دنياي الصغيرة (شهم) 🫂

بارت 31

بارت 31
من روايا دنياي الصغيرة

للكاتبة (ايو ال احمد)

صكر،،،،،،، كاعدين اني والعائلة سمعنا بعد ما رحنا للفاتحة وكملت صابرين سويلنا جاي

صابرين،،،، حاضر كمت اسوي جاي وجهزت كيك وكعك لان بليل وباردة كلها موجودة

صكر،،،،،، نسمع للاخبار وشفت طيارة واكعة ونفس موعد طيارة شهم وافين تخبلت اتصل عليهم ميردون زاد شكي بالموضوع هم بيها فورا طلعت ما اعرف شسوي وشنو اصرف هي الطيارة بالعراق المسافرين كلها عراقيين وجايين المهم عرفت هي الطيارة واصلة للعراق وواكعة كل هذا واني ممتاكد هم بيها او لا كلبي على اخوي وحزام ضهري وعلى بنيتي الي هي افين مثل بنتي واكثر خايف عليهم وادعي ربي مو هم واذا هم الله يطلعهم بالسلامة وياية علي ولد عمي الي ما اعرف شلون طلع ويانة ولازم كلبة خفت علية طلعنا بلغونة انو الجرحى والميتين كلها بمستشفى،،،،،،،،،،،،،، فورا توجهنة للمستشفى اول مدخلت واسمع العياط والبجي والدنيا مكلوبة ناس متخبلة دخلت سألت على اخوي وافين وكالو منعرف بس اكو الي جوي من الطيارة كلها ماتت روح اتعرف على الجثث
رحنا ورجلي متعيني ضربتين على راس توجع هم اخوي وحزام ضهري وهم بنت عمي وبنتي والله احسها بنتي اني اعرف اخوي ايدة اليسرة بيها شامة كبيرة واعرف عندة وحمة بركبتة مبينة مال خوخ اني اعرفها وافين هم عدها وحمة بأيدها فراولة ولونها احمر مبينة وعدها جويات مال مرت ابوها بأيدها شفت اول جثة ميت خوف ربي مو اخوي ربي عيني ربي ساعدني تقريبا شفت جثث وبعد مكدرت طلبت من علي يدور وياي دورناهن كلهن ماكو الهم اثر وينهم لعد طلعت ورحت للدكتورة وكتلها مو هم وين اكو بعد كالت اكو بعد بالطيارة محتركين مالهم اثر الله يعينكم والبقية بحياتكم

لججج انتييي شتكولين اخويةةة هيج حتى جثة مالة ولججح وينننن اخوييي

الدكتورة،،،، الله يعينك على هالنصيبة ما بيدي شي الله يصبرك خوية الطيارة فحمة والي بقو بيها كلها احتركت والي كدرنا نطلعهم هم توفو لان حريق قوي ومحد سلم منها الله يرحمهم برحمته الواسعه ويسكنهم يارب فيسح جناتة

صكر،،،،، يعني شنو هاهية اخوي ما اشوفة بعد شنو يعني اخوي ماتتت وتخبلت طلعوني من المستشفى والاهل متخبلة كلها تبجي رجعنا للبيت واني منهار شلون هيج صار صح قضاء وقدر والله العظيم اعرف وما معترض بس اخوي حتى كبر بين الكبور مالة وهاي الطفلة من بداية حياتها لحد ما راحت هي بالضيم ربييي ارحمهم قررنا نسوي فاتحة

علي،،،،، من سمعنا بالخبر تخبلت هم اخوية وهم افين غالية علية والله بحسبة خواتي وما انسى من اعتنت بأبني بوقت صعب وهو متعلق بيها الله يرحمك يا خوية حتى جثة مثل العالم مالك قررنا نسوي فاتحة جانت الساعة 7الصبح محتارين شلون نخبر الاهل وابوي يتخبل على شهم يموت علية دخلنا للمضيف وجانو كل عمامي ولدهم وخوالي وولدهم وكل اقاربنا المضيف متروس مجرد عرفو بالموضوع دخلنا اني وصكر وولد عمي الي راحو ويانة وعمي وعيني على ابوي كعد صكر كدام ابوي وبجة اي صكر بجة وكالة يابة رحت حتى اشوف جثة اخوي ومرتة يابة اخوي مالة جثة محتركة بالطيارة يابةةة خسرنة اخويييي يابة راح حزام ضهري والله مو ابن عمي هذا اخوييي هذا نضر عينيي والله راح يابة راح وهو بالغربة يابة راح الغالي يابة راحححح يابة حتى امانة عمي هم راحت مريتة وبنت عمي الوحيدة هم راحت يابة شلون بيةةة فاقد صكر وكل احنة فاقدين