شيعيه وانباري

بارت ٣

عمر كمل سيد لعقد واني كمت طلعت دخلت لسياره مختنك حيل

انتظرنا نص ساعه وجان تصعد لعروس شوم

فاطمه كملنا عقد وكمت بجيت شبكت امي واخواني وابوي كلها ضلت تبجي وعرفت مصيري وشنو راح يصير بيها

فاطمه صعدت لكيت لي اسمه عمر منتظرني كاعد لي وره

كعدت ومشت سياره الى لانبار اباوع اخر مره بمدينتي واخر مايجوز اشوف بغداد

انتهت حياتي ولازم اعتبر نفسي ميته

وره اربع ساعت دخلنا لانبار اني غفيت بسياره لحد ما صاح بصوت خشن كومي يول يلا واني فزيت جسمي كله يرجف
بيوت اهل لانبار كبار كلش مو مثل بيوتنا جان بيت كلش جبير احسه قصر وحديقه جبيره حيل

اني واكفه اشو هذا سحلني من ايدي كدام زلم وناس كله تباوع واني احس لخجل وجسمي كله يرجف من لخوف ولقلق دخلت جانن نسوان هواي شمرني كدامهن كال هاي اخت لي قتل اخونا وابن عمنا وهنا بدن يصرخن

عمر وحك روح حسام له اعلمهم شنو تجيب زلم حسبالهم قابل بس فصليه اذا مو يوميه اكتل واحد يهم مايطلع اسمي عمر

فاطمه بس اسمع يهدد ويصيح واني واكعه بين رجلهم احس كرامتي نسحلت سحل تمنيت لو باقي يم زوجي ولا طلكت وصرت بهيج موقف

فاطمه مااحس له واحد وضربني على راسي جانت اول ضربه بس جانت قويه وماعرفت منين لحد ماطفت عيني وفقدت

مااحس له هذا لاسمه عمر يرش ماي بوجهي وكام من شافني فتحت عيوني كل يول بعدج ماشايفه شي لا تموتين هسه حبابه

ورجع سحلني ودخلني بمخزن بلمطبخ يعني مطبخ واكو جوه باب حاطين بي ثلاجات ومجمدات حسبالك مطعم مو مخزن بس لاكل كال هذا كبر بعد

اباوع عليه وجسمي كله يرجف

واني كاعده دخلت مره جبيره وصاحت

ﺂنتـჂ̤ ولج اخت لي حرك ڪـلبـي بوليدي لجن وداعت عيونه له اخليكم تندمون وكامت تضرب بي بكل قوتها ماضليت احسن بلوجع بعدين هي تضرب واني ابجي

لحد مااعرف شوكت طلعت لين غفيت على وجع كلش قويه

نمت

مااحس له دخلو يلا كومي منه وغاد راح تصيرين خدامه يلا عجل بسرعه لمهم كمت طبيت بلمطبخ غسلت وجهي دخلت مره
وكالت صباح الخير بنتي

كلت شعجب وحده سلمت

صباح النور خاله

ماشالله عليج يمه تخبلين

كتله ببتسامه ضعيفه اشكرج خاله

اعرف راح تعانين هواي لين هم من دون شي شايلين خشومهم

فاطمه خاله ﺂنتـჂ̤ منو

خاله اني هنا اشتغل خدامه وعندي بنتي وبنت اخوي هم يشتغلن هنا

ها زين شفت لبارحه عدهم نسوان هواي شنو مايشتغلن

كالت يشتغلن بس بغرفهن فقط بس لولد مامزوج احنه نظف غرفه مثل عمر مثل كريم
فاطمه ها
زين خاله شكم واحد بلبيت اشوف هواي شفت هذولي كلهم عايشين هنا

كالت أჂ̤ خاله هذولي نصهم ولباقي بيت عمهم مقابيلهم

بس بيت شيخ خالد ونسوان اربعه ولده وبنات كلهم ١٥ نفر وبيت عمر خمس خوات عنده واخو واحد كريم ابوه توفه وامه ربتهم

وعمتهم هم قبل فتره مات رجله واجت هي وبناتها ٣ وكعدت هنا

فاطمه زين هاي كله هنا

لا بنات شيخ خالد ٣ مزوجات وخوات عمر ثنين زوجن

فاطمه ها

خاله صدك شنو اسمج

كتله فاطمه

عاشت لاسامي

وفاطمه وانتي ام منو

كالت اني ام عثمان

فاطمه تشرفت بيج خاله ام عثمان

خاله يلا بنتي خل نكوم نسوي ريوك

أჂ̤ خاله يلا

كمت فرغت لاجبان وعسل وزيتون وكلشي حطينا ورحت افرش سفره جانو كلها كاعده ويبارعون عليه بنظرة حقد