القدر يجمعنا

# رواية القدر يجمعنا 🤍

                             بقلم بوجي علي⁦✏️⁩📖.
الحلقة التالته 3 ✨
قيس : قاعد إبرقلها ويدكر في الكلام يالي دواه... أففف مجنون معقوله ياقيس تستسلم وتعترف بحبك لكن مش مني من عيونها البريئات 🤤🤤🤤🤤❤️
.
.
. الكاتبه بوجي علي 💞💞💞💞💞🔥
.
في الصباح الباكر :
سمر : إتجهز في روحه ولبست ونزلت لدار خوها معتز.. معتز هيا نوض
معتز : وااو خيرك سمر صبح يافتاح شن فيه🥱
سمر : وصلني للكليه أوولي أرقد
معتز : أففف باه هي أركبي في السياره
سمر : تمام.. وطلعت لبست الشنطه إبتركب في السياره لقت قيس
قيس : صباح الخير
سمر : صباح النور.. وتفتح في الباب السيارة خوها
قيس : خيرك إبتمشي معاي أو لا
سمر : لا لا معتز إبيرفعني شكراً
قيس : العفوو وكان تبي شيء هذا رقمي وعطاهولها
سمر : تمام وخداته منا الرقم
.
.
.
.
ومشن سوسن وسماره مع قيس وفرحانه سماره على سبه مامشتش معاهم سمر وفي نفس الوقت تدعي في سرها إن شاء الله إتروح معاهم بيش إتم الخطه إمتاعها وأما قيس قلبه معاها سمر وقعد إئنب فيه ضميره معقوله من إعترافي أني أمس تغيرت سمر أوربي مجنون أني

.الكاتبه بوجي علي 💞💞💞💞💞🔥
.
وأما سمر مشت للكليه مع معتز وقلبها معاه قيس و قول في سرها معقوله خذيت منا الرقم أني مجنونه شورني بديت نتعلق بيه أهههه 😔
وبعدها وصلو للكليه وتلاقو سيارات معتز وقيس طبعاً نزلت سوسن ومعتز ليه هلبا مش رايها وعجباته وأما سماره نزلت وطلبت من سمر إكتابها وسمر أعطتهولها وخشت للكليه وأما سمر قعدت إتبرق لقيس وقيس إبرقلها لكن قيس معاش قدر وغمزلها 😉 تحشمت سمر وخشت للكليه 🤭
معتز : صباح الخير يا الحب
قيس : صباح النور يا مجنون
معتز : وين ماشي تواا
قيس : للمعرض السيارات
معتز : أوووه القلوب عند بعضها حتي أني ماشي غادي لفؤاد قولت إبنشري سياره
قيس : هيا حتى أني نتلاقو إمانه 👋
معتز : وطلع ياجري 💨
.
.
.
.
في حوش موسي :
سلمي : نايضه إتجهز في الغدي ودق الباب. دق. دق هيا فتحت
نور : مفاجأه 🤪🤪
سلمي : فرحانه وتزبط في بنتها.. ليك وحشه وين الغيبه 🥺
نور : ليك أكثر ياغاليه 😘😘
سلمي : هي إتفضلي
نور : خاشت إزيد فضلك يامه
سلمي : وين نسيبنا أوين الشناطي مش إبتقعدي الأيامات هدينا 🤨
نور : لا والله نسيبكم جاي هنايا عنده عمل وأني قتلا حاطني عند أهلي مابين مامشيت وبعدها إنروح معاه
سلمي : أهااا إن شاء الله ربي إسلم هي أني بنتصل بافاطمه خالتك تو إدقول علاش مادوتوليش
نور : تمام وأسمعي إتصلي حتي باحنان مرت خالي حرام تو إتقول دوت لأختها وأني لا 🥺
سلمي : واااو حاضر وتصلت بيهم وطبعا ماطقو شيء نين جو وألتمو في حوش موسي لأنه بنته جايه من طرابلس ودارو عصبان وكسكسي وصلايط 🤤
.
.
.
.
في الكلية :
قيس : يستني في السياره قدام الكلية وتصل باسوسن
سوسن : ألووو
قيس : هيا أطلعن أني قدام الكليه
سوسن : تمام.. ونادت سماره وطلعن
قيس : شنو سمر روحت
سماره : لا مروحتش إناديها وتروح معانا
قيس : لا أقعدي تو ننزل أني وناديها
سوسن : في السياره إمقعمزه. خيرك مهبوله إنتي قوتيلا لا مروحتش
سماره : لا يا مهبوله درت خطه وضروري ماتروح معانا
سوسن : أه إنشوفها الخطه إمتاعك
قيس : واقف قدام وشبح سمر وندها بصوت عالي.. سمر... سمر
سمر : شبحاته نعم قيس
قيس : هيا تعالي روحي معانا
سمر : لا مانتعبكش معتز تو إروح بيا
قيس : لا لا أني ماشي ماشي غادي وبعدين إنتي بتروحي في حوشنا أهلك غادي
سمر : إن شاء الله خير شن فيه عندكم
قيس : أختي نور جات
سمر : أهااا تمام لكن خاليني نين نتصل بامعتز ونبلغه إنا مايجيش
قيس : لا لا دويتلا كنت أني وياه
سمر : بأستغراب أهاا تمام ومشت
وركبو في السياره وقيس جاي بيطلع بالسيارة لكن جاته سياره سوده إمضالمه سكرت الطريق عليه
.
. الكاتبه بوجي علي 💞💞💞💞💞🔥

قيس : نزل من السياراه.. خير أمك صكرت الطريق
جهاد : نزل من السياره أحترم نفسك جاي مش عليك أني وبرق في السياره
قيس : مسكه من رقبته بصوت واطي.. ع من تقصد
جهاد :يتكلم باإستفزاز على سمر حياتي
قيس : زاد خنقه ضم فمك أحسنلك
جهاد : معاش قدر يدوي.. حاول يدك وتو إنفهمك الموضوع
قيس : حاول عاليه إشوي..  تكلم
جهاد : أولا سمر إتكون حبيبتي وتانيا جاي إبنعطيلها إكتابها عطتهولي في الكلية
قيس : شن إدير وعطتهولك 🤨
جهاد : حاطتلي فيه رساله وعطتلي الكتاب بيش مايركزش حد
قيس : تمام 💔.. خدي الكتاب وسيب جهاد وخش في السياره سمر هاكي إكتابك
سمر : خدت الكتاب وماستغربه كيف عطاته لسماره وشن جابه لقيس 😕
قيس : إسوق بسرعه وحامق ومدواش حتي كلمه ولا برق في المرايه لسمر
سمر : مستغربه خيره قيس تغير بعد ماهدرز مع جهاد كأنه حست بي حاجه إنا جهاد دوي عليها حاجه لقيس لأنه قبل قيس إبرق في المرايه لسمر لكن توا قيس ماشبحلهاش بكل
.
.
.
وبعدها وصلو لحوش موسى ونزلو أكلهم في حوش موسي معاده سمر مشت لحوشهم لأنه كانت مضايقه علاش قيس تغير عليها وشن وصل الكتاب عنده 😔💔
وطبعاً ملتمين الشباب في المربوعه ويهدرزو معدا قيس كان إفكر في كلام جهاد ع سمر وفكر سمر علاش ماجتش في حوشهم وقعدت في الحوش إبروحه
.
.
.
.
يتبع 👋
الكاتبه بوجي علي⁦✏️⁩📖