Top: Zhang Ji
Btt: Zuo Hang_____(>0<;)_____
ផ្ដើមរឿងមកគឺបានបង្ហាញពីទិដ្ឋភាពនាពេលយប់ ដែលមានក្មេងស្រីម្នាក់កំពុងតែរត់យ៉ាងលឿនគេចពីបុរស៤នាក់ដែលរត់ដេញតាមគេទាំងកម្រោល!! រត់មិនយូរប៉ុន្មានក្មេងស្រីម្នាក់នោះក៏បានរត់ចូលទៅក្នុងក្លឹបមួយកន្លែងយ៉ាងលឿនហើយក៏បានរត់ចូលទៅក្នុងបន្ទប់ទឹកប្រុសបាត់ទៅ ដោយមានបុរស២នាក់ចូលមកតាមដែរ ហើយ២នាក់ទៀតចាំនៅខាងមុខក្លឹប...
«ហើយនាងទៅណាបាត់ហើយ?» បុរសម្នាក់និយាយឡើងទាំងកំហឹងព្រោះតែឃើញរត់មកបន្ទប់ទឹកសោះ ប៉ុន្ដែបាត់ស្រមោលឲ្យឈឹង
«ល្បងបើចឹងគិតយ៉ាងមិចទៅ?» បុរសម្នាក់ក្នុងចំណោមនោះនិយាយឡើងទាំងមិនដឹងថាត្រូវធ្វើអ្វីបន្ដទៀត
«ឆាប់ឆែកឆេរឲ្យសប់ទៅ» និយាយរួចបុរសនោះប្រុងនឹងចូលទៅក្នុងបន្ទប់ទឹកស្រី
«ឆែកឆេរមិចនឹងកើតទៅ? នេះជាបន្ទប់ទឹកមនុស្សស្រីណាល្បង» បុរសម្នាក់ទៀតចាប់ដៃហាមនឹងនិយាយដោយមិនហ៊ានចូល
«ហឺុយ ចឹងឈរចាំនាងនៅទីនេះទៅ មិនប្រាកដថានាងអាចលាក់ខ្លួននៅទីនេះរហូតទេ» និយាយហើយពួកគេទាំងពីរក៏បានឈរចាំនៅជិតបន្ទប់ទឹកនោះ
មកមើលនៅបន្ទប់ទឹកប្រុសឯណេះវិញ តាមពិតទៅក្មេងស្រីម្នាក់នេះមិនមែនជាមនុស្សស្រីទេ គឺជាមនុស្សប្រុស មានរូបរាងសង្ហា ដៃជើង រាងកាយតូចច្រឡឹង មុខមាត់ស្អាតជាងមនុស្សស្រីទៀត ហើយក្មេងម្នាក់នេះមានឈ្មោះថា ស៊ូហាង!! ពេលនេះស៊ូហាងកំពុងតែផ្លាស់ប្ដូរសម្លៀកបំពាក់ ដោះសក់វែងចោល និងយកប្រអប់ចិញ្ចៀនចេញពីហោប៉ៅមកមើល ដែលចិញ្ចៀននេះស៊ូហាងបានលួចពីបុរសម្នាក់ដែលកំពុងតែអង្គុយលុតជង្គង់សុំសង្សាររបស់ខ្លួនរៀបការ...