مابين الحزن والحب 😔❤️.

عزف : في احدى الليالي منتصف الليل .. اتجهت لغرفة اختي وقلت " تبين شي ياروحي انا ماشيه؟"
هنادي وهي عيونها تدمع يعني خلاص بتروحين ؟
عزف : قلت وانا متضايقه " ايه ياروحي ماقدر اتحمل أكثر من كذا حضنتني وقالت وهي تبكي انتبهي لنفسك، واتمنى ماتنسيني
"قلت " انسى روحي ولا انساك يالله انا ماشيه "طلعت من البيت ومع كل خطوه دموعي تنزل على خدي ومادري وين بروح وماكنت ادري هالطريق وين بيوديني ومادري اللي انا قاعده اسوي صح او خطا وكنت ضايعه بس كان تفكيري اني اروح بعيده عن اهلي بديت امشي بعيد عن قريتنا وانا امشي بدا يضلم الطريق وقفت وقلت لنفسي اكمل الطريق ولا ارجع؟ تذكرت اهلي وقلت اكمل احسن بديت امشي والطريق مضلم وكنت ارجف وخايفه قعدت بالأرض وكنت ما اشوف شي بديت ابكي وانهد حيلي حرفيا مر وقت طويل ..بديت اشوف اضاءة سياره وحسيت ردت روحي وقفت وقربت من السياره ناظرني الولد وقال "تبين مساعده؟ انتي شكلك مضيعه" قلت "اذا ممكن" قال "تفضلي" ركبت ورا ابتسم وقال " شدعوه قاعده ورا ترا مو سواق انا مافيها شي اذا جيتي قدام قمت وركبت قدام قال " بسالك انتي شجابك هنا يعني هاذا طريق سريع يعني محد يجي الا اللي يبي يروح ديره ثانيه " نزلت راسي وقلت سالفتي طويله مره " قال قوليها اسمعك يا.." قلت " عزف" ابتسم وقال " يالله تفضلي وقلت كل شي بخاطري وبعدها قال اسمعي فانصحك انك ترجعين لهم "قلت وانا ابكي " لا لا ترجعني طلبتك والله يا .. ناظرني وقال غيث قلت ياغيث لاترجعني وانا ابكي " قال بشوف" عزف انا من اول ماطلعت على الدنيا وانا ولا مره عشت حياتي نفس اي بنت احنا قريتنا حيل متشددين وبشكل فضيع مره وبذات اهلي اكثر شي يهمهم سمعت الناس والقريه بس ! ولا مره عاملوني معامله زينه حرفيا وكنت اشوف كل البنات يسولفون عن اهلهم غيرنا بكلشي وكنت اسال واقول ليش اهلي كذا؟ وكنت اقول اكيد بيتغيرون بس وصلت عمر ۲۲ اللي كان ببالي يعاملوني احسن من قبل بس لا يبون يزوجوني غصب عني ولد عمي وحتى ماخذو رضاي بس اهم شي رضاهم وماتحملت وهربت منهم .. دموعي بدت تنزل
قال غيث " شوفي عزف مهمها كان هذول اهلك ويبقون اهلك صدق انا ما الومك بس لازم رضى والدينك اهم شي صدقيني شوفي انا عايش مع امي وحيد واسوي كلشي لاجلها واتمنى انه يكون ابوي معانا تعبت منهم بس محد يحس فيني " تنهد وقال " براحتك شوفي الحين انا بروح لأمي لاني تاخرت عليها وباخذك معاي لين نشوف حل "قلت " تمام " وكنت طول الطريق سرحانه وافكر شبتكون  حياتي هل بكون سعيده ولا بيصير شي ؟ شبتكون ردة فعل اهلي اذا مالقوني؟ وافكار ورا بعض.. بدا يطلع الصبح شوي ابتسمت وقلت "الله الجو يجنن" ابتسم غيث وقال " ليه كذا مره مستانسه " قلت " لا بس منزمان مو طالعه " مرت ساعات لين وصلنا الديره حقتهم نزلت ووقفت يبي يدخل غيث التفت لي وقال تعالي شفيك ؟ " قلت " مدري خايفه من ردة فعل امك وخايفه تفهم غلط " قال " لا ما عليك" ...يتبع