خايفـة من زوجـت ابـويه خاف اضل تلغي ومابيهه حيلهه ...

وصلنـه لمنطقتـي وضليت ادلـي لحد ماوصلنه لبيتنه وكف السياره واندار عليهه
ابتسمت : شكراً جزيلاً تعبتك ويايه واخرتك وسببتلك مشكلـة ..
ابتسم : كتلج لشكريني هذا واجبي
اشرتله بايدي باي : مع السلامه
-: الله وياج
نزلت من السياره ودكيت الباب واني بايدي علاكـة الدوه ولازمه راسي
جان اسمع صوتهه يلعلع : منووووووو؟
رديت عليهه: اني يمعوده
-: لاهلا ولامرحبـا وين جنتِ ولجج وشبي راسج ؟
-:مابيه بس ردت اندعم وتخربطت من ورا الصـدمه وجنت بالمستشفـى ومثل مشوفين رفعت علاكـة الدوه بوجهه كملت كلشي وطلعت وحديي
-: معليهه بيج يطبج طوب خابرت على ابوج وهسه هوَ جاي ومتحلف بيج ، لان خـوش حميته عليج
وضحكت باستهزاء وفاتت خفت لتكون كايله شيء لبابا وصدك يـزعل ..
اندك الباب وصاحت: روحي فتحي فضيني خاف ابوج هذا !
مشيت على كيفي ليهسه دايخـة ..
هستوني فتحت جان يدخل ابويه ..
:يضربنـي راشدي بكل قوته......

لهنا اختم وياكم بارت اليوم اتمنى يعجبكم وتحبو 🌝🫂
احـبكم🥺
لاتنسون التصويت والمتابعـة💙🫶🏻
"دمتـم في حفظ الله ورعاه "♥️
.........