روايات روهاندا "انقذتها من خدعة لاخدعها مجددًا "❤️🔥

Part one 🔥❤️

#أنقذتها_من_خدعة_لاخدعها
Part one🔥❤️

"نصيحة أقروا المقدمة لتفهموا القصة "

بعد ماوزعو الفطيرة وهما ماشييين للمدرسة بووووم

دنيا : 😱😱 حي عليا
رانيا : خيرك 😕
ريان قعدت تشوف وين ما تشوف دنيا : حيي هذا العافن عبد الرحمن يلي كنتي تكلمي فيه
رانيا : لحضة وحدة هو خيره جاي جيهتنا 😱 حي عليا فضيحة بقلاقل
عبد الرحمن : صباح الورد عالورد
رانيا: تفضل انشالله خير شنو بتعزمنا على عرسك
ريان : نعتذر انا ما نسمعش في اغاني الا في حوشنا
دنيا ورانيا:😂😂😂
عبدوا : دنيا نبيك على انفراد
رانيا : بالله برا سلم ولدي لا انفراد لا جمع تكسير
عبدوا تجاهل رانيا: دنيا بنقولك كلمة وبنمشي مش في صالحك تعانديني
ريان : حي على امه هذا مدايرلي فيها تهديد تعرف ادور وتعدهم خير ما نركها زغروطة توا نلم عليك امة محمد
دنيا : ريان رانيا 😡 اسبقوني للمدرسة توا نلحقكم
ريان ورانيا وهما ماشيين بصوت واطي : حقير تافه منحط نذل حيوان دراه عيل 👿👿

دنيا : تفضل اهو قعدين على انفراد شن يلي عندك مزال بتقوله بعد خطوبتك
عبدوا : عندي هلبا 😈
دنيا استغربة:زي ؟؟؟؟
عبدوا شد تليفونه وفتحه وبدي يوري لي دنيا 💔
دنيا :يا حقير يا سافل يا عيل
عبدوا : تصكري فمك خير ما نمسح بكرامتك البلاط يا كلبة وتلقي صورك وفيديوهاتك في كل تركينة
دنيا دموعها بدوا ينزلو: شن تبي
عبدوا : والله شن بنقولك انا شريت استراحة المدة يلي فاتت ونبي نرفعك ديري دورة 😈
دنيا : انت واحد حيوان انا الي غلطة لما حبيتك وحطيت فيك ثقة وصدقتك برا الله لا تربحك ولا يختمها عليك انشالله تلقاه وتتلقاه في صحتك وعافيتك
عبدوا : بالله فكينا منه جو اشرف من شرف تي كانك متربية راه ما تبعتيليش فيهم وجو الاحترام ما ديريشي عليا عندك خمسة ايام يوم الخميس ردي عليا واختاري يا نزردوا فالاستراحة يا نزرد بصورك يا حلوة وركب سيارته ومشي

اما دنيا كانت في عالم تاني مش عارفة شن دير ولا كيف تتصرف 💔 تبكي وخلاص وحاسة رجليها مش حاملينها تحركة بسيف خشت للمدرسة تسمع فالبواب يلقح عليها لإن كانت واقفة مع ولد لكن فاتاته او بالاحرى ما تندريش عليه حتى شن يقول ولا في من يكلم ركبت للفصل قعمزت فالمقعد وما تحركتش منه لين تم دوام
حتى فالاستراحة على قد ما حاولو معاها صاحباتها وخواتها باش تنزل تفطر فالساحة صكرت راسها وأخيرا تم دوام لمت كتاباتها ونزلت القت خواتها يستنو فيها حاولت تتعامل عادي وما تحسسهم بشي وقعدت تضحك وتهدرز وتحاول تغير جو وتنسي روحها شي يلي عاشاته ويلي مزال بتعيشه 💔🔥 لين فجأة وهما قاصين طريق بووووم.............

————————————————————————

Rohnda_24

مبروكة: نوض سلم وليدي
زياد: علاش نوض شن في وراي وانتي عارفتيني لا خدمة لا قدمة 🤬😴
مبروكة: نوض نبيك تجيبلي خضرة وحلو وحاجات ضيافة خالاتك ومرت خالك بيجوني ونبي صابون و وراكينة
زياد:الا وبعدين علاش 24 وعشرين ساعة عندنا يحكو اتقول فاتحين ملجأ مش حوش
مبروكة: ما دخلكش ونوض خير ما والله نقول لبوك وانت عارف نوض جيبلي الحاجات وصابون والوراكينة خلي نولع طلية
زياد: تي شن صابون وراكينة وانتي تقول تتعاطي فيهم الهم 🙂💔
مبروكة: رزق راجلي وحرة فيه 😌
زياد: حتى انا رزق بوي ونخاف عليه 😎
مبروكة : ايه واضح هذا ليش كل يوم تروح تدعدع زي صفدع
زياد: مالقيتيش حاجة احسن من ضفدع 🙂💔
مبروكة : لا
زياد: نوضي اطلعي
مبروكة: نعم تلز في امك في معفن يا
زياد : تي باهي وانتي ما تصدقي يحلولك سارينة اطلعي بنبدل باش نمشي نجيبلك حاجاتك 😡
مبروكة: مش تخليني نطلع وتتمرقد تاني
زياد : تي باهي فهمنا وراكينة وصابون