ايامي كلها تشابهت
من بعد وجهك عني
ضليت انا بلايه ولف
وليل يخنكني خنك
وينك تعال ارحمني
البيت وكل الصور تسئلني عنك وينك؟ بقلمي
..........
ساره العبيدي
..........
بقت امي يمي فترة ولادتي
لحد ماصارت على ولادتي ١٠ ايام
كلتلي خلص يمه انتي صرتي احسن
طبعا جنت احس امي مو طبيعيه
كلمه تطلع حتى تتوضى ترجع
وجها اصفر ومقهوره اسالها دكولي
يتهيئلج مابيه شي جنت اعرف اكو
احد جاي يقهرها بس مادري شنو لموضوع
بليوم لعاشر امي سبحت ملاك واني سبحت
وكملت هيه مشطتلي شعري وجذلته الي
صار العصر واجه سلام بلغته امي تريد
تروح هوا اصر عليها تبقا بس كلتلهلايمه خلص هم اهل بيتي ضاجو عليه
يردوني ارجعلهم ماترهم بعد اطلع اكثر
هم تعرف عمك رجال جبير ويرادله
احد يلبي طلباتهكاللها سلام تأمرين طلع اجر تكسي
واجا صاح الامي وراحت امي
حسيت روحي نقهرت تعودت عليها
رجعت لغرفتي جانت ملوكه جاي تبجي
شلتها من فراشها جان سلام جايب الها
سرير حديد ولحلو بي مو ثابت ينهز
جان كلش مريح بس اهزها شوي ترجع تنام
نومتها كمت للمرايه شفت وجهي اصفر
كلت خليني ارتب وجهي شوي عيب
سلام صارله هوايه ماطاب للغرفه يجي
يلكاني بهلوجه وكفت عدلت شعري خليت
كحل ورتبت حواجبي توي جاي اخلي الحمرة
ونفتح لباب بدون مايندك باوعت حماتي
ام جاسم ستغفرت بداخليام جاسم
الحمد لله ع سلامتج عيني راحت امج
يلا عاد اطلعي لاتضلين كارصه بلغرفه
كلنه حبلنه وجبنه وحنا نشتغل الشغل
مايموت احد لبيت جبير وخطارنه جثير
مايحتاج كل يوم نعيد نفس لحجيفرح
ماشي تدللين بس اكمل لغرفه وانزل
اني وجاي احجي لاحضتها شلون صافنه
على وجهي وملامحها مبين عليها
الانزعاج فجئه صاحتام جاسم
صدك لي ستحو ماتو اخو رجلج محد
يعرف ارضه من سما ونتي واكفه
تدلجين بوجهج جنج عروس ترا مصختيها
حيل طلعتيها من ماعونهافرح
ع كيفج اول شي ملاك نايمه
ثاني شي اني بغرفتي ماطالعه مكيجه بره
ماله داعي هلحجيام جاسم
ههههههه صدك ولله انصي صوتي
عيني ترا هذا بيت ابوي واني براحتي
اعلي انصي اول شي ثاني شي ياعيني
لابغرفتج ولا بره احترمي نفسج وحترمي
اهل لبيت الي انتي بي حتى يحترموجفرح
وهيه تحجي سمعنه صوت سلام رتاح قلبي
شفت بعيونها نضرات لخوف ماحد يوكفها عند حدها غير سلام لباقين كلهم يوكفون
وياها حتى اذا هيه غلطانه ويضلمون
الكل في سبيل ماتزعل وهلشي
هوا لي خلاها تتفرعن علينه طبعا هيه بس
سمعت صوت سلام غيرت الموجه
وختلف كلامها جذرياااام جاسم
ياعيني يافروحه غلط المكياج وحنا بهيج
ايام صعبه تقبلين اخوت رجلج يحجون علي
يكولون مرته مامحترمه اخونه ولا همها مصابنه
تقبلين يصير رجلج حجوه بلسان لبشر
أنت تقرأ
لو انك تعود (كامله)
Romanceتبداء بزواج تقليدي لتجد بطلتنه زوج حنون يقف في وجه الجميع من اجلها تدور حول احداث اجتماعيه حقيقه تمتزج بخيال الكاتب🤍