روايات روهاندا "انقذتها من خدعة لاخدعها مجددًا "❤️🔥

المقدمة

أنقذتها من خدعة لاخدعها
.
.
.
.
في شقة صغيرة في وسط طرابلس ساعة 4:00 الفجر في صقع والمطر وعواصف في مرا كبيرة فالعمر تعتبر فالاربعينات خاشة لدار بناتها ويديها زيت ورابطة على راسها شاربة

حميدة بعصبية : نوضي انتي وياها وياها وقت علينا باش تغلفو الفطيرة وتوصلوها وانتو ماشيين للقراية خلي بنبدا فالخبزة عاونو حتى رويحة

دنيا و رانيا وريان : 😴😴😴😴😴
حميدة بقلة صبر وعياط: يا مصيبة انتي وياها 😡
دنيا وهي مخلوعة: ها يام خيرك تعيطي زي ابلة نادية متع طابور صبح
حميدة : نوضي صوت انشالله ليا سنة نوض فيكم وانتم ميتين لا قلتو نعاونو امي لاشي وميا انشالله نوضي الميتات هما وغسلو وجوهكم وتعالو عاونو جمري ناقصكم غير تعطوني كفين عالماشي 😡🤬

دنيا : نوضي أنتي وياها شفتكم تحركتو 😑
رانيا:تي خيرها امي صوتها مولي زي صوت عمي الهادي متع قناة رسمية
ريان : يلي يسمعها يحسابها تستنجد 😂😂
دنيا : نوضي وصكري فمك انتي وياها لا تجي تخلطنا تخلينا احنا نستنجدو بعدين 😂🙂
حميدة من المطبخ: هيااااااا يا مصيبة انتي وياها

خلي نعرفكم بنفسي اسمي دنيا مواليد 2004 نقرا شهادة ثانوية مواصفاتي عيوني خضر وبيضا وشعري كيرلي وعندي غمازات 🤤 وطولي 163 طبعا هادي يلي تعيط وتهزب وتسب من صباحات ربي خير حميدة ماميتو حب قلبي هي صح لمًا تسمع صوتها تنخلع لكن والله الا قلبها ابيض بس هيا عصاب شويا

الكاتبة روهاندا : خفي روحك قبل ما تجي تعجنك بدل الخبزة
دنيا :😂 به

المهم عندي اختين رانيا وريان توأم مواليد 2005 ما يشبهوش لبعض رانيا قمحية وشعرها استريت لنهاية ضهرها نقشها قنين وريان بيضا شعرها اسود مستحيل تخليه يطول ديما تقص فيه المهم احنا ثلاثة بنات عايشين مع امي في شقة ورثناها على بوي الفايدة الوحيدة يلي دارها في حياته ان كتبلنا الحوش امي اطيب فالفطيرة وخبزة الخضرة وتوزع فيها ع الكوش وهكي اما بابا من عمري خمسة سنين معاش شفته انحبس بقضية شرب ومخدرات ومات فالحبس يعني ماما هي يلي كبرتنا وقرتنا وعيشتنا و
حميدة :😡 دنيا يا مصيبة
دنيا : و خلي نمشي نغلف الفطيرة😂

——————————————————————-
Rohnda_24

في مكان تاني بعيد :
علي شارب: ليلة يا ليلة عمري 👏👏👏
زياد : ليلة نسكر ونغني 👏👏👏👏
علي وعزو : ليلة يا ليلة عمري 👏👏
زياد : هبي هبي يا رويحة يلي نبيه نريحه 👏👏
عزو: هبي هبي يا ريح هذا هو جو المليح 👏👏

معاذ : زيزو قوللنا نكتة فديت من الاغاني واحنا تقول نحنو في عروسة
زياد : مرة في سكران خشت عليه امه لقاته يبوس فالحيوط قالتله خيرك تبوس فالحيوط قاللها كنت عند خالتي وقالتلي سلملي عالحوش 😂
معاذ وعزو وعلي :😂😂😂😂😂😂😂

عزو : باه اسمعو هادي
علي:قول يا طويل العمر قول 😂
عزو : مرة في سكران ركب تاكسي ومعاه كلبه بعد ما وصلو قال لصاحب تاكسي كم حسابنا قاله انت عشرة والكلب خمسة قال توكل على الله وحسبنا زواز كلاب 🐶
زياد ومعاذ وعلي :😂😂😂😂😂

