المحققه الغريبه

part 1

(في احد المدارس )
الأستاذ : دلوقتي احنا هنتكلم عن الوظيفه الي انتم بتتمنوا تشتغلوها لما تكبروا ، شادي
شادي : مين يا مستر
الأستاذ : انت يا بني عايز تبقى ايه لما تكبر و لما تيجي تكلمني تقوم تقف
(وقف شادي و قال )
شادي : اللي يجيبه ربنا و الله يا مستر مش هعترض
الأستاذ : و الله انت الي هتجيب اجلي
(ضحك كل الطلاب )
الاستاذ : مالك انت قول عايز تبقي ايه لما تكبر
(وقف مالك بهدوء و قال )
مالك : انا عايز ابقى كاتب
(بدأ الطلاب يهمسون فكيف لطالب متميز مثل مالك ان يحلم بأن يكون كاتب في المستقبل  )
الاستاذ : ليه ده انت شاطر انت ممكن تكون دكتور او
مهندس
مالك : علشان بحب اقرأ كتب كتير و ده حلمي و مستحيل اتخلى عنه
الأستاذ: برافو عليك ، و انتي يا ملك
(وقفت ملك بثقه )
ملك : عايزه ابقى محققه
(ضحك جميع الطلاب)
الاستاذ :بس في ايه
طالب بسخريه : انتي نسيتي انك بنت
شادي : خليك في حالك يالا
(سكت الطالب لأنه يعلم انه اذا قال كلمه اخرى فسيحدث شئ لن يعجبه خصوصا ان شادي اكثر طالب سئ بالمدرسه )
الأستاذ : ده حلم صعب اوي
ملك : بس انا اقدر احوله لحقيقه
الأستاذ :طب ماشي يا ملك اقعدي
(جلست ملك على مقعدها و بدأ جميع الطلاب من حولها ينظرون اليها و خاصة الفتيات لأنهم يكرهونها او بمعنا اخر تحقدن عليها لأنهن معجبات مالك و بعد انتهاء اليوم الدراسي نزل الطلاب الي خارج المدرسه و كان كل من ملك و مالك و شادي يقفون امام المدرسه منتظرين مي)
ملك :هي مي منزلتش من الفصل ليه لحد دلوقتي
مي و هي بتجري : انا هنا استنوني
(وعند وصولها لهم  )
مي : انا جيت
(قال احد الطلاب المارين  )
الطالب : سلام يا عم المحقق
( و بدأ بالركض  )
شادي : انت ياض
(امسك مالك زراع شادي)
مالك : خليك يا شادي مش عايزين مشاكل
مي : هو قال كده ليه هو فيه حاجه
شادي :هحكيلك بعدين
(بعد عوده كل واحد الى منزله،، في بيت ملك و مالك)
ملك :احنا جينا
مالك : ماما انا فوق في غرفتي بذاكر
جميله :بتذاكر و لا بتقرأ رويات
مالك : الإتنين
جميله : وانتي يا اخر صبري
ملك : انا كمان طلعه اذاكر محدش يكلمني انا فيا الي مكفيني
(طلعت ملك لغرفتها )
جميله :هي قالت انها هتذاكر شكل البت دي ملبوسه
(في اليوم التالي استعد مالك للذهاب للمدرسه و عند وصوله للطابق السفلي من المنزل )
مالك : ايه ده دي معجزه انتي صحيتي بدري كده ليه
جميله : ايه الي بيحصلك الفتره دي هم الفضائين خطفوكي و جابوا وحده بدالك و لا انتي ملبوسه بجد 
ملك :اسكتوا انتم الإتنين انا بس ضمير الدراسي صحي و قالي لازم تذكري علشان تحققي حلمك و تبقي محققه
جميله : محققه ايه يا بت انتي منه لله ابوكي هو الي حط موضوع التحقيق ده في بالك
ملك : بابا الله يرحمه ملهوش دعوه انا اصلا عايزه ادخل المجال ده علشان انا عايزه ده
(اخذت ملك حقيبتها و غادرت المنزل متجهة الى المدرسه )
مالك :استني يا ملك
( لحق بها مالك)
مالك. انتي زعلتي من كلام ماما
ملك : الي زعلني انها جابت سيره بابا اما الباقى انا متعوده عليه
مالك :فك بقى يا عم لو محدش شجعك انا هشجعك
ملك بضحك : انت غصب عنك هتشجعني
(قابلوا شادي في الطريق و سار معهم للمدرسه )
شادي : مالك ياسطا في ايه
ملك : ولا حاجه ياسطا
شادي : مالك زعلك لو زعلك انا هفرمه
مالك : وانا مالي يا لمبي
ملك بضحك : لا يا سطا محدش مزعلني
شادي :اومال فين البت مي
مالك : مي مش هتيجي النهارده
ملك :ليه
مالك : عليها مذاكره كتيره
شادي : ما هي الي غلطانه حد برده يراكم مذكرته
مالك : هو انت بتذاكر اصلا
شادي :على رأيك
( ذهب كل منهم الى المدرسه )
(بعد مرور ١٠ اعوام )
(ترتدي تلك الفتاه اجمل ملابسها استعدادا لأول يوم لها بالعمل )
مالك : ايه يا ملك ساعه فوق بتغيري هدومك
ملك : انا نازله اهو
(نزلت ملك الى الطابق السفلي)
ملك : ايه رأيك

مالك : احلى من القمر والله
جميله : اخرس انت ايه اللي انتي لبساه ده بقيتي محققه و قولتي ماشي و قصيتي شعرك و قلت ماشي اما تبوظي ستايل هدومك لا كده كفايه
ملك :يا ماما دي حريتي الشخصيه
جميله :انتي على كده مش هتتجوزي
ملك : مين قال اني عايزه اتجوز
(ظهر صوت الجرس و بعد ذلك صوت شادي)
شادي: يا ملك يلا هتتأخري على الشغل
ملك : انا جايه اهو عن اذنك يا ولدتي
جميله : استني كلي حاجه
ملك : لأ انا مش هل..
(قبل ان تنهي كلامها و ضعت امها قطعت خبز في فمها بينما فتح مالك الباب)
شادي :عندكوا اكل ايه
مالك :هو انت مبتجيش غير علشان تاكل
شادي: اومال عندكم اكل ايه بقى
مالك : اتنيل على عينك و ادخل
ملك بصراخ : استنى عندك
شادي : في ايه
ملك : خليك بره علشان انت لو دخلت مش هتطلع غير لما تخلص الأكل و انا متأخره
مالك : اه خدوني معاكوا انا رايح دار النشر علشان الكتاب الجديد
شادي : استنى بس علشان اكل
(ملك سحبت شادي و مالك من زراعهم  و اخذتهم خارج المنزل)
مالك بصراخ : سلام يا ماما ابقى ادعلنا
جميله في بالها : هو انا لما و لدت العيال دول حط شخصيه الواد في البت و البت في الواد
(خرجت مي من الباب المجاور )
مي : استنوني وصلوني معاكوا
شادي : ايه الحلاوه دي
مي : شكلي حلو صح يا مالك
شادي : على فكره انا الي اتكلمت
ملك : والله ما وقت نقاش انا متاخره على الشغل
( سار شادي بالسياره و وصلت ملك الى عملها )
ملك : لو سمحت يا فندم انا ملك المحققه الجديده
تامر :اه انتي يا مراد خد ملك في جوله في المبنى
مراد : بنت تاني يا رئيس
ملك : و مالها البنت يا حبيبي مش عجباك
مراد :بقلك ايه الموضوع مش ناقصك مش كلمتين انتي حفظاهم هطلعيهم عليا
ملك : كلمتين ايه يا بن ال..
تامر : بس انتم مش عاملينلي اعتبار هنا المكان ده للشغل مش للخنائات اتفضل يا أستاذ روح وريها المكان
مراد :حاضر يا فندم
(بعدما اراها مراد المكان )
مراد : و ده مكتبك
(و اعطاها ملف )
مراد : ده ملف القضيه اللي انتي هتشتغلي عليه
(فتحت ملك الملف )
ملك :ايه ده قضيه سرقه انا عايزه اشتغل على جريمه قتل
مراد : والله كل البنات في الشغل بيشتغلوا على قضايا السرقه لو عايزه تغيري القضيه روحي لعند كبير المحققين
ملك : انت بتكلمني كده ليه
(تركها مراد و ذهب )
ملك : استنى انا بكلمك