فاكهه من الرحمن

البارت الاول.

دنيه ضهر واني بالشارع معقول ضيعت الطريق واني رحت اجيب ثلج شنو هسه شسوي ضيعت الطريق ياربي اجاني ولد كال

الولد:خير خويه شبيج صاير شي وياج ؟

مياس:خويه اني تيهت بيتنه وجاي اروح الي يبيع ثلج عادي ادليني علي لين اني مناك واندل بيتنه

الولد :اي خويه يله تفضلي ادليج

مياس:رحت اني والولد دلاني على ابو ثلج ومناك اندليت بيتنه اشكرته وراح اجه شاب الي يبيع ثلج علي يركض واني من الخوف ضربته دفره على رجله

محمد:اخ خب مال اثول شبيج ضربتيني بعدين وين جنتي غير خفت عليج جنج ثوره هايجه ضربتيني

مياس:هسه هيا دفره وبعدين شعليك تخاف علي ها ؟

محمد:مو خاف بعد ما اشوفج من جديد

مياس:كبر متستحي أنته ما عدك خوات المعصعص اشو اني كلت هيج وهو ضحك ضحكه لدرجة ال ناس الجاي تمشي ضحكو على ضحكته كتله يمعود فضحتنه يله اطيني ثلج ب الف طاني ثلج خليت ورحت لكيته يمشي بوراي اندريتله شعدك اجيت ابوراي متستحي واني بنيه عيب عليك يصير وأحد يمشي وراه اختك او يتغزل بيه

محمد:هسه بس اطيني مجال يمعوده اكلتيني وشربتيني باعي أول شي اكلج صدك نيتي وياج شريفه اريد اجي اخطبج وانتي من زمان يعني تجين تأخذين مني ثلج واني حبيتج ف راح اجي اخطبج عادي تقبلين بيه او لا

مياس:كلت هسه ما ازوج اول شي وإذا اجيت اخواني ميطوني يله ادعبل حمدمد

محمد: ادللي ولا يهمج اخوانج عوفيهم علي وبعدين بغمزه اخليج توافقين وتموعين وضحك يله اترخص يا سكر انتي

مياس:ضحكت علي هسه شدوس اني والصراحة عدي مشاعر اتجاه بس من المستحيل اكول اله خليت ورحت البيتنه لاكتني
نجمه:ها ولج يمه ليش لتأخري هذا كله

مياس: والله يمه تيهت بيتنه وأبو ثلج وبعدين لا تودوني بعد
وين المزنجر ما تودونه تخلوني ضهر اطلع واني بنيه

نجمه:يا ولج شوف السان بطول النعال مو تدرين اخوج ب شغل و عيب تعيبين علي

مياس:ايي خوش خلصتو غده تره بطني ضلت دفر بيه من جوع
امي ضلت تضحك وكالت

نجمه:ولج دومج جوعانه شوكت اخلص منج

ياسمين:ها عمه ليش تردين تخلصين من مياس هاي شمسنه البيت ما ينور بدونه ضحكت

مياس:مرت اخوي الغالي وامي الثانيه طبعا اعرفكم علينه كلنه
اول اخوي الجبير علي عمره ٣٦ مزوج بس مرته يابويه تنكط سم وخباثه بس وياي مادري ليش عوفونه من هاي تس حالين اخوي الثاني هيثم عمره ٣١مزوج ياسمين هما أكثر اثنين أموت عليهم حنونين ويحبوني وأخوي شريد ايجيبلي من شغل و ياسمين امي تعتمد عليه بكلشي يخصني ويخص البيت وأخوي احمد عمره ٢٠هذا ساعه هادئ وياي وساعه عصبي ويضرب يضرب مو يكرهني بس ينبهني من شغلات اسويهن غلط ب ضرب لين مريض نفسي قبل جان وهسه نحجي على المزنجر مروان هاذ عمره ١٨يشتغل بكيفه ويبطل بكيفه هيثم يشبعه رزايل وعلي يشبعه كتل واني اضحك علي هسه نجي على اختي الكريمه هههههههههههه هيا وراه علي اجتي اخوي عمره ٣٥ هيا ماتكدر تجي من وراه زوجه خبيث وعده جهال هواي هم هسه امي اوف امي هيا نفسي ماعيش بدونه عمره ٥٣ سنه كعدت علينه من اتوفه ابوي الله يرحمه هسه اني عمري ١٦ما سجلوني مدرسه بل بدايه بس اول ما سجلوني سويت مصيبه وبطلتي المعلمه هههههههههههه

هستونه خلصنه الغده وندك الباب مالنه وهنا صدمه جانت اجو ناس ما نتوقع يجون
حبايب هاذ البارت قصير بس اريد أختصر القصه الكم واكو أحداث نار بس اصبرولي اعدل وقتي رايكم بيه حلو او لا يابعد رموش عيني

يتبعع يابعد رموش عيني انتو