الكاتبة روهاندا: زياد عرفهم بيك
زياد: توا سكران ودايخ خليها غدوا صبح خلي نوض نروح قبل ما ينوض الحاج نلقاه يرقص فوق سطح من العصاب
الكاتبة روهاندا : باه😂

زياد: هيا خلي نوض نروح شنو عليوة تنوض معاي 😂
علي : استنى شوية خلي نلبس صغار ونجيبلك ساكوات
زياد: شن يرعى هذا
معاذ : يديرلك في بروفا ما قبل زواز
علي وعزو: 😂😂😂😂

ساعة 5:20 في حوش زياد طق طق طق
مبروكة: يا حاج نوض في حد بيقلع الباب
حاج محمد : هذا الخامر ولدك نوضي افتحيله لأن انا بنشد نتفه
مبروكة وهي نايضة: ربي يهديه ❤️ وليدي
هدى : ولي امي فتحتله دراه الكبد 😡
زياد وهو متكي على هدى : تعرفي منضرك وانتي قايمتيني يذكر فيا بشنو
هدى: بشنو 🙂
زياد: برويطة جدي الله يرحمه
هدى دف باب دار زياد برجلها وتحذفه على الارض : حيوان تافه منحط 😡😑
زياد:كملتي جميلك ورقدتينا ع سرير بدل حركات جونسينا
هدى: البرويطة ما تعرفش تحط ع سرير 😌
زياد: ايه صح لكن غريبة تتكلم 😂😂
هدى : قربعت الباب وطلعت

زياد خش للحمام دوش وطلع
الكاتبة روهاندا : هيا عرفهم عليك قبل ما تخش في غيبوبة
زياد: تي قوليلنا صحة دوش 😑 ع الاقل
الكاتبة روهاندا:🙂🙂🙂🙂

به وانتي وجهك يخوف توا مش رح نحلم باحلام سعيدة المهم انا زيزو اسم دلع زياد اسمي لكن بوي يدلع فيا يا خامر وامي تسب فيا ب وليدي مواليد 93 المهم مواصفاتي طرف الحق ياربي ربي يحفظني ويحفظكم ويحفظنا كلنا ويحفظ....

الكاتبة روهاندا: تي هيا 🙂😑
زياد: باه دراه كنت بنقول يحفظ الكاتبة 😑 المهم نرجعو لمواصفاتي أبيض عضلات طولي 172 ولحية وجو ما تفهم شي المهم انا ومثل ما يقال عني تافه🙂 مش متربي😎 سكير😴
المهم عندي اختي هدى مواليد 2000 تقرا هندسة الباش مهندسة لسانها اطول من شارعنا وامي مبروكة وبوي محمد بوي عنده شركة أستيراد وتصدير وعمارة تحتها ثلاثة محلات ع طريق ومنتجع عالبحر وفلوس زي تراب كان مش بوي راني خطفته ازح 😂
وطبعا زي ما انتوا عارفين كنت ساهر مع اصدقاء سوء يلي انا وياهم من ثالث مع بعض ما عادا عليوة حب قلبي من لما جباته امي وحابتني امه واحنا مع بعض زي زينكو ورينقو 😂
الكاتبة :قصدك من لما جباته امه وجابتني امي 🙂💔
زياد : انتي خليتيني نعرفهم عليا وانا دايخ 😑 هيا بري خلي نرقد

/////////////////////////////////////////////////////////////////////////

Rohnda_24

نرجعو عند دنيا
ساعة سبعة صبح

حميدة: هيا بنياتي باش توزعو الفطيرة وتمشو للمدرسة قبل الحصة ما تبدا
رانيا: وخيتي سلمها العسل الكيوتة يلي خايفة على بناتها يتأخرو عالحصة لكن ما فهمتش علاش لما تنوضي فينا تبدي وحش مفترس
حميدة نحت شبشب من رجلها وحذفاته على رانيا
دنيا و ريان : 😂😂😂
حميدة: اخرتها طلعت وحش مفترس امشي صوت 😡

دنيا : هيا رانيا بسرعة
رانيا: باهي وجهي بعد شبشب بدي مستطيل 🙂💔
ريان: 😂😂😂 تستاهلي
رانيا: تشمتي انتي 😑
دنيا : ماما احنا مشينا

بعد ماوزعو الفطيرة وهما ماشييين للمدرسة بووووم
دنيا:😱
...........