الامام المهدي(عج)

1

الامام المهدي يعتبر هو اخر الائمة المعصومين اللي همَ يعتبرون احفاد النبي محمد ،
المهدي هو ابن الامام الحسن العسكري حالياً مدفون بالعراق بمدينة سامراء
الامام الحسن العسكري من اتزوج صار عنده ولد واحد الـّي هو الامام المهدي ،
نجي هسة منو هو الامام المهدي وشنو غايتة وليش الله خلقة وتركه يغيب كـُل هاي الفترة علمود بالنهاية يظهر خلونه شوية نتمعن بقصته ونحجي عن طفولتة ...
الامام المهدي انولد بسنة 869 ميلادي بالعراق تحديداً بسامراء من انولد ابو اعطى اسم محمد على اسم النبي محمد فصار اسموا محمد ابن الحسن يلي يلقبونه بالمهدي ..
وسموا بالمهدي لانو هو راح يهدي الناس لطريق الصَح بالنهاية ، وعندوا هواي القاب غير المهدي يسموا المهدي الموعود ، امام العصر ، صاحب الزمان ، الحجه ... وكثير من الالقاب
وكل المسلمين بيعتبروا هو الوحيد يلي راح ينقذ البشر من الظلم وبيخلي الدنيا كلها عدل راح يحكم العالم كله عم تتخيلوا...
عموماً قبل لاينولد الامام المهدي امه اسمها نرجس كلولها ان الله تبارك وتعالى سيظهر الليلة الحجه ..زين نرجع ليش سموا الحجه لان هو يعتبر حجه الله في الارض لهذا السبب الناس بهذا الوقت تصيحلة الحجه المنتظر
فقبل ما امه تولدة جانوا يكولولها ان الله تعالى سيهب لكِ غلاماً في ليلتكِ هذهِ وسيصبحُ سيداً في الدنيا والآخرة ،
الروايات تكول اول ما انولد الامام المهدي فكبل نطق وهو طفل وكال اشهد ان لا اله إلا الله واشهد إن محمداً رسول الله وهاي على حسب الروايات طبعاً ...
الامام المهدي من صار عمرة 40 يوم كام يمشي !!
راح تكولولي شلون ؟!
الائمه عليهم السلام يختلفون عنه احنه البشر اكو ناس يعتبرون الائمه حالهم حال الصحابه وهل شي غلط لان الصحابه احتمال قبل مايجي الرسول جان عدهم اغلاط لان همَ بشر مو معصومين بينما اهل البيت كلهم معصومين ،
معصومين معناها طول حياتهم مايغلطون وماعدهم أي ذنب ..
ورب العالمين كال بالقران الكريم
بسم الله الرحمان الرحيم
( إنما يريد الله ليذهب عنكم الرجس اهل البيت ويطهركم تطهيرا )سورة الأحزاب اية 33 ) فـَ الائمه كلهم مُطَهرين من الذنوب ومن المعاصي ..
عموماً من صار الامام المهدي عمرة 40 يوم وكام يمشي شافوا يمشي ويحجي بلغه فصيحة مو طبيعية فـَ استغربوا فـ ابو ابتسم وكال
- أما علمتم اننا الائمه اهل البيت ننشىء في اليوم ماينشىء غيرنا بالسنه أي بمعنى كـُل الائمه احفاد الرسول يكبرون باليوم الواحد اد مانكبر احنه بالسنه وموشرط بالجسد احتمال بالتفكير ...
ألامام المهدي من صار عمره 40 يوم تحسه لسانه وثقافته احسن من واحد عمرة 40 سنه داتتخيلون ، واكو هواي روايات عن ولادة الأمام المهدي أذا تقرونها راح تنصدمون ..
فعموماً بقى الامام المهدي عايش وَيَ أبو الحسن العسكري لمدة 5 سنوات بصوره مَخفيه ..
ليش مخفيه ؟!
لان چان ابو عايش بالعصر العباسي وجانو حكام هذا العصر ناس ظلام فـ أبو جان خايف عليه خاف ينقتل وقبل جانوا الناس تدري انو الامام الحسن العسكري راح يصير عنده طفل اسمه المهدي وجان اكو بيهم متوعدين اله يريدون يقتلوا اول مينولد ..
لان الامام المهدي الرسول ذاكره بهواي احاديث وعنده حديث يكول
( عليٌ مني وانا من علي وهو زوج ابنتي وابو سبطي الحسن والحسين ائمه يقومون بأمري ويحفظون وصيتي التاسع منهم قائم اهل بيتي ومهدي أمتي )
اللي هو الامام المهدي