ما دريت يا سعود و خذها النصيب مني

البارت 46و الأخير

بعد يومين

الصباح الساعة 8 الكل كانو يفطرون في الحوش

ابو فهد : يبه فيصل و بهاج رحو بعد الفطور العزبه
و سوا الذبائح عشان العزيمه

فيصل : أن شاءالله يبه

بهاج : تامر يا غالي

ام فهد : يا ابو فهد الحريم عند اختي و الرجال هنا

ابو فهد : تم احسن كمان و ترا عندي موضوع ابي اكلمكم فيه الكل يعرفون بس نجود ما تعرف

نجود بصدمه : أنا وش هو

ابو فهد : وحد ابن حلال قبل يومين خطبك مني

نجود خافت أنو غير واحد : و مين هو أن شاءالله

ابو فهد : ولد خالتك فارس

نجود بخجل : ها والله ما عرف وش اقول يبه

فيصل : وش يعني انتي تبي ولا لا

نجود قامت : ها يبه انت وش تقول و أنا موافقة عليه

ابو فهد ابتسم : الله يكتب الي فيه الخير

هيفاء ضحكت : استحت الله يهديكم 

بهاج بتوتر : يبه و أنا قرارت اتزوج

ابو فهد : هذي الساعه المباركه

ام فهد : في وحده في بالك ولا أنا اختار لك من بنات الديره

بهاج بتردد : بنت خالتي العنود

ابو فهد رفع حاجب : زوجت المرحوم نايف

بهاج : ايوا

ابو فهد : وليش ما تاخذ بنت خالتك شهد

بهاج : يبه شهد ما تعرف العادات عندنا وهم منفتحين صح يمه

ام فهد : ايوا يا ابو فهد

هيفاء : يا عمي ما راح تلقى احسن من العنود

ابو فهد : امري لله أجل اليوم بخطبها لك من عمك

بهاج بفرح قام وهو يبوس رأس أبوه و امه : الله يخليكم لنا يلا فيصل قوم لا نتاخر

فيصل ابتسم : يلا و قام حضنه مبروك

بهاج شد على حضنه : الله يبارك فيك يا ضلعي

وطلعو

ام فهد : يلا هيفاء يمه نادي نجود نلم الفطور اليوم عندنا شغل واجد

هيفاء قامت : أن شاءالله يا خاله

حنان  : يمه أنا خلصت من الفطور

العنود : حنو وش راح تلبس اليوم في العزيمه

حنان : نجود اخذت لي قميص ازرق فاتح من شي أن و راح البسه

العنود : حلو و أنا بلس الفستان الاحمر

شوق وهي شايله احمد : يا ربي نفسي اكله