اليوم راح ارجع للعراق كعدت الصبح سبحت ولبست

ونزلت وياي جنط مالتي لان اليوم مسافره للعراق عندي مهمه بل عراق صارن جنطي 8 وحده ملابس طلعه وحده ملابس بيت واحد احذيه وجنط واحده صغيره مال مكياج والباقي اسلحه مالتي وجنطه مال ضهر بيه التلفوناتي واللابتوب مالتي الشاحنات وسيارتي دزيته قبلي اخذت تكسي ورحت للمطار وره شويه صعدت بل طياره ونمت ما كعدت غير لمن وصلنه لبغداد
ملاحظه
رفل عده شركات وحده ب العراق وحده ب فرنسا وحده ب تركيا وحده ب أمريكا
اخذت سيارتي ورحت للبيتنه اريد اسوي مفاجأه دكيت الباب وطلعتلي امي
الام :يمه بنيتي مشتاقتلج وهيه حاضنه بنته الاي صارله سنه ماشايفته
رفل ببرود: اني هم مشتاقتلج وتبادله الحضنه
فوتتني جوه شفت ابويه و وسيم كاعدين بل صاله رحت سلمت عليهم وكلت
رفل ببرود:راح اصعد انام لأن تعبانه
الام الاب وسيم :روحي حبيبتي نامي وارتاحي
المهم رحت سبحت ونمت كعدت جانت الساعه 12 بليل نزلت لكيت وسيم كاعد رحت كعدت يمه وحجينه لحد ما صارت 2 رحت نمت كعدت الساعه 5 لبست

ركبت سيارتي

ورحت للنادي الرياضي رجعت بل سته جان الكل كاعد فتت وكلت
رفل :السلام عليكم
الكل :وعليكم السلام
رحت سبحت لما يجهز الريوك ولبست

ومكياج

وتسريحة

وحذاء تكرمون اسود وجفوف سوده لأن إذا لمست احد راح تروح طاقته مرات يغمه عليه الهم نزلت تريكت ورحت للمركز الجديد مالتي ودخلت بل هيبه كله دكلي تحيه الهم رحت الغرفه العميد دكيت الباب كال
العميد :تفضل
فتت ودكيت تحيه
رفل ببرود:تحياتي سيدي اني العقيد رفل انس عباس اجيت مهمه مال مخدرات من تركيا
العميد:اهلا وسهلا ايييي راح تكونين انتي وخمس ضباط وياج
كتله شوكت ابدي كال باجر انشاء الله دكيت تحيه ورحت
للبيت لكيت كومه زلم واكف بل باب رحت عليهم وكفت سيارتي ونزلت كلت
رفل :شكو شصاير واكفين باب تيتنه حجه الولد
الولد :احنه ما نحجي ويه مره خلي يطلعنه رجل
رفل ببرود وغضب :اني مره اسوه مئه رجل هسه وخرو خلي افوت فتت ويا ريتني مافتت لكيت امي كاعده وتبجي كتله شبيج كالت اخوج ضارب واحد وهوه انب عشاير من البصره وهسه هوه بل مستشفى كتله يا مستشفى كالت اسم المستشفى عفته ورحت لكيت واحد يريد يضرب ابويه رحت عليه ولزمت ايده وكتله
رفل ببرود وغضب :ماعاش اليضرب ابويه اجه يريد يضربني لويت ايده وطلعت المسدس وخليته براسه كتله اذا تمد ايدك بعد اكسره فاهم ل لا كال اييييي هديت ايده كتلهم بعد باجر الكعده العشاير ولي ينطخ
بأحد من اهلي يقره على روحه الفاتحة
