Unicode
ဆောင်းသစ္စာ အိမ်ပြန်ရောက်တော့ ညနေ၆နာရီကျော်လေပြီ။အရင်ကဆို သူအိမ်ကို၅နာရီလောက်ဆိုရောက်နေတက်တာ။ဆောင်းသစ္စာ ချက်ချင်းဆိုသလို၊အိမ်ထဲဝင်ကာ၊ဟင်းချက်ဖို့မီးဖိုးချောင်ထဲ ကမူးရှူးထိုးဖြင့်သာဝင်လာခဲ့တော့သည်။
"ဦး!"
ဆောင်းသစ္စာ မီးဖိုချောင်ထဲမှာတွေ့လိုက်ရတဲ့လူကြောင့်၊အလန့်တကြားဖြစ်သွားရ၏။"ပြန်လာပြီလား"
အဂ္ဂထိပ်တင်ထိုင်ခုံမှာထိုင်၍၊ဆေးလိပ်ဖွာနေရင်းမေးလာတော့။"ကျွန်တော်ဒီနေ့နည်းနည်းနောက်ကျသွားတာ၊ဦးဗိုက်ဆာနေပြီလား ကျွန်တော်အခုချက်ချင်း ဟင်းချက်လိုက််မယ်နော်"
ထိုစကားကြောင့် အဂ္ဂထိပ်တင် သူ့လက်ထဲကဆေးလိပ်ကို၊ပြာခွက်ထဲသို့ထိုးချေကာမီးသတ်လိုက်ရင်း။"မချက်နဲ့ ငါမစားတော့ဘူး၊ပြီးတော့မင်းစားဖို့ထူးသာကိုငါအပြင်မှာသွားဝယ်ခိုင်းထားတယ်"
အဂ္ဂထိပ်တင်ရဲ့စကားကြောင့် ဆောင်းသစ္စာ ခေါင်းလေးကုတ်ကာပြုံးလိုက်၍။"အော်...အဲ့တာကြောင့် ခြံထဲမှာဦးရဲ့ကားကို၊မတွေ့တာကိုး"
"ငါရေသွားချိုးတော့မယ်"
ခုံပေါ်ကထထွက်ဖို့ပြင်လိုက်တဲ့ အဂ္ဂထိပ်တင်ရဲ့လက်ကလေးကို၊ဆောင်းသစ္စာလှမ်းဆွဲလိုက်၍။"ကျွန်တော့်အိမ်ပြန်နောက်ကျလို့၊စိတ်ဆိုးနေတာလား"
ဆောင်းသစ္စာရဲ့အမေးစကားကို၊အဂ္ဂထိပ်တင် ဘာတစ်ခွန်းမှပြန်မဖြေဘဲ၊ဆောင်းသစ္စာရဲ့လက်ကလေးကိုလွှတ်ချကာ၊အိမ်ပေါ်ထပ်သို့တက်သွားလေတော့၏။ဆောင်းသစ္စာလည်းခဏတာတွေဝေနေပြီးမှ၊အဂ္ဂထိပ်တင်နောက်သို့လိုက်သွားတော့သည်။~~~~~~~~~~~~~~~~~~~~~~~~~~~~~~~~
ဆောင်းသစ္စာ အခန်းထဲရောက်တော့၊အဂ္ဂထိပ်တင်ကရေချိုးခန်းထဲတောင်ရောက်နှင့်နေပြီ။ဆောင်းသစ္စာ ရေချိုးခန်းတံခါးကိုဖွင့်လိုက်ပေမယ့် အထဲကနေအဂ္ဂထိပ်တင် တံခါးကိုလောခ့်ချထား၏။ဆောင်းသစ္စာလည်းမထူးတော့သည့်အဆုံး ဗီဒိုအံဆွဲထဲကသော့အပိုယူကာ၊ရေချိုးခန်းတံခါးကိုဖွင့်လိုက်တော့သည်။
YOU ARE READING
Always For You...💗(အမြဲတမ်းမင်းအတွက်...💗)[S-2]{Ongoing}
Romanceငယ်သူကိုမှချစ်မိတော့၊အရာရာကိုအလျော့ပေးရမယ့်သူကငါကိုယ်တိုင်ပဲပေါ့...။ ငယ္သူကိုမွခ်စ္မိေတာ့၊အရာရာကိုအေလ်ာ့ေပးရမယ့္သူကငါကိုယ္တိုင္ပဲေပါ့...။ (Uni+Zawgyi) Warning⚠️ Start Date_1.1.2023