تصويت +تعليق ؏ الفقرات+متابعه الحساب
فضلا وليس أمراَ 🌹قراءة ممتعه للجميع
قـــلَوُبّـــــ مِـــــتــــألَمِـــهِ ♡ بّــقـــلَمِــــــي
ــــــــــــــــــــــــــــــــــــــــــــــــــــــــــــــــــــ
الانسان طماع بطبعه مهما كان عنده مال
وجاه ومناصب الطمع وعدم القناعه يبقى
بطبعه ومستحيل يقدر ويحس على النعمة
البين ايده الا بعد فوات الاوان وقتها يحس
هوه اكبر غبي بالعالم ويصبح من سابق
المستحيلات يرجع ولو القليل من الفقده
وهذا حالي الان بعد ماكنت أملك عائلة
مكونه من أب واخت وتوأمي ايار عشنه
اني واختي حياة الاميرات ماذكر يوم من
الأيام طلبنه شي لانو كلشي متوفر عدنه
الا حب وحنان الأب والأم
بابا انسان ناجح بعمله واله مكانه راقيه
بالمجتمع دكتور صاحب مستشفى ومراكز
طبيه جدا مشغول بعمله كل اسبوع مره
نشوفه وأحيانا شهر واشهر اختي تربت على
ايد المربيات وكذاك احنه لحدما صار عمر
اختي 13 بهذا العمر الصغير هيه تحملت
المسؤولية وصارت أم واخت وصديقه إلي
والاختي تعلمنه الصح من الخطأ
ومرت السنوات بأيام مختلفه علينه
احنه الثلاثه بجاه ورفاهيه وقلوب بارده
بدون دفئ وحب العائله وكبرنه بدونة .. أم ..
واب من النادر وجوده واخت مسوؤله قويه
وتوام متناقضين تماماً الي همه اني وايار
الي مختلفين عن بعض بكل شي ايار جريئه
جداً وجرئتها دمرتنه ……
قطع سلسله افكاري متنرفزه على انفاسه
الحاره حرقت رقبتي حرق وايده حاضنه
خصري العاري بقوى غمضت عيوني امنع
دموعي من نزول اكرهه واشمئز منه خاصه
أنفاسه من يقتربلي غصب وبطريقه بربريه
كره وحقد العالم كله يتجمع براسي ضده
فتحت عيوني باوعتله بكراهيه واشمئزاز
واحداث اليله الماضية داهمتني واني اباوعله
شعر اسود ويه بعض الشيب بشرته سمراء جداً وملامح حاده وقاسيه ڪ قسوه قلبه
كرهي وحقدي ضده كله يختفي ويتبخرو
ويتحول إلى الخوف رعب ضعف من نظرات
عيونه الغريبه والمخيفه اصلا اني لا شي
كدامه … مسحت دموعي بقهر نفضت افكاري وراسي يريد ينفجر من كد البجي والتفكير بعدت ايده من خصري بحذر واني مشمئزه وكارهه نفسي وكارهته سندت جسمي على ايدي كازه اسناني باوعت ادور على شي استر جسمي المشوه من بربريته واثاره الهمجيه شفت قميصه عقجت
وجهي واخذت البسته مجبوره بعدت الجرجف
وكفت كاتمه صوتي بيدي احس جسمي متكسر ويصرخ من الألم مشيت بصعوبه للحمام اسبح
ولمي الينزل على جسمي احسه يزيد بعذاب
وجروح جسمي ورغم هذا جلفت جسمي بقوى محاولة بفشل امحي اثاره والمساته من جسمي بجيت وبجيت لحد ما تعبت وارتاحت شوية ودموعي نشفت جفتت شعري بهمال ورفعته بكتر لبست تراك سود وطلعت أجر بنفسي جر شربت
علاج ورحت احضره ريوك صافنه على الچاي
اليقلي مثل قليان قلبي …
أنت تقرأ
قلوب متألمة
General Fictionأشخاص اقوياء بعد كل موقف يتعرضون اله يزدادون قوى وجبروت و تقسو قلوبهم ذاقو انواع الغدر من أشخاص أقرب الهم من حبل الوريد تجمعهم الأيام معا فهل سيشفون جراح بعضهم البعض وينسو الماضي أم يبقى راسخ في عقولهم يطارتهم لكي يدمر صفو حياتهم ويزيدو جراح...
