بتول : اذا اموت كولو لخالد ما اسامحك طول عمري
نوال : اسم الله عليج حبيبتي
بتول : كولولة ادري انت خليت حبوب الاجهاض
بلعصير، وحسابي وياك يم رب العالمين
( واني ونورس بقينة نصرخ ونبجي عليهة
شكد نذل وحقير وراد بس يخلص من الطفل)
بتول : واريد تكوليلة كل فلس اخذته مني
ما مسامحتك عليه، وترا هو اخذ فلوسي وسافر
راح لألمانيا
نسرين : الله ينتقم منه،. والله اشتكي عليه
بتول : اترجاج لا تشتكين، لان ميفيد وياه
نوال : اطيح حضة غير، شنو بكيفه
بتول : لا يوم اترجاج، خليني اموت واني مرتاحة
نسرين : والله اذا صار عليج شي اموته،
وما اخلي عايش
نوال : كوميلنة بسلامة والله كريم،. لتكطعين كلبي حبيبتي
( وفجأة صفر جهاز نبض القلب
واني وامي ونورس بقينة صافنين
لحد ما امي صرخت بكل صوتهة)
نوال : الحكوووووولي بنتي راح تضيع مني الحكولي
نسرين : عززا العزاني عزززززا
واجوي الكل يركض باتجاهنا واني احس
فصلت عن العالم
بس اشوف الناس تتحرك
واذني صارت بيهة وشة قوية
لحد ما اغمى علية
كعدت واني بغرفة لونهة ابيض
ويمي ابوية يمسح براسي
ودموعة بخدة
( كمزت من مكاني)
نسرين : امي وين وبتول وين
ابوية : ارتاحي حبيبتي
نسرين بعصبية : بتول ماتت صح،، ماااااتت
ابوية : بس اهدئي خلي احجي وياج
نسرين بعصبية : ما اريد احجي، مااااا اررريد
( حضني ابوية حيل، واني انهاريت بلبجي)
نسرين بدموع : بابا اروحلك فدوة كول بتول ماتت مو مااااتت
ابوية : لا بابا
نسرين : جذابين جذابين، اختي ماتت اعرف
ابوية بدموع : ما اعرف اخذوهة للعمليات، ما اعرف
(وكعت بلكاع وبقيت اصرخ بكل صوتي)
نسرين : الله لا يوفقه، والله لو يمي اكطعه بسنوني
لييييش لييييش يا ربي
ابوية : كافي بابا موزين على صحتج
نسرين : اذا ماتت بتول، خالد يموت على أيدي والله
ابوية : اني اكتلة بأيدي بس الكاه، بس ماكو
دورنة كل المطارات وهو مختفي
نسرين: يعني شنو؟!
تموت بتول مووووو
أنت تقرأ
ظننته رجلاً ولكن!!
Truyện Ngắnتدور احداث القصة حول فتاة تدعى "* بتول *" لأم وأب منفصلين تعيش حياتها في كنف والدتها وتتعلم منها الاخلاق الحسنة وحسن الظن بالآخرين حتى تلتقي بأشخاص يقلبون لها الموازين تعالو لنروي قصتها ❇️❇️❇️❇️❇️❇️
