Baalveer returns season 2

HAPPY KI SAFETY part 2

Happy:- Zara humse bhi to milwaiye apne chote bete se.
Karuna ji:- 😊 thik hai bulati hu use. (To Vivaan) Vivaan bahar to aana zara tumse koi Milne aaya hai.

Vivaan jo ki apni aansuo se nam aankhon se Debu ki photo ko dekh raha tha, Karuna ji ki aawaz sunkar maano abhi hosh mein aaya ho.

Vivaan:- Aaya mummy.

Wo Debu ki photo ko wahi paas mein table par rakh deta hai. Pal bhar ke liye us photo ko dekhta hai aur phir bahar chala jata hai.

Vivaan Karuna ji ke paas aata hai. Wo Happy ka chehra nahi dekh pata kyonki Happy uski taraf peeth karke betha tha.

Karuna ji:- Ye lo aa gaya Vivaan. Vivaan dekh to tumse kon milne aaya hai!

Happy khada hota hai aur Vivaan ki taraf mudta hai.

Vivaan:- 😮Debu bhaiya![ Vivaan Happy ko Debu samajh baitha]
Happy:- Acha! To tum ho Bharat Nagar ke hero Vivaan. Tumhari bahut taarif suni thi humne. Are humare baare mein to bataya hi nahi humne. ( Apna haath aage badhate hue) Myself Harishankar Pandey. Par sab log hume pyar se Happy bhaiya bulate hai.

Vivaan ko to jaise kuch sun hi nahi raha tha. Uski aankhon ke saamne to bas Debu ka chehra tha. Wo Happy ko hug kar leta hai aur rone lagta hai. Happy pahle to kuch samajh nahi pata hai, par phir samajh jaata hai ki Vivaan use Debu samajh raha hai.

Happy:- Acha to nahi lag raha hai tumhara dil todte hue, par jo tum samajh rahe ho, mein wo nahi hu. Mein Debu nahi hu.

Vivaan ko reality ka ahsas hota hai.(Debu is no more)

Vivaan:- (Break hug) Sorry wo actually mujhe laga ki aap...........😥(Aage bol nahi paya)
Happy:- kouno baat nahi. Waise bhi eha Bharat Nagar mein pichle kuch dino se yahi to ho raha hai humre saath. Sab log jisko dekho wo hi hume Debu samajh baithta hai. Ab to is galatfehmi ko jhelne ki aadat ho gayi hai. Par khair isse pehle ki ki tum phir se Koi galatfehmi mein uljho,hum tumse apna parichay karwa dete hain.( Apna haath aage karte hue) Hum hai Happy Pandey from Kanpur.

Vivaan:-(Happy ki baatein sunkar uske chehre par hansi aa gayi) And I hope ki mujhe to aap jaan hi gaye honge Bharat Nagar aakar ( handshake 🤝 karta hai) Vivaan!

Karuna ji:- Ab kya baaton se hi pat bharne ka irada hai tum dono ka! Ye breakfast kon karega?
Happy:- Kon karega matlab? Happy bhaiya hai na eha par.( Tapaak se chair par baith gaya)
Vivaan:-( chair par baithte hue) Mummy, mujhe bhi serve karo na! Bahut bhookh lagi hai.

Karuna ji serve karti hai aur dono khana suru karte hai.

Happy:- Waah! Ka khana banaya hai. Aisa lagta hai maano khud devi annapoorna utar aayi ho khana banane ke liye.
Vivaan:- Bhaiya! Khana to testy hoga na, aakhir mummy kiski hai. Aur waise bhi, Devi annapoorna ke haathon mein bhi wo swad nahi hoga,jo meri mummy ke haath ke bane khane mein hai.
Happy:- Ei to tum bilkul sahi kahe.

Dono phir khane mein lag jaate hai.

Karuna ji:- (Happy ko serve karte hue) ye lo aur khao.
Happy:-[Dakaar lete hue] Are nahi! Pahle hi hum itna saara kha chuke hai. Pat gubbara ho gaya hai. Ab agar thoda sa aur khayenge na, to ei gubbara foot jayega. [ Ye sab dekh kar vivaan ko hansi aa gayi]
Vivaan:-(kidding) Are bhaiya! Kha lo na. Thoda hi to hai. Mummy kitne pyaar se serve kar rahi hai aapko.
Happy:- Are na baba na, agar thoda aur khaye to Kahi hamre pat ka hi halwa na ban jaaye. [Phir se dakaar leta hai] aur waise bhi jarurat se jyada pyaar aur jarurat se jyada khana, sehat ke liye haanikarak hota hai.

Sab hanste hai. Happy ko yaad aata hai ki use jolly ne kisi jaruri kaam ke liye bola tha.

Happy:- Acha to phir hum chahte hai. U ka hai na ki bhaiya ne hume kauno jaruri kaam ke liye bola tha.

Ye kahkar Happy wahan se chala gaya.

At Shinkai.............

Bhaymaar:- Hum itne dino se kosish kar rahe hai, lakin phir bhi hume pariyon ke us raaj ke baare mein kuch bhi nahi pata chala.
TT:- Lagta hai umr dhalne ke saath aapka dimaag bhi kamjor ho chuka hai. Aise to badi badi dinge haankte rahte ho, ab kya ho gaya tumhare dimag ko? [ Bhaymaar gusse mein TT ko dekhta hai. TT laughing nervously] Aisa mein nahi bol raha hu, aisa to Timnasa kahti tumhare liye.
Ray:- I am dem sure ki kuch to aisa special jarur hai us raaj mein,jo wo pariyan aur Vivaan humse chupane ki koshish kar rahe hai.
Bhaymaar:- Ray! Agar hume ek baar is raaj ke baare mein pata chal gaya, to ye Happy aur baalveer wali gutthi bhi sulajh jaayegi.
Ray:- Par hume pata kaise chalega ki ye seven universes aur seven look likes ka raaj akhir hai kya?
Bhaymaar:- Ek jagah hai, jaha hume humare saare sawalon ke jawab mil sakte hain.

TO BE CONTINUED.........

Next part preview...

1. Virohi ka jhagda— Personal kooli
2. Raaj ki khoj— Kya buraiya houngi ek saath?
3. The most important— Masti pari is back.

Attention please — wo kya hai na ki meri English thodi kamjor hai, to agar kisi spelling mein mistake lage to please bta dena.

Aur comment mein batana mat bhuliyega ki aapko ye wala part kaisa laga?

Good bye......

Next part is coming soon......