حور آل سالم 🇮🇶.
- أذا بيوم زعلتچ أزعلي بُحضني لا تِزعلين بعيد .
____________________________________
#حور
وصلنا للمستشفى بعد ما طلعت روحي من عيوني وصلت ردت اطيح عيوني تغوش سحبني آدم من ايدي وگال
_تعاي گعدي لا يصير بيچ شيِ مابيه بعد
بدون حتئ ما اباوع بوجهه گعدت عالكرسي وحسيت آذاني بيه بروده فتحت شالي شوي ودخلت ايدي ولگيت اذني تنزف درت على آدم وگلت و صوتي يرجف..
_آدم اذني
باوع عليه مصدوم گال شو بالله ووخر الشال عن اذني گال گومي وسحبني من ايدي سألت ماما گالت وين رايحين گاللها
_اسُكتي خاله فدوه بس اشوف أذنها للدكتور
أخذني ومشه يسحبني ورا واشوفه يمسح دموعه ادري بي يبجي علئ زينب استغفر الله مدري شوگت نرتاح دخلنه غرفه دكتور مكتوب اختصاص اعصاب دخلت انتضره ووياي آدم گعد گدامي على ركباته وگالي بخوف واهتمام
_لتبجين كافي
_آدم ماگدر والله ماگدر
_اشش تگدرين تگدرين يعيوني بس صبري
مسح دموعي وگام طلع اعتقد صاح الدكتور شوي واجه الدكتور فحص اذني وگال ..
الدكتور:مايصير هيج استاذ يعني غير شغله هاي ترا اعصاب البنيه تعبانه لدرجه يعني معروف نزف الأذن خطير جداً الضغط الصاير على أعصابه مو طبيعي حاول خليها ترتاح وهسه أخذ هاي الراشيته وجيب الدوا وما عدها غير العافيه عزيزي
طلعنه من مكتب الدكتور ورحنا عليهم ما لگيناهم بالردهه تخبلت آدم گالي ..
_اوگفي تعاي وياي
رحت وياه لگيناهم بغرفه وگاعدين يمها وهي گوه فاتحه عينها راحت روحي رحت يمها ..
_ليش هيج يعني شنو استفاديتي هسه؟
_اشششش طلعوا برا
طلعنا وضلت أمها من ناحيه فرحانه لأن عايشه والدنيا ما سايعتني لأن عايشه وتگدر تحجي شوي وزرف طبله اذني صوت صياح امها ...
_يمممااااااااااا زينببببببببببب
وگفت بمكاني شوي ورحت ركض رجعت للغرفه ودخلت واسمع اجهزه الانعاش تصوفر بأذني ومنضرها وصياح امها طحت على ركباتي اصيح من كل گلبي وواشوفهم يركضون عليها واني ماگدر اگوم ..
شوي استوعبت وگمت اصيح واخرمش بوجهي اتسهرت ما حسيت غير ايد تسحب ايدي ورا وحسيت بشي نغزني بأيدي وبعد ما حسيت بشي
....گعدت عيوني تحرگني حيل والغرفه بارده ثلجججج اريد افتح عيني بس ماگدر جفني ثگيل فتحت عيني بصعوبه وهمست ...
أنت تقرأ
اشتعلت النيران
Romanceأعتاد ان يُرافق ألمهُ حتى أصبح جزءًا منه، انهيارهُ وعرقلتهُ على مدار مستمر، ليست سوى لحظة مُعتاد قلبهُ عليها. _قَصه باللهجه العراقيه+تَحتوي على بعض الألفاظ والعبارات الصريحه _احداث غريبه وعجيبه غير معقوله _بدون تكذيب_ _مستعد تقرأء ادخل مو مستعد ارجو